الزول السمح ( باب نسأل فيه عن الاحباب )

اخي الغالي سامي لك التيه والاجلال حاتعرفني من اسمي لاني كنت وما زالت صغير امامكم والعين ما تعلي علي الحاجب معك في كنده الاخ رضا حسن صالح اخو مصطفي ونبيل ارجوك اتصل به لانه لايعرف احد من الشجره هناك تلفونه0019059327432 كما ارجو تلفون الاخ ياسر شرف الدين عنواني وتلفوني موجودين في المنتدي متعك الله بالصحه والعافيه ومايحرمنه منك

خالد الصعيدي كيفك ياود الخاله مشتاقينننننننننننننننننننننننننننننننن حاول اتصل علي عشان موضوع كمال عابدين ياقديم انته لسع متزكر فتحي سرور بعدين محمد احمد مامتزكر اللقب عازف الاورجاتزكرته لقبه بامبيته سلامي كتير وقل ليه فخري ماحس يوم انك غريب عن الشجره والدليل اني مانسيته انت عارفني انا زول بلدي ما بعرف اكتب كلامك السمح هاهاها اتصل علي المسنجر

[quote="عبد الوهاب احمد"][center][color=red] الزول السمح :-


سامى احمد عثمان

رحلت وجيت فى بعدك لقيت كل الارض منفا , والله العظيم مشتاق اليك


الاخ العزيز / حسن ,,,, الاخت الفاضلة / نعمات ,,,,,, اسعد الله اوقاتكم بكل خير

[b]عاوز اعرف اخبار الاخ العزيز سامي هل من افاده وشكرا

الاخوان الاعزاء :- عبد الوهاب.....عباس احمد........منتصر .........محمود............وبقية العقد الفريد.

اين انتم والله فاقدنكم وخاصة ماطليتو فى رمضان انشاءاللة مافى عوجة .

وكل سنة وانتو طيبين وتصوموا وتفطروا على خير,

كذلك سؤالى الشديد عن الاخ العزيز حسن وينك كل عام وانت بخير وصياماً مقبولاً وذنباً مغفوراً انشاءاللة, ومن هنا سلامى وسؤالى عن كل من حجبته عنا ظروف العمل او اى ظروف اخرى واتمنى للجميع حياة سعيدة مشرقة.

نداء الى العضو رقم221(جمال عيسى) اخي واستاذي جمال وجدت اسمك على سجل العضوية بالمنتدى فبحثت عن مساهماتك ووجدتها صفرا وكذلك زياراتك كلها اصفارا!!!! أرقام لا تساوي هامتك العالية وانت استاذنا الذي علمتنا كيف ان نكون رقما ومهما . اتذكر جيدا في بداية تسعينات القرن الماضي ونحن طلاب جدد بكلية الاعلام قسم الصحافة والكلية تضم أعلام الصحافة السودانية بقيادة البروفسير علي شمو والدكتور هاشم الجاز وطلابها من امثال الزبير نايل وحمزةعوض الله وصالح مطر وشريف حسين شريف ورمضان احمد السيد وغيرهم من الققم، فلقد كانوا نجوما ولكنك كنت البدر اوسطهم نلجأ اليك عندما يستصعب علينا الفهم ،حينما كان يدرسوننا عن الهاتف الجوال في زمان لم نكن نرى تلفونا الا في شركة باتا او قسم الشرطة او منزل عمنا محمداحمدالطيب ،ويدرسوننا عن البريد الالكتروني والشبكة العنكبوتية ونحن لا نعرف من البريد الا البوستة في سوق الري تحت اما الحاسوب فا فضلنا كان يظن شاشة الحاسوب هي الحاسوب نفسه. فلذلك لا عجبا ان تفوز صحيفة قوون لخمس سنوات متتالية كافضل صحيفة رياضية سودانية لانك من هيئة تحريرها ورئيس التحرير زميلنا رمضان احمد السيد. فرجاءا اتحفنا واتحف المنتدى بروائع ابداعاتك ولو في هذا الشهر الكريم فقط ،فللشجرة عليك دين فاوفيه لنا هنا دررا كما ارجو من كل عضو بالمنتدى يستطيع الوصول للاستاذ جمال عيسى ان يبلغه هذا النداء خصوصا الاخوه بالخليج لان اخر عهدنا به كان متوجها الى هنالك...ورمضان كريم  

nimat mohamed salih كتب:

الاخوان الاعزاء :- عبد الوهاب.....عباس احمد........منتصر .........محمود............وبقية العقد الفريد.

اين انتم والله فاقدنكم وخاصة ماطليتو فى رمضان انشاءاللة مافى عوجة .

وكل سنة وانتو طيبين وتصوموا وتفطروا على خير,

كذلك سؤالى الشديد عن الاخ العزيز حسن وينك كل عام وانت بخير وصياماً مقبولاً وذنباً مغفوراً انشاءاللة, ومن هنا سلامى وسؤالى عن كل من حجبته عنا ظروف العمل او اى ظروف اخرى واتمنى للجميع حياة سعيدة مشرقة.

من اهم الابواب المفيده فى المنتدى يانعمات كى نسأل عن الغايبين

انا بخير وموجود الا ان رمضان فى السعوديه سماته النوم فى النهار والسهر فى المساء حتى صلاة الفجر

ولذالك اتواجد فى المنتدى بعد الساعة الثانية صباحا ودائمأ اكون وحيد

الا ان الان يتواجد اخى نزار النور فقط

رمضان كريم وسلامى لكل الجالية فى كندا وخاصة الغائب سامى عثمان

ماشى اتصحر رز بلبن و وسكسكانية ورقاق

الاخ عبدالوهاب تدفعوا كم وانا اجيب ليكم سامى فى 10 دقائق وياحسن الدفع بتاعك عينياً وليس مادياً

غايتو كان داير اخوك بتوافق على المطلوب.هههههههههههههه

بدفع ياام رامز بس يظهر لينا يوم واحد

عبد الوهاب احمد كتب:

العزيز / سامي

شكرا يا ظريف على مرورك

على حمزة مافى طريقة الا نحرش ليه ود اخوه ( كابتن)

اما عن علاء فعلاء هذا هو / علاء الدين محمد خير ما اظن تذكره لكن اكيد حتعرف اخوه الكبير
(جبريل ميه) كان سابقا يلعب فى فرع الهلال ,,,,, اتذكرت ولا اوضح لك اكثر

كيف الحال ياحبوبة ؟
ياااااااااااا حليلك عجزتة والدليل ........


جبريل وكيج وعلاء وحمد ( حسن الخير )


تحياتي ياعجوز

ابن خالتى العزيز / ابو التومات

الشوق بحر ,,,, وينك انت تغيب شهور طويلة وترجع ؟؟؟؟؟

30 سنة غربة مش تنسيك حسن الخير , تنسيك اسمك , بحكى ليك حاجه ظريفة حصلت لي مرة فى السودان . كنت واقف جنب دكان سعيد بخيت جانى واحد شاب بلحية سلم علي سلامة حار خلاص بالاحضان , حسه اننى دقست قال لي ما عرفتنى قلت ليه والله ماعرفتك قال لي انا ( باقر ) قلت ليه باقر منو قال لي باقر ادريس قلت ليه صعبته علي خالص ( قال لي انا باقر اخو سلوك ) رايك شنو مش عجزته , لكن يا ود خالتى اكان انا عجزته اخوك الفي عمان داك يكون حصل ليه شنو

الاخ /سامي
لك الود والاحترام
اخبار اسرة الاخ سامي حسن ظاهر جاويش بطرفكم وربنا يردهم سالمين
طبعن الواحد دخل معكم في المنتدى قبل ايام ولكن حبل الود لن ينقطع اكيد ما حتعرف انا منو لكن اعرف كل اخواتك واسرتكم الكريمة ودعوتهم لتجمع ابناء الشجرة بالشرقية يظهر المشاغل كتيرة ولك الود والتقدير

التحية والاحترام لشخصك الكريم
اخى والله اجبرتنى على الكتابة كنت ناوى اعتزل المنتدى ولكن طيبة اصلك اجبرتنى ان اكتب اليك
اولا اسرة سامى حسن طاهر بخير وامان عندى فى البيت وهم بخير وشكرا على سؤالك عنهم
لو احببت التحدث معهم تلفون المنزل 9053895814
ثانيا
لو كتبت اسمك كاملا ووضعت صورتك يمكن كنت عرفتك ولكن هذا كله لا يمنع انى اتشرف بك ويسعدنى التعرف عليك اكثر
تلفونى 9059660176 الجوال كندا
ايميلى sami.a.osman@hotmail.com
ازداد فخرا بك وكل من عرفته من ابناء الشجرة من خلال المنتدى
لو عندك وقت راجع القديم من الكتابات حتى تتعرف اكثر
شكرا لك ووداعا

لك تحياتي واشواقي لشخصك الغالي لقد مررت علي المنتدي وكتاباتك عن الزول السمح وفعلاً رائع سؤالك عن بعض الشخصيات في المدينة العزيزة الشجرة ومن ضمن المواضيع سؤاك عن شخصي واخي الاكبر فيصل شعبان وكان هذا قبل فترة طويلة ولم اترك سؤالك عنا يمر مرور الكرام لاني لم ادخل الي المنتدي الا قريباً جداً ومن ضمن تصفحي وجدت سؤالك عنا اشكر حضورك الرائع ولك ودي وتحياتي فانا اعمل بالمنطقة الشرقية مدينة الدمام واخي فيصل شعبان لازال في حفر الباطن وحالياً في اجازة بالسودان وسوف ابلغه سؤالك عنه فارجو التواصل وانا سوف اكون متواجد يومياً علي المنتدي فلك التحايا والاشواق مجدداً

[[cالأخ العزيز الغالي سامي أحمد عثمان

جينا بعد الفرقة نسأل .. جينا نلقى محنا عندك
ليه زمان اديتنا ريــــده .. جيت حرمتنا تاني ودك
وقلبنا الجرحتا خاطرو .. برضو ما داير ملامــــــك
ده مــا كلامك

عبد الوهاب احمد كتب:

ابن خالتى العزيز / ابو التومات

الشوق بحر ,,,, وينك انت تغيب شهور طويلة وترجع ؟؟؟؟؟

30 سنة غربة مش تنسيك حسن الخير , تنسيك اسمك , بحكى ليك حاجه ظريفة حصلت لي مرة فى السودان . كنت واقف جنب دكان سعيد بخيت جانى واحد شاب بلحية سلم علي سلامة حار خلاص بالاحضان , حسه اننى دقست قال لي ما عرفتنى قلت ليه والله ماعرفتك قال لي انا ( باقر ) قلت ليه باقر منو قال لي باقر ادريس قلت ليه صعبته علي خالص ( قال لي انا باقر اخو سلوك ) رايك شنو مش عجزته , لكن يا ود خالتى اكان انا عجزته اخوك الفي عمان داك يكون حصل ليه شنو

ياإبن خالتي الزول شباب ياخ لسة ماعمل ليهو صلعة . لكن بتاعت الباقر إدريس دي شيييييييييييينة ومبالغة .

[b]في هذا الباب كنا نسأل عن غياب بعض الأعضاء الأن بسأل عن كل الأعضاء لأن التواجد ضعيف جداً مثال آخر زيارة للأستاذه نعمات كان يوم 27/ مارس وعبد الوهاب أيضاً وسامي قبلهم والباقين غياب تام عليه أناشدكم العودة السريعة لا أقول أتركوا الفيس بوك ولكن أعطو المنتدى حقه لأنه عنواننا وبيتنا وملاذنا فيه نلتقي في حب ووئام ونتسامر ونناقش قضايانا وهمومنا الشجراوية فهي دارنا التي كان فيها أباءنا ونكون فيها حتى آخر رمق فينا ، علينا أن نعود كما كنا ( ونعود أحباب زي ماكنا ) هلآ سمعتم أخوتي عد أخي سامي عد أخي عبد الوهاب وأنت يا أستاذه وأختنا نعمات - وعثمان ميرغني وأحمد كابتن وأبوعبده وأبووجيدة وصلاح خلف وود طاهرة وياسرعدوي وفخري وكل الأحباب بدون فرز لنتواصل من جديد لنعرف أخبار بعضنا ومناسباتنا . اللهم قد بلغت اللهم فاشهد .

وتقول لي سلمى ياسامي

الأخ العزيز جداً عادل تحياتي لك وأنت تحمل دوماً هم الوحدة والاتحاد ولمة الناس وده ما غريب عليك لكن مسألة وجود منتديين ربما اسهمت في هذا التشتت وكذلك وجود صفحة للشجرة والحماداب على الفيس بوك كان لها دور كبير في هجر المنتدى وعلى الصعيد الشخصي أعد بالمواصلة والتواصل

عبد الوهاب احمد كتب:

الاخ العزيز / سامي

فى المساء ومع جلسة شاي المغرب امسك بالماوس واتصفح مداخلات جميع الاخوان فى المنتدي فيصبح الكيف كفين والمزاج فى قمة البهجة

انشاء الله سلامك يصل للاخوان , وكتر من دعواتك للعزيزة / سلوي

مع شكري وتقديري

اوالله البتصفح البوستة دي بالجد بحس بي مزاج عالي جدا اشكرك ياريس لانك طلعتة كل الغايبين لك كل التقدير وتحياتي للاولاد وسلام كتير لي مني

أم وئام
تحياتى ,,,, وتحية خاصة للوالدة العزيزة

شكرا على مرورك الرائع وبدون مبالغة الساعة الان تشير الى السادسة وخمس دقائق من صباح يوم جديد ليس مستيقظا من النوم ولكن اتي من العمل الليلي وفى غاية التعب والارهاق ولكن قبل ان اخلد للنوم لا بده لى ان اتصفح هذه الشجرة واعرف اخبارها لتزيل عنى كل التعب والارهاق , وكانت مداخلتك الرائعة فكان لابده لى من هذه الاسطر ,,,, تصبحين على خير والى ان نلتقي

البوست السمح والفيه كلهم سمحين جدا

مشتاقيييييييين للشجره ولي ناس الشجره ولي منتدي الشجره الله لا حرمنا منكم

[right]الأعزاء عثمان ميرغني وأم وئام والأخت غادة أشكركم على المرور الرائع ونطمع في المزيد وراجين مرور الآخرين

اهلا بيك ود الحاج وتسلم يارب والله كنت دايرة اسال عن مجدي عوض (ابوعبدة) (وابو سيد )الطيب الدالي الحضور المتميز ربنا يرجعون للمنتدا بالسلامة

تحية للجميع الحضور والغايبين
للكن فاقد ذول كان معانا طواااالي وفجاة اختفي صاحب وسام الجدارة اخونا جلال درار الظاهر التيمان شغلوهو عن المنتدا اتمني ظهورو مع تحياتي

الاحباب كتاااااااااااااااااااااااار وماعارفين نسأل من منو ولا منو

_________________________
I added cool smileys to this message... if you don't see them go to: http://s.exps.me

الاخوه الاكارم الذين كانو هنا اين انتم طولتو الغيبه وبالاخص سيد سامي الريس انت وينك وين

الناس السمحين ابوسيد وحاكم ودرزى وابوالعزائم والثعلب وكبتن وعادل طه وبشارة عبده وكثيرين لا استطيع الحصر ويييينكم

اكييييييييييييييييييييييييد كلنا راجعين للمحل السمح دة وللناس الطاعميين ديل

مجدى ابوعبدة كتب:

الناس السمحين ابوسيد وحاكم ودرزى وابوالعزائم والثعلب وكبتن وعادل طه وبشارة عبده وكثيرين لا استطيع الحصر ويييينكم

ابوعبده غيب وتعال تلقانا نحن يانا نحن

الظروف مرات بتحكم وتمنع الناس التواصل
الا ما بتمنع محبة بتجرى فى جوة المفاصل

مجدى ابوعبدة كتب:

الظروف مرات بتحكم وتمنع الناس التواصل
الا ما بتمنع محبة بتجرى فى جوة المفاصل

حبيبنا الساحر ابوعبدة كل عام وانتم بخير

اجمل ما فى هذا المنتدي بعد ان جفت حروفه ان نرجع الى ذاكرة الارشيف ونقلب صفحات لنستحضر ذلك الذى مضي من ذكريات جميلة عبر هذا الملتقى الراقي من بعض الاخوان والاخوات .. هاكذا افعل دائما . وكما يقول المثل الواحد لمن يفلس يفتش دفاترة القديمة . ربنا يصلح الحال ونعود كما كنا .

[quote="حسن احمد عثمان"][quote="عبد الوهاب احمد"]










[right]  

باب جميل من ابواب الشجرة  ياعبد الوهاب وفكره جيدة00





فيه نعرف معزة الناس وتكاتفهم




ابو على ليك وحشة با حبيبنا زمان كنا بنسأل عن شخص بغيب لفترة زمنية بسيطة هسا بنسأل عن الناس كلهم

[quote="عبد الوهاب احمد"]
 اجمل ما فى هذا المنتدي بعد ان جفت حروفه ان نرجع الى ذاكرة الارشيف ونقلب صفحات لنستحضر ذلك الذى  مضي من ذكريات جميلة عبر هذا الملتقى الراقي من بعض الاخوان والاخوات .. هاكذا افعل دائما  . وكما يقول المثل الواحد لمن يفلس يفتش دفاترة القديمة . ربنا يصلح الحال ونعود كما كنا .



بالله عليكم الواحد لو رجع للمنتدى وقلب صفحاته صدقونى سيشعر بسعادة لا مثيل لها ,,,, جربوا

اسال عن الجميع بدون فرز ومشتاقة ليكم كلكم