قفة نكات

موضوع: قفة نكات الأربعاء 09 يونيو 2010, 3:33 am

واحد حلفاوي عايز يغترب باي طريقة في النهاية
لقو ليهو عقد عمل من الشؤن الدينية في مهنة مؤذن
المهم صاحبنا ساكن مع جماعة عزابة جنب الجامع ... وطبعا الكشتينة مدورة 24 ساعة
وصاحبنا كل ما يجي وقت صلاة يمشي يأزن ويرجع بسرعة
مرة امام الجامع قال الزول دا ماشفناهو اصلو في الصف الأول ... لازم نعرف حكايتو
الامام أنتظر الحلفاوي جنب باب الجامع وصاحبنا اذن وعايز يتخارج بسرعة عشان يلحق العشرة
الامام قال ليهو وين رايح يازول لماذا لاتصلي معنا
صاحبنا قام طلع ليهو صورة من العقد ... وقال ليهو هنا مكتوب شنو مصلي ولا مؤذن
***************
واحد سواق تكسي مسطول
ركبو معاهو مرتين مسطولات
قالو ليه الشارع ده طويل ماتفيكو
بعد مسافه لقه صينيه
قال ليهم الفها
قالو ليه الا تشربه براك
****************
واحد شايقى بنى مسجد فى الحى والناس شابكة
مسجد الشايقى مسجد الشايقى ... قام جعلى
بنى مسجد جنبو وكتب عليه مسجد الجعلى
الصلاة بدون وضوء وعلى الطلاق الصبح ركعة احدة
****************
واحد رباطابي مشى زيارة لي اهله ... البت جابت ليه الشاي
الكباية كانت نص ... قال ليها مالك ما تتميها
قالت ليه الاتيكيت والبرستيج بقولوا انه الكباية ما تكون مليانة للاخر
رد ليها ... لو ناس الاتيكيت بدوروا الكباية تتملي لي نصها
كان سووا النص الفوق دا نملي
******************
فى واحدة حاجة عجوزة مشت عند دكتور جنوبى
قام الدكتور قال ليها سوى تهليل (تحليل) ... قامت الحاجة رفعت يدها لااله الا الله
****************
قال ليك فى واحد كل ما يجى ينوم يقول لمرته انا كان متا عليك الله ما تتزوجى الا ود عمى على
،،، العمليه دى كل يوم يقولها للمره ... المره استغربت قالت ليه معقول انتا بتحب ود عمك على للدرجة دى
قال ليها لا و الله بس باع لى عربية و غشانى فيها
***************
كان واحد حلفاوي مدير مدرسة ابتدائية فى غرب سنار
وفى يوم جو اهل القرية لمدير المدرسة وقالوا ليه السنة ده امطار مافى لوسمحت عاوزين نصلى صلاة الاستسقاء
عايزين تدينا شوية طلبة قال ليهم خلاص فى ناس سنة سادسة ماعندهم حصة
المهم اخدوا ناس سادسة ومشوا صلو تانى يوم نزلت ليك امطار شديدة جدا
قاموا اهل القرية مشوا لمدير المدرسة عشان يشكروه
قام مدير المدرسة قال ليهم والله كمان لو عاوزين ليكم شقشاقة خدو سنة أولى
*****************
قال ليك فى اثنين من الافارقة البيدرسوا فى المركز الاسلامى بالخرطوم
ركبوا بص ولما جاء الكمسارى قالوا ليهو: طالبان
طبعا الكمسارى خلاهم ومشى للقاعد وراءهم ... قام داك قال للكمسارى :الملا عمر
*****************
جماعة مساطيل...قاعدين في بيتهم...دايرين يولعوا سجاره عاديه...لقوا الكبريت خلص...رسلوا واحد للدكان يجيب كبريت
داك مشي الدكان وجا راجع ساكت بدون الولعه
قال ليهم الدكان قفل لكن لقيت ست شاي مولعه المنقد...طيب ما كان تولع..؟؟؟ ارجع ليها
صاحبنا رجع..وجا تاني بدون ولعه..مالك؟؟
قال لقي ست الشاي قفلت...لكن لقي واحد في الشارع مولع سيجاره..!!!!؟ ارجع ليهو..؟؟
قالوا ليهو: لأ.. انت ما نافع...خلاص أطفي الشمعه دي معاك خلينا ننوم
*****************
فلاتي بشاغل واحدة بالتلفون
قالت ليه شكلك كده فلاتي
قال ألعن أبو الكاشف زاتو
**************
اتنين مساطيل في البحر
واحد قال للتاني ... الموية دخلت أضاني
التاني قال ليه عقبال الكهرباء
************
قِرد سأل أمه
ليه نحنا شينين كده؟
قالت ليه
أحمد ربك .. ما شفت الزول البيقرا في البوست ده
ومابرد عليهو
**********

واحد قال ليك جاء عفصو حمار فى رجلو و جاء للدكتور و صادف انو الدكتور كان مشغول جدا المهم فى مشغوليتو ديك كتب ليهو على قطره 4 نقط فى العين المهم صاحبنا استغرب جدا و قال ليهو يا دكتور انا بشكى ليك من كراعى تدينى قطره الدكتور قال ليهو ياخى دى ما ليك دى تقطرا للحمار عشان ما يعفصك تانى
*****************
واحد مغترب ، في أول إجازة رجع السودان ، إشترى قطعة أرض فاخرة ، ونزل مواد البناء ، وطالب أهله بمتابعة البنيان ، ورجع مكان شغله فوجد نفسه شـلحوهو ( فنشـــوه ) فعلى الفور إتصل بأهله:- آلـــو....السلام عليكم .... أخبار البنيان شـنـــو ؟ فردوا عليه :- واللــه ماشين كويس جدا ... رمينا الساس ... ويادوب صبينا الأعمدة القصيرة ... فقال لهم :- خـــلاص ... خــــلاص ..اعرشو على كدة
************

» نكات شوايقة
» نكات شايقست
» نكات مساطيل وبس
» نكات مساطيل
» نكات من الشرق