نكات من الشرق

موضوع: نكات من الشرق الثلاثاء 17 مارس 2009, 4:30 am

ادروب اشترى بنطلون جديد، قام ربط ليهو تكه !!

ادروب مرتو دايره تلد .. عمل للداية مسكول

ادروب سأل بتاع المطعم في شنو؟ قال ليهو: في كبده ، شيه ، شوربه ، .. رد ادروب : ما شاء الله ضابحين !!

أدروب ركب سمبوك سافر السعودية
مسكوا ناس جوازات الميناء يحققوا معاهو
" بالله إنت جاى السعودية تعمل أيه ؟؟."
أدروب " جاى أشتقل "
" ممكن تشتقل أيه يعنى ؟؟"
أدروب " أنشاء الله ... كفيل "

ادروب ساق زوجتو حامل ونسيبتو ومشى الخرطوم يشتقل فى التجارة
ملا الدكان بضاعة لي السقف وبدأ يبيع ... مبسوط بالزباين وبالرزق .
جاهو واحد ود حلال , أشترى منو كل البضاعة الفى الدكان وحملا فى لورى .. وأداهو شيك .
أدروب مشى البنك يصرف الشيك .. لقى الشيك طاير .
رجع البيت الجن راكبو .. لاقتو نسيبتو جنب الباب:
" أدروب الولد جبتا ..نسميهمو أوشيك "
أدروب: " أووووشيك لا،،،أوكاش بس.

المطر طولت ما صبت على أهل منطقة فى الشرق.

المزارعين اتلمو وقالو يمشو يكلمو ناظر المدرسة أدروب
عشان يخلى تلاميذ الصف السادس يصلوا للجماعة صلاة الأستسقاء.

الأولاد صلوا صلاة الأستسقاء بالضهر , بالليل .. صبت مطرة غرقت الحلة.

الصباح أتلموا المزارعين ورجعوا للناظر أدروب .. متذمرين.

أدروب الناظر : يا جماعة انتو ما كلمتونا من الأول ليه ؟
ما كنتو تقولوا عايزين شكشاكة , كان أولاد أولى .. أديناكم .

أدروب عامل حادث وشايلنو بالنقالة ويقول
دايرين النار وين النار دايرين النار وين النار
زوجتو ماشة جنبو قالت ليهو قول داير الجنة
قال ليها لا دايرين النار عشان نسوى الجبنة

ادروب قالو ليهو تمشي دارفور نديك شريطين
قال ليهم مسجل كان تدونا ما نمشي

ادروب سالوهو تدخل الجنة ولا النار ؟
قال القريبة من كسلا ندخل

أدروب أكل مرقة ماجي بكمية كتيرة
جاتو قبضة قوية ودوهو المستشفي
الدكتور سألوا ،، أكلت شنو الليلة ياأدروب
(((( بسكويت أبوديك أكلنا))))

أدروب سأل مسطول: عيد الضحية الخروف نضبح، عيد حب نسوي شنو؟ المسطول قال : عيد حب الخروف تجكس!!

أدروب سائق تاكسي في الصين كلما يأشر ليه صيني يقول ليه هسه دي ما نزلناك؟!!

ادروب عمل مشكلة مع واحد قال ليهو حاندخلك السجن قاليهم:
سجن نخش بس سجن ابوغريب مانخش..

الاخ ادريس : تحياتى وشكراً كتير حا جة روعة شديد ناس الشرق اظرف ناس.

بالمناسبة انا عاملةلى كراس خاص واشيييييييييييييل واكتب لانة الصيف هنا جاينا والناس بتتلم ونحن فاقدين الحاجات دى فهل من مزيد؟

ادروب شغال مع ناس الدفاع الشعبي امين مستودع. والمستودع دا مليـــــــان دقيق ففففففل

اليوم داك سمع ليك في الراديو المجاهدين إهللوا واكبروا قالوا السماء جابت لينا دقيق انت يا ادروب

امشي بيع الدقيق الفي المستودع كله . في الصباح جاهو القائد قال ليه وين الدقيق ياادروب قال ليه والله امس في الليل

دقيق ملايئكة تشيل تودي جنوب. لك التحية ياجنقور