باب للنقاش

موضوع: باب للنقاش الأربعاء 29 سبتمبر 2010, 5:06 pm

اقترح ان يخصص باب يتم فيه مناقشة اى موضوع طرح للنقاش ويثبت ذالك الموضوع لفترة تسمح ان يشارك كل شخص برأيه فيه
سموه باب النقاش او موضوع الاسبوع المهم الفكره وصلت ولكم الحرية
شكرا لكم احبيتى ودومتم فى سعاده وهناء

تسلم يارايس علي الاقتراح الجميل ي بعد ان نسمع راي الاخوان اقترح انوا اول موضوع يطرح منك بصفتك الريس وصاحب الفكره وكبيرنا متعك الله بالصحه والعافيه .

الرائع دوما سامي لك التحية وكل الود والإحترام وكلامك عين العقل ورايك دائما حكيم وانا أؤيد الفكرة وتقبل مروري

موضوع: باب للنقاش الأربعاء 29 سبتمبر 2010, 8:52 pm

شكرا اخوانى فخرى ومصطفى
شكرا على المرور والتثنية لكن الاسم ما عاجبنى ياريت تشوفوا اسم اجمل
شكرا لكم وننتظر باقى الاخوان والاخوات

منور أخونا سامي وأنا عندي إقتراح لتسمية الباب باسم (ضل الشجرة) ورينا رايك ياريس

موضوع: رد: باب للنقاش الخميس 30 سبتمبر 2010, 8:23 am

تسلم الاخ العزيز سامي والله كلامك عين العقل وانا معك ياريس وعايزين نعمل نفرة لجميع الاعضاء

اسعد الله ايامكم
ما عارف اقول شنو معقول بس نحن الاربعة
كدى نديهم فرصة كام يوم اما يا مصطفى الاسم جميل وممكن نسميه ونسة تحت ضل الشجرة
المهم الجماعة يدخلوا ويقولو رأيهم ونشوف الاسم الجميل اكيد عندهم كلام جميل بس يا رب يدقوا الباب ادوهم دفعة وربنا يسهل

موضوع: رد: باب للنقاش الأحد 03 أكتوبر 2010, 2:13 am

mustafa abbas كتب:: الرائع دوما سامي لك التحية وكل الود والإحترام وكلامك عين العقل ورايك دائما حكيم وانا أؤيد الفكرة وتقبل مروري

لكم كل الود والتحية ونحن نراقب وننتظر الموضوع الاول واتمنى ان يكون اول موضوع يناقش ليه الناس خفت من الطلة على المنتدى والغزارة في المواضيع قلت والمساهمات والمشاريع لخدمة الشجرة قلت ودايرين الصراحة وكل واحد يطلع الفي قلبوا اذا اعتمدتوا الفكرة عسى نقدر نلم الشمل ونعيد المنتدى لعهدو الاول لانوا شايف نص المنتدى تحول للفيس بوك بمساهمات كبيرة وغزيرة والبعض الاخر حائر بين المنتدين والكل يفهم نحتاج للوحدة اذا صح التعبير

أحييك أخى سامى وبتمنى ليك السعادة والأوقات الطيبة فى بلاد الغربة أنت وأفراد الأسرة الكريمة,
أى شى يرتبط بالشجرة وأهل الشجرة يجد منا الدعم والقبول الفورى , وزى ما ذكر أخونا أشرف
الفيس بوك أستحوذ على وقت معظم الأخوان ..فنتمنى عودة الشباب ليحيو مع أخوانهم الحركة فى
المنتدى .

اقتراح جميل ذى سيدو بالنسبه للاسم ضل الشجره كويس جدا بس بضيف
(نقاش) فى ضل الشجرة

موضوع: الاخوان الكرام الأحد 10 أكتوبر 2010, 2:48 pm

الاخ الفاضل اشرف شكرا على المرور واقتراح جميل المهم الفكرة تجد القبول عند الجميع وطالما سوف يكون هناك نقاشات هادفة نستفيد منها حكاية الاول شنو ما مشكله المهم نتفق
------------
الاخ مجدى لك التحية والاحترام دوما عزيز وغالى كتر الله من امثالك
------------------
اخى عز العرب
ما قلت لينا العقد صحيح ولا الشباب ضحكوا علينا المهم باركنا ليك ودعواتنا ربنا يسعدك
شكرا على المرور
----------- اما حكاية الفيس بوك ما فيها حاجه ودى وجهة نظرى انا فقط المهم الواحد منا لا يبعد عن المنتدى لان الواحد منا يحوم ويحوم ويلف الدنيا فى النهاية بيرجع بيته صح المنتدى ده بيتنا لازم ترجع ليه فى نهاية الجوله قبل ان تقفل الجهاز تعال شوف الحاصل شنو
تشارك الاخوان وتصبر من فى محنه وتبارك لمن ينتظر التهنئه وتساند الجميع

موضوع: رد: باب للنقاش الأحد 10 أكتوبر 2010, 5:45 pm

التحية لك اخي الكريم سامي وفعلا الترتيب اول واخير ما مشكلة طالما الاتفاق موجود ونتمنى الناس زي ما قلت يكون المنتدى هو البيت الكبير العامر دوما

االاخوان انا عندي اقتراح لازم نعمل للمنتدي صندوق مال لتقديم بعض الخدمات لاهلنا في الشجره وفي والمناسبات يعني نطرح الموضوع بقيادتك ياريس ونشوف راي الاخوان في المنتدي والله عايزين نحاول نعمل اشياء كتيره مثلا المركز الصحي المدارس المناسبات اتمني ان يطرح ويناقش وياخذ شئ ومن الجديه والاهتمام والله الموفق تسلم ياريس .

العزيز فخري لك التحية وكلامك عين العقل وانا اثني هذا الراي -لك التحية

الاخ سامى شكراً كتير على هذا الطرح والفكرة حلوة جداً انا اعتقد دى يمكن تقرب الناس لبعض اكتر ومن خلالها الناس بتقدر

تستفيد من كتير من الاراء فانا اعقب على الفكرة بالتاييد واقتراحى فى التسمية 3 اسماء ممكن ترشحوا واحد برضو .

1- ساعة سمر

2-فنجان شاى

3- واحة غريب

والخيار لكم واسال اللة ان نجتمع سوياً على الخير دائماً.

اذا واحد قال لاي واحد من ناس الشجرة خش المنتدى ؟
بكل صراحة ردك حيكون شنو

بكل تأكيد الرد ( حتقول وين في القديم ولا الجديد )

وهنا تكمن المشكلة متى يكون هنالك كيان واحد يستقطب الكل ناس الشجرة عشان لما يطرح فخري الطرح ده واللي نحن دائما عهدناه سباق للخير تكون النفره كبيرة .
نحن بصراحة ومن الاخر مجزئين اشلاء والخلافات عصبا عنا موجودة بدليل المنتديان ولابد من كبارنا يقوموا ؟؟؟؟؟؟؟؟؟
ويحسموا الامر بالجلوس والنقاش نحن ناس الشجرة مميزين بوحدتنا حقوا الناس تقيف هنا قبل كل شئ

الاخ سامي
لك مني كل الحترام والتقدير وبشكرك جزيل الشكر علي هذا الاقتراح الجميل وده شي اتعودنا عليهو منك تسلم يارب

الغاليين
اشرف ومصطفى وفخرى ونعمات وامانى
اسعد الله ايامكم وبارك الله فيكم
حكاية الصندوق سوف تخلق مشاكل والشيطان يجد له منفذ فى القلوب الضعيفة لكن ده رأى خاص مع احترامى لوجهة نظر اخونا فخرى وهو الحامل هموم الشجرة وناسها
وانا اقترح ان تستمر اللجنة السابقة فى الشجرة عليها متابعة هموم الناس ليس فقط ان نعمل انارة او مظلة لكن هناك اسر ليس لها من يعولها تحتاج الى مساعدة شهرية او ايتام لماذا لا نعمل لها ما يحفظ لها كرامتها وتكون سرية جدا
ده اقتراح ولكم جميعا الاحترام والتقدير عارف ان ده سوف يرجعنا الى اقتراح فخري نعم من نثق فيهم يفتحوا حساب فى البنك وتحول لهم المبالغ فيه

موضوع: رد: باب للنقاش الجمعة 15 أكتوبر 2010, 4:09 pm

حاضرين ياريس وتحت أمرك إنت تأمر وزي ماقلت أخونا فخري الله يديهو العافية حامل هموم ناس الشجرة وممكن نطلق عليهو لقب ضل الشجرة ولا رايك شنو؟ تقبل تحياتي أخي العزيز

موضوع: رد: باب للنقاش الخميس 21 أكتوبر 2010, 6:41 pm

تحياتي للجميع بدون فرز واحيك اخي سامي علي الموضوع الجميل والاسلوب الاجمل نحنو معك في الطريق ياريس بس حبيت اوضح لاخي اشرف ان المنتدي الاصل او القديم هو روحنا ودمنا ولن ولن نذهب ببعيد عن المنتدي القديم والمشكلة بتاعت المجاني انتهت يعني بكل صراحة بنحب هذا المنتدي ولن نذهب ببعيد عنهو وندعو الجميع للحضور والله الموفق

كنت علي موعـــد ولقـــــــــاء *** مع منتدي يتلاقي فيه العظمـــــــــــاء

مواضيع تدمع لها العيــــــون *** واعضاء بينهم حب وود وارضــــــاء

قرأت كلمات اقشعر لها بدني *** باقلام كتأب وفي بعض الاحيان قرأء

أبداع ليس في الكلمات فقـط *** ولكن ايضا في الالفه بين الاعضـــاء

كمنزلا واحـــد يضمنــــــــــــا *** ولا نجد الراحه الافيه والاسترخــــاء

حنين يأخدني اليه فأنـــــــــــا *** واحدة ممن احبوه بنقـــــــــــــــــــــــاء
وهو منتدي الشجرة والحماداب www.alshagara.com لكم تحياتي

بشكرك اخي درزي انك الوحيد الرد على وبصراحة المنتدى ده مكانته فعلا في الوجدان كبيرة ونقطة من الصعب جدا تجاهلها وادمانه وصل ابعد حالاته واود ان اقولك اخي اني لم اقصد النتدى دائم او مجاني لانوا احلى ايام المنتدى كانت في المجاني وما زالت ان شاء الله لان المنتدى بناسوا وليس بشكله ولا نملك الا ان نقول ربنا يوحد الشمل مره اخرى وكفى ليك التحية درزي

» موضوع للنقاش
» موضوع للنقاش؟؟؟
» موضـــــــع للنقاش
» قصة وباب مفتوح للنقاش
» دعوة للنقاش والحوار