مدرسة الشجرة العربية ( المدرسة المصرية)

مدرسة الشجرة المصرية من أعرق واقدم المدارس بالسودان وطبعا كل شباب الشجرة القدامى يذكرون تلك المدرسة العملاقة من حيث الانضباط والمستوى التعليمي والثقافي والرياضي حيث كانت من المدارس التي تنافس في كل ميادين الرياضة التابعة للبعثة التعليمية العربية بالسودان واخرجت عمالقة في الرياضة والفن والاداب وسوف نذكر في كل مرة مبدع من المدرسة المصرية وبعض اساتذتها ونبدأ بالاستاذ / مختار افندي رحمة الله عليه وده لاخوانا الديناصورات ذكرى والى مبدع آخر0

لك التحيه يا ابو صلاح الشجره العربيه خرججت عدد كبير من الاجيال لك الف تحيه

الاخ / صلاح خلف

موضوع مدرسة الشجرة موضوع شيق ومثير وطال ما انت بدات بناظر المدرسة الاستاذ/ مختار افندي اترك الامر للاستاذ/ فاروق الريح والاخ عباس جيل الديناصورات ,,,,,, لكن سوف اتطرق لمنحنى اخر وهو الحب فى المدرسة المصرية الحب السامي العفيف الخالى من رواسب هذا الزمان يتخيل لى ان طيبة اهل الشجرة وحبهم لبعضهم نابع من ان الشجرة اول مدينة عرفت الحب فى السودان اذا لم اكن مبالغا وان مدرسة الشجرة هي التى غرست ذلك الحب فى نفوس ابناءها الذى سماء بهم الى ارقى المعانى ووصل بهم الى اعلى الدرجات كان حب عزري صافى كصفا قلوب المحبين فى ذلك الزمان الجميل الموضوع شيق ويحتاج الى تركيز ولكن بدون ترتيب بدات ولك التعليق

عبد الوهاب احمد كتب:

الاخ / صلاح خلف

موضوع مدرسة الشجرة موضوع شيق ومثير وطال ما انت بدات بناظر المدرسة الاستاذ/ مختار افندي اترك الامر للاستاذ/ فاروق الريح والاخ عباس جيل الديناصورات ,,,,,, لكن سوف اتطرق لمنحنى اخر وهو الحب فى المدرسة المصرية الحب السامي العفيف الخالى من رواسب هذا الزمان يتخيل لى ان طيبة اهل الشجرة وحبهم لبعضهم نابع من ان الشجرة اول مدينة عرفت الحب فى السودان اذا لم اكن مبالغا وان مدرسة الشجرة هي التى غرست ذلك الحب فى نفوس ابناءها الذى سماء بهم الى ارقى المعانى ووصل بهم الى اعلى الدرجات كان حب عزري صافى كصفا قلوب المحبين فى ذلك الزمان الجميل الموضوع شيق ويحتاج الى تركيز ولكن بدون ترتيب بدات ولك التعليق

.......؟؟؟؟ أناهنا حتي اري الي اين تقودني اسطرك
وموقن من انك ستأخذني الي اعمق مما بين السطور :
لذا سأنتظر ،،،!!
و الصبر من ربنا ،،،،،،،،،،،،،،،،،،!!!:

تخريمة:

الوردة .. لو فاتا الفراش دي
ما اظن .. تلومو .. مع .. الندى
مابتجرح إحساسو الجميل
و الريدة يا حنين كدا

صلاح خلف كتب:: مدرسة الشجرة المصرية من أعرق واقدم المدارس بالسودان وطبعا كل شباب الشجرة القدامى يذكرون تلك المدرسة العملاقة من حيث الانضباط والمستوى التعليمي والثقافي والرياضي حيث كانت من المدارس التي تنافس في كل ميادين الرياضة التابعة للبعثة التعليمية العربية بالسودان واخرجت عمالقة في الرياضة والفن والاداب وسوف نذكر في كل مرة مبدع من المدرسة المصرية وبعض اساتذتها ونبدأ بالاستاذ / مختار افندي رحمة الله عليه وده لاخوانا الديناصورات ذكرى والى مبدع آخر0

ياصلاح انا درست الابتدائى والثانوى العام والثانوى العالى فى مدرسه الشجرة

دفعة الفنان عامر الجوهرى00دنيصوركبير اطمنك

الاخ العزيز / الثعلب

الاخ/ صلاح خلف فتح ملفا حيويا عن مدرسة الشجرة المصرية وانا اخذت منحنى حادا فى تعليقي ويبدوا اننى تورطت ليس لشئ سواء اننى لا املك الادوات والمعانى الجميلة لاخوض فى غمار هذا الموضوع ولكن لكى لا يطول انتظارك وتقراء ما بين السطور فسوف احاول .... بداء من تجربة الاختلاط المدرسي بين الاناث والذكور فى تلك الفترة وانا اعتقد جازما بانها كانت تجربة فريدة من نوعها حققت معانى كثيرة واهداف نبيلة كان الطالب يجتهد فى كل شئ بداء من مظهره الانيق ومتابعة دروسه لكى لا يظهر امام من يحب بانه شخص ضعيف كان الحب فى تلك الفترة دافعا قويا لكل شخص بان يبذل قصارى جهده لينال اعلى الدرجات كان الحب طاهرا يسموء بك الى الافاق..... وهناك من النماذج من ابناء الشجرة حققوا مراتب عليا بفضل ذلك الحب الطاهر الشريف .... يا الثعلب يا خوي ادخلتنى فى ماضي جميل وزمن اجمل عشان كده خلينى اقيف هنا وليتابع معك الاخوان حسن ( ابو على) والاخ صلاح خلف

ولك كل الشكر والتقدير

بالمناسبة ادخل الاسماء الحقيقة وعلق على ما كتبت

عبد الوهاب احمد كتب:: الاخ / صلاح خلف

موضوع مدرسة الشجرة موضوع شيق ومثير وطال ما انت بدات بناظر المدرسة الاستاذ/ مختار افندي اترك الامر للاستاذ/ فاروق الريح والاخ عباس جيل الديناصورات ,,,,,, لكن سوف اتطرق لمنحنى اخر وهو الحب فى المدرسة المصرية الحب السامي العفيف الخالى من رواسب هذا الزمان يتخيل لى ان طيبة اهل الشجرة وحبهم لبعضهم نابع من ان الشجرة اول مدينة عرفت الحب فى السودان اذا لم اكن مبالغا وان مدرسة الشجرة هي التى غرست ذلك الحب فى نفوس ابناءها الذى سماء بهم الى ارقى المعانى ووصل بهم الى اعلى الدرجات كان حب عزري صافى كصفا قلوب المحبين فى ذلك الزمان الجميل الموضوع شيق ويحتاج الى تركيز ولكن بدون ترتيب بدات ولك التعليق

مدرسة الشجرة العربية ( المدرسة المصرية) Fleurs00001GRZ

انا ما بقطف زهورك.. بس بشاغب..بس بشاغب.. بحرووووفي

[

انا ما بقطف زهورك.. بس بشاغب..بس بشاغب.. بحرووووفي

الاخ العزيز الثعلب

اسمح لي بان اهدي هذه الباقة الرائعة من الورود الى كلا من

نادي الشجرة بمناسبة صعوده للدرجة الاولي

الشباب الذين يقفون وراء هذا العمل الرائع لاخراج البوست

كل من شارك بحرف او بكلمة فى هذا المنتدى الجميل

[b][quote="idrisaldo"]لك التحيه يا ابو صلاح الشجره العربيه خرججت عدد كبير من الاجيال لك الف تحيه[/quote
الشجره العربيه إنتظار فترة الامتحان والرجفه والكبكبه والنوم البطير من العيون
اجمل الايام، واحلي الزكريات، طرائف ومقالب ستبقي ما بقيينا ، دروس وعبر هي معنا نتير دروبنا الوعره
اساتذه ممتازيين وبعضهم علي وتيرة مشي امرك ياقدر مدير يمشي زعلان واخر يتوعد بترك التعليم والتفرق لمخبزه الخاص
طبعاً الكلام ده1998/2000والليله احكي ليكم قصه يوم من ايام المدرسه كيف بدا وكيف إنتهي
المـــــــــــــدير
في طابور الصباح الليله يا أنا يا إنتو في المدرسه دي، محمد الطالب المجتهد الماعندومشكله مع زول ولا عندو مشكله مع استاذ مندهش
والعرق يتصبب من وجهه وهو يتسأل في شنو وايمن البخاف من الجلد إتزكرإنو ده اليوم الوحيد الما ردف فيه الارديه لانو اليوم ده
المفروض يكون رياضه .وبكلمه من المدير إلتف الاساتذه حول الطابور مشكلين سداً منيعاً لاي محاوله للهرب فأصبح تسلق اسوار
المدرسه والهرب حلماً يضاهي ملامسه سور الصين العظيم والركوب علي ظهره وبينما احمد وولأ شارديين بعيداً في التفكير واحمد يلوم في ولا بهمس خفيف ما قلتا ليك اليوم ده (ندك)نغيب قلتا لي الليله رياضه هسي وينا الرياضه كلو منك واصبح يهذي بكلمات وتأتأت لم نفهمها ولأكني فهمتها في اليوم الثاني عندما رايت ولا حزيناً لان احمد حرمه من لعب (البنقي)تنس ،الطاوله معه في المنزل
إذا باستاذ يحمل كتله من السياط يضعاها بالقرب من المدير المنفعل وهويصيح باعلي صوته منو الرسم صورتي في كتاب الإنجليزي إنتو......و.......ووهنا تدور العيون وكالها تقول الحمدلله ده ما انا واخري تقول ده ماكلو منك إنتا يا المدير عشان ما شغال بي مشالكلنا ولا بتسأل من احوالنا وذياده علي كده البوفي أكلو ما تمام إنتا ماسمعتا بي المثل البقول ولدك كان كبر خاوي
وواحدين بقولو يستاهل عشان استاذ الإنجليزي المسيحي بيتكلم مع الطلاب عن التبشير ويطلب منهم عمل مناظره بين المسيحيه والإسلام علماً بانه يعمل في التبشير 14سنه وطلاب المدرسه معظمهم لا يحفظون جزء عم ولا يميزون بين السيرة والعبادات
وفجأه تدخل الطلب منتصر الماعندو قضيه بي الدين ولا بي السياسه همو كلو الرياضه والدوره المدرسيه ودوري الفصول يااستاذ
قنيري لو سمحتا ما تتكلم في الدين نحنا ما شيوخ ولو جبتا سيرة الإسلام دي في لسانك بشرط ليك قميصك المشجر العاجبك والماعندك غيرووهنا نظر الاستاذ لقميصه نظرة اعجاب ووعد بعدم العوده لهذا الموضوع مره تانيه،وللمره التانيه المير بيقول العمل كده اخير يطلع براهو ويكون راجلو إلا..... ويهمس صديقي حاتم في اذني عليك الله هسي لو داير يطلع بعد شاف السيطان
دي بكون غير إسمو عدييل،المدير يصرخ اول حاجه تاني مافي فطور بره المدرسه وتاني حاجه مافي حاجه إسمها ماشيين دورة مدرسيه ولاعندنا كوره ،منتصر يطنطن ببعض الكلمات لحاتم اه ده كلو عرفناهو الكورة الدخلا شنو والله انا غايتو بخلي المدرسه وبشوف لي واحدة غيره،حاتم وانا برضو معاك مدير مدرسه الاميريه اه يا اولاد عايزيين تجو مدرستي ،منتصر في سره((هي اول حاجه دي ما مدرستك دي مدرسه الحاكومه ))عشان شنو والله عشان مدرستكم سمحه والاساتذه كويسيين والفصول مريحه وبعد اول يوم في المدرسه الجديده تعرف منتصر علي استاذ الرياضه وكم كان سروره عندما اخبره الستاذ بظان اليوم العصر سيمون هناك تمرين لإختيار متخب المدرسه الذي سيمثل في الدورة المدرسيه وبسرعه عاد منتصر إلي الشجرة وإستعد لتمرين العصر المصيري والذي إجتازه بنجاح بل واختير افضل لاعب وبعد إنتها الدوره المدرسيه اختير لمنتخب الشباب القومي ،اهه ده كلو ياحاتم كان بروح ساكت مع المدير المنفعل داك ،كلامك صاح والله يامنتصر
المدير الزعلان اهه يا اولاد العمل العمله دي ما عايز يطلع براهو طيب الطابور كلو حينجلد وهنا طنطن ايمن اصلو جنو وجن الجلد هسع لو كنتا دبلتا ما كان اخير لي من الجهجهه الانا فيا دي وارتفعت اصوات الجلد والمحاججات بين بعض الطلبه والاساتذه مدبل كم والله يا استاذ ما مدبل والله يا استاذ يدي فيها حساسيه ،يا استاذ انا مبدقه ما عملتا حاجه طيب امشي جيب ولي امرك ولي امري في الشغل ،طيب امك ،امي فاتت تبيع الفطور في المدرسه الإبتدائيه ،الاستاذ طيب ماتجي تبيعو هنا عندنا ،ويردالطالب منفعلاً ما المدير ما بخلينا نطلع ،خلاص ياولد بطل فصاحه وارقد طاخ ...طراخ يااستاذ انا ماعايز ادقه ،خلاص يافصيح امشي جيب وامك وتعال ،كويس يا استاذ ،اهه يا استاذ انا خليت شغلي وجيتكم الولد ده عمل شنو عشان تضربو ،والله يا خاله المدير قال كلهم اضربوهم خلاص ياولد ورح علي المدير نشوفو مالو ،الاولاد ديل كلهم عاييزين إعاده صياغه من جديد عشان يتعلمو الإحترام ويتعلمو الادب ويواصل المدير بنفس هيجانه وولدك واحد منهم لازم ينضرب،بس يا مديرالمفروض تعرف هم عملو كدة عشان شنو وتبدا تعالج الخلل الضرب ما بيجيب نتيجه ،لا لا بجيب نتيجه وانا عارف شغلي كويس إنتي عايزه توريني شغلي
ومن دون أن يطرق باب المكتب دخل الاستاذ نزار اللحق يامدير اللجق ،مالك بترجف ،كتب الانجليزي كلها الطلبه رسمو فيها صورتك واي واحد علق براهو علي الرسمه البقول إنتا مجنون والبقول عليك عندك نفسيات ،والله تاني ما بنط دي اخر مره، المدير وده مالو كمان البوليس الذي احضره المدير لمراقبه الحيط أثنا الفطورمسكناهو ناطي قال فطور المدرسه ما سمح ،امشي ياولد جيب ولي امرك وتعال ،
وهنا اعادت الام ما قالته اول مره الجلد ما بجيب فايده اسأل نفسك يا مدير ليه الاولاد عملو كده ولما تجاوب علي السؤال ده حتكون حليت المشكله بي كل بساطه ومافي داعي لي البوليس والجلد
ونلتقي في يوم ثاني من ايام العربيه[/b]

[quote="منتصر الرشيد بخيت العبيد"][b][b]

idrisaldo كتب:

والله ايام يا منتصر المدرسه المصريه دي عندي فيها كترة مواقف [/b]

والله انا ماندمان على شىء الا على ايام مدرسة الشجرة المصرية كانت لنا ايام نحنا بدانا فيها من الناظر عبد العزيز الرفاعى وعبدالله صقر والاساتذة الاجلاء ابتداءا من الاستاذ /عبدالغنى عيد والاستاذ /محمد هاشم وسيد العربى واحمد شوقى وسيد غريب وعبد العزيز بطةوعبد الرحمن صالح واحمدالمصرى و ساويرس ويصا واسكندر رياض ورجب وطلعت والعلامة استاذ/رمسيس والفيزيائى اسعد عبد الله وشكرىومحمد العربى وسعد زغلول و الفرنساوى شحاته وابراهيم شهاب و محمد عبد الحليم واستاذ /توفيق و استاذ/على قرفان واستاذ /ابراهيم للانجليزى وسرحان و جميل لهم منى كل التقدير واحترام اذاكانوا احياء الله يديم نعمة الصحة عليهم وعليهم الرحمة اذا كانوا اموات والمعذرة لمن لم اتمكن من تذكره ,والشكر كل الشكر لك اخ صلاح خلف على اجترار هذه الذكريات وطبعا كل استاذ من ديل ليهو ذكرى حب وموقف مثبت بقلوبنا

اسامه يجب ان لا ننسي المغفور لهم بازن الله مصطفي سالم وعم عبيد والمرحوم سيد قرشي وعم عمر عبد الباسط وعم عكاشه ومجلس الاباء احمد عبد الحي مصطفي احمد فضل الله و عمر يسين لهم الرحمه والمغفره

الأجلاء أسامه وفخري لكم الف تحية وانا طبعاً فترة طويلة مامريت على البوست لكن ماشاء الله عليك يا أسامه ذاكرتك ماشاء الله طبعاً نحن الدفعة القدامكم كثير أنا وعمكم حسن احمد عثمان وعبد الوهاب وعامر الجوهري وحوته ودلُو وبقية العقد الفريد... وياحسن أذكر يوماً ونحن في ثانية اعدادي وفي حصة عربي ( نصوص ) والأستاذ عبد الرحمن مرسي وكان يجلس جانبي عامر أحمد ( الجوهري ) وكان راقد على ادرج يقوم بعمل ايقاع جميل ومن دون ما اشعر غنيت أمسكي عليك عيونك ديل ونسينا الحصة وإذا بالأستاذ عبد الرحمن مرسي يطلب من عامر الخروج من الفصل واحتج عامر بانه لم يغني وقال له ده عادل فرد عليه الأستاذ عادل ميعملش كده وطرد عامر من الحصة وكانت هذه من الطرائف والمقالب الكثيرة وحقيقة مدرسة الشجرة العربية كانت عالم خاص لا مثيل لها ومواقف كثيرة وجميلة بعضها يمكن ذكره والبعض لا يمكن ..... ونتواصل في هذا ونذكر لكم شخصيات من ذلك الزمن.. الطيب جعفر وقزازة ( معتصم الخير) وبله عبد الرحمن... ونتواصل..

أذكر يوماً ونحن في ثانية اعدادي وفي حصة عربي ( نصوص ) والأستاذ عبد الرحمن مرسي وكان يجلس جانبي عامر أحمد ( الجوهري ) وكان راقد على ادرج يقوم بعمل ايقاع جميل ومن دون ما اشعر غنيت أمسكي عليك عيونك ديل ونسينا الحصة وإذا بالأستاذ عبد الرحمن مرسي يطلب من عامر الخروج من الفصل واحتج عامر بانه لم يغني وقال له ده عادل فرد عليه الأستاذ عادل ميعملش كده وطرد عامر من الحصة وكانت هذه من الطرائف والمقالب الكثيرة وحقيقة مدرسة الشجرة العربية كانت عالم خاص لا مثيل لها ومواقف كثيرة وجميلة بعضها يمكن ذكره والبعض لا يمكن ..... ونتواصل في هذا ونذكر لكم شخصيات من ذلك الزمن.. الطيب جعفر وقزازة ( معتصم الخير) وبله عبد الرحمن... ونتواصل..

[ هسه يا ود الحاج لو كنت طلعت فنان ما كان اخير ليك من بشتنة الغربة [