نكات مساطيل وبس

موضوع: نكات مساطيل وبس الخميس 12 مارس 2009, 7:16 am

تاجر بانقو اتقدم لى بت ..........اهلها سالوه شغال وين ..........قال ليهم:
فني تكييف

مسطول لقى واحد وولدوا واقف وراهو ....
قال ليهو مالك انتا وولدك واقفين زى الساعة اتناشر شوكة

استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق

مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة

مسطول احوص دايرين يشنقوهو سألوه: امنيتك شنو؟
قال: اشوف نفر واحد بس

سألو مسطولة سودانية ترشحي مين لقيادة حماس؟ اجابت: راغب علامة

مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،
قاليهم: انتو دايرين تدو هو فاتحه ولامصاريف

واحد سأل واحد مسطول يا أخ انا داير اصل المستشفى أقرب شارع بى وين ؟؟؟؟

رد المسطول : بسيطة أقيف في نص الشارع

واحد مسطول مشي للدكتور بشتكي من ضرسو، الدكتور قاليهو: احشي ليك؟

قاليهو لا.. لا.. اديني في صحن!!

مسطول سأل التاني : الطحنية دي بصنعوها من شنو؟ قاليهو: من النشاره!!

مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟

مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟
قالت ليهو: الحلوة وراها .........حمااااااااار

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم

مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة

مسطول بيشاغل في واحدة لونها اخضر (سمراء) قاليها: وين يا بيبسي؟
قامت تفت عليهو
قاليها : وكمان بتفوررري؟

مسطول اشتري عربية شبح جديدة لنج
....وهو سايقها فتح الراديو سمع هنا لندن، قال انعل ابو السرعة ذاتو

واحد مسطول مثقفاتى سالوهو ما فائدة (ملاح الويكه؟)
قال: يساعد علي انزلاق اللقمه

مسطول سألته بنته العائدة من السفر: أنا منو؟
رد عليها قائلاً: بالله انتي ما عرفتي اسمك دايري أعرفك أنا

مسطول سايق تاكسى واحد وقفو قال ليهو: نادى الأسرة من فضلك

رد قاليهو ناديهم براك

مسطول سايق تاكسي الراكب قاليهو: لف يمين،
المسطول قاليهو: لفها انت .........انا سايق

مسطول ضرب تلفون غلط قال: دا منزل مصعب
؟ قالو ليهم لا
قال ليهم : طيب رافعين السماعة ليه

مسطول فتحو محطة بنزين جنب بيتهم.....
قال: اخيراً الواحد يقدر يكب بنزين كداري

مسطول قدر ما يشرب سفن اب (7 up) بقي يمشي سبعة خطوات وينط....

مسطول جارى وراه كلب ينبح عليهو..
لف ستة شوارع والكلب لسه وراه،
لما وصل الشارع السابع الكلب تعب رجع،
المسطول وفق في نص الشارع : مبــــــــــــــــــــــــــــــــــالغة دا كلب طويل خلاص

سواق أمجاد راكب جنبو واحد سمـــــــــين لدرجة انو ما قادر يسوق،
في واحد مسطول في الكنبة الخلفية قال للسواق: يا ابن العم شيل دركسونك وتعال معانا بي وراء

مدرس بيدرس في طلبة مساطيل قال ليهم: يعيش السمك في الماء! قالو ليهو: يعيش... يعيش..يعيش

واحد طلب من مسطول سيجارة عيدية فى عيد الفطر
المسطول قال ليهو السجارة كان بدوها عيدية كان ختوها في علبة الحلاوة

مسطول بحب نفسو... كتب ليها جواب

مسطول دخل يدو في مويه نار مرقا لقاها مافي.. دخل رأسو يشوفا مشت وين

مسطول سالوه ما اصغر شئ في الدينا
قال ليهم
شامة في ضهر نملة

واحد مسطول ساق حمار الوحش لبتاع التلفزيونات وقاليهو: عاوز واحد زي دا.. لكن يكون ملون

ليه الواحد لما يعاين ليك بتجيهو نفسيات؟
غايتو انا تاني ما حاوريك وشي خالص (مسطولة بتتكلم مع المرايا)

سألوا مسطول عن اكثر زول صبور قال واحد منتظر نانسي عجرم في قناة اقرأ

واحد عندو ارنب عاوز يبيعو جاهو واحد مسطول قاليهو: القرد ده بكم؟؟
رد الرجل: دا ارنب ما قرد! المسطول قاليهو: يا ابو الشباب انا سألت الأرنب ما سألتك انت

استاذ سال تلميذ
مسطول ما معنى كلمة سبيل؟ رد التلميذ: طريق..
المعلم
وسلسبيل؟ قال ليهو ... طر.. طريق

مسطول لقى جدو بيأكل جلي قاليهو: انت بترجف والجلي يرجف
جهجهتو المعلقة

مسطول احوص دايرين يشنقوهو سألوه: امنيتك شنو؟
قال: اشوف نفر واحد بس

حاجة مباااااااااااااااااااااااالغة .................اللة يفتح عليكم يادوب بقينا نضحك .

وفى انتظار المزيد ............تحياتى

شكرا كتير على النكات اللذيذة
وبنتوقع الجاى يكون أحلى

إمام حلفاوي بيصلي بي جماعه من الحلفاويين,
كُل يوم وكُل صلاة يقرا الحمدُ وسورة -ألهاكم التكاثُر حتي زُرتُم المقابر
أها الإمام مات قام جا ولدو بقا يصلي بالجماعه بدلو,
أول يوم صلي قرا ليهم سورة - التين والزيتون- ,
الجماعه ورا طوالي قالو ليهو (أثناء الصلاة) أيوا كِدا الله ينصُر
دينك جيب لينا الحاجات السمحه دِي,
أبوك كُل يوم شابِكنا هاكُم التزاكِر أمشُو المقابر.

جعلي كان مُسافر وقام ابوهو مات , الجماعه دفنوهو في مقابر الشايقيه.
لما رجع الجعلي شال كوريقو ومشا يحفر في قبر أبوهو داير يرحل لي
مقابر الجعليين , أهلو جو مارين قامو سألوهو مالك بتحفر, قال ليهم
والله أبوي ده أضانو تقيله ولو القيامه قامت الجماعه الدغيلين ديل ما
بصحوهو معاهم.
___________________

مسطو أهلو أصرو يودوهو للشيخ في الخلوه عشان يتعلم القرآن,
أها أول يوم مشا وجا راجِع أهلو سألو ,الليله الشيخ أداكم شِنُو ؟
قال ليهُم والله الشيخ ذاااااتو ما عارِف.. مره يقول القارِعه ومره
يقول ما القارِعه
________________________

واحد غرق فى النيل مافى جنبو الا شايقى . قال للشايقى عليك الله انقذنى : الشايقى قال ليه يازول ما تستغفر الله ... ده م يومك .....
____________________

مسطول أخوهو مات ، الجماعه غسلوهو ولفوهو
في الكفن ، قام إتلفَت ليهُم وقال ليهم
مافي واحد معاهو ولاعه
______________________

واحد بيحكي لرباطابي عن أنواع الثعابين، قال ليهو
في نوع مع عضّتو للزول بيخلّي أسنانو جوّه جسم الزول
الرباطابي: أها وكان لاقاهو زول تاني في نفس اللحظة؟
قال ليهو: ربّنا بيقوّم لو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟
________________

واحد مرتوعضتها كديسه و المره
ماتت جاء واحد يعزى الراجل
لقى اعداد غفيره من الرجال متزاحمين سأل واحد
ما شاءالله كل الخلق دي جاية تعزي
الراجل قال ليه لا... ديل جايين يستلفو الكديسه
_________________________

رُباطابي مُتشاكِل مع مَرَتُو
قامت قالت ليهو والله الواحده
كان عرَسـت إبليس كان أخير مِنك
قال ليها معا حق..
لكن بس حرام الواحده تتزوج أخوها
-------------------------

شايقي دخل البيت زعلان شديد .. مَرَتُو سألتو مالك ي راجِل
قال ليها تخيلي الصيدليه عامله تخفيض كبير في الدواء
وما عندنا زول عيان
________________________

مسطول قالو ليهو عادل إمام مات
قال ليهم الليله نكير الضحك شرطو
__________________

مسطول خطيبته قالت ليه أنا أهم حاجة عندي (ألإخلاص) قال ليها وأنا أهم حاجة
عندي الحمدو
__________________________

رُباطابي فتح دُكان جاب واحد فلاتي قرا فيهو يس
أول شهر الدكان رِبح 4 مليون ..الفلات سمع جا للرباطابي
قال الا يشيل 2 ملون .. الرباطابي قال ليهو لي إنتَ يس دي
قايلا من تأليفك
__________________

شايقى وجعلى ماشين فى الغاية فى الجنوب
ظهر ليهم نمر عاتى وجاء هاج عليهم
الشايقى ... شال نعلينو فى ايدو . واستعده للجرى
الجعلى قال ليهو شلته نعليك فى ايدك
قايل نفسك دار تسبق ليك .نمر
الشايقى قال للجعلى ..انا عارف نفسى ما بسبق
النمر انا داير اسبقك انت..؛؛؛؛؛؛
__________________________

أمريكي و إنجليزي و سوداني دخلو نار جهنم سوا , الامريكي قال
لي إبليس عليك الله شوف لي طريقه داير أتصل بي أهلي بواشنطن بالتلفون
بس خمسه دقايق .. إبليس جاب ليهو الخط وبعد المكالمه إنتهت قال ل الحساب
مليون دولار .. الانجليزي طلب نفس المُكالمه لي لندن و إبليس حاسبو بي
مليون جنيه استرليني .. السوداني طلب مُكالمه للخرطوم قام إبليس أداهو ساعتين
قام السوداني سأل الحساب كم؟ إبليس قال ليهو دولار واحد بس لأنها
مُكالمه داخليه
_____________________________

مسطول مشا يعزي جيرانو ولدن مات
دخل الخيمه شال الفاتحه وقعد
الزول القاعد جمبو قال ليهو كيف تشيل
الفاتحه انت ما عارف الناس ديل أقباط؟
المسطول قال والله أول ما إتذكرت انهم
أقباط كشحتهم ليك بي (قل يا ايها الكافرون

واحد بيحكي لرباطابي عن أنواع الثعابين، قال ليهو
في نوع مع عضّتو للزول بيخلّي أسنانو جوّه جسم الزول
الرباطابي: أها وكان لاقاهو زول تاني في نفس اللحظة؟
قال ليهو: ربّنا بيقوّم لو سنون جُداد وتااااني بيغرسن في جسم الزول التاني
الرباطابي: هو الشي ده دبيب وللا دبّاسة؟

لكما التحية الأخوة إدريس ومحمود وانتم تبدعون في سماء منتداكم العامر دوما بوجودكم

وهاكم دي حقيقة لجارنا رباطابي صغير مع ولدي الكبير علي ابو العزائم نجح في الروضة وجاء الأول واعطوة لعبة سيارة وجاء بحكي لية قال ليه:

انا نجحت في الروضة وادوني عربية هدية رد ليه الرباطابي : جيت بيها من الروضة

رد ليه ولدي قال ليه انت ما عندك مخ
الكلام دا حكاهو لي بالتلفون

لكم التحية مرة اخري

تسلم يا ابو العزائم و الله ،،،
و يظهر انه الشغلانه ما نكات و بس،،،، الرباطاب ديل موضوعم براه ،،،
و الله ما يوقعك فى رباطابى سمو فاير

محمود كتب:: تسلم يا ابو العزائم و الله ،،،
و يظهر انه الشغلانه ما نكات و بس،،،، الرباطاب ديل موضوعم براه ،،،
و الله ما يوقعك فى رباطابى سمو فاير

ليه كده ياحوته .. ماكنا كويسيين

كبتن كتب:: ليه كده ياحوته .. ماكنا كويسيين

(( الليله شكلى وقعته فى كبتن،،، شفته يا أبو العزايم ،،، اتخارجته انته ووقعتنى ))

و الله يا أبو كباتن ما عارفك رباطابى Smile

،،،

لكن حسب معرفتى بالرباطاب ما بحبو الكلام الما فى محله ،،

يعنى اتخيل كده لو فى واحد اروش شدييييييييييد ،، الله رماه فى رباطابى زهجان تتوقع النتيجه حا تكون شنو ،،،

و معليش يا الشجراب لى كل الرباطاب

ههههههههههه يامحمود وقعت ماسميت , شكلك كده بتعافر عشان تتخارج من الرباطاب لكن غلبك كلو كلو . الكلام ده كلللللللللللو ماحيدخل فى راس كبتن شوف ليك باب تانى . دى ما نفس الوقعة حقتى مع الثعلب وزوجتة, كان صحى كلام الزوجة ده , لانة لسع مافى نفى او اثبات وصلنى منه , انا ما عارفة قضيتو حسع ماشة كيف الحكومة افرجت عنه ولا لسع فى الاجراءات غايتو ادعو ليهو بلاهى واعرفو لى اخباره.

اتنين سكاره بيتناقشوا في قرار المحكمة الجنائية ضد البشير

الاول : انت الحكومة دي ماتسلم البشير ونخلص.

الثاني : الحكومة ماحتسلم البشير لانها مامشتركة في المحكمة الجنائية

الاول : الكيزان ديل جنو ولا شنو نحنا ما مشتركين في محكمة النظام العام وكل يوم قابضنن scratch

ا

حاكم كتب:

اتنين سكاره بيتناقشوا في قرار المحكمة الجنائية ضد البشير

الاول : انت الحكومة دي ماتسلم البشير ونخلص.

الثاني : الحكومة ماحتسلم البشير لانها مامشتركة في المحكمة الجنائية

الاول : الكيزان ديل جنو ولا شنو نحنا ما مشتركين في محكمة النظام العام وكل يوم قابضنن ا

دي قويه دي يا حاكم حلوه وجديده وملعوبه

و الله يا استاذه خشيت الراكوبه و شفته وقعتك ،،، و يظهر انه الاتنين وقعنا ما سمينا ،،

و زى ما قالو تشوف مصايب الناس تهون عليك مصيبتك ،، لقيت الشغلانه هناك فيها محاكم و الدعوه قائمه ،، و الله يستر من الحكم ،،

غايتو حا نتابع الاخبار ،،،

و نقرا جريدة الدار ،،،

الى حين صدور القرار ،،،