منتدى الشجرة والحماداب
منتدى مدينة الشجرة والحماداب
منتدى الشجرة والحماداب
منتدى مدينة الشجرة والحماداب
منتدى الشجرة والحماداب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


 
الرئيسيةأحدث الصورالتسجيلدخول

 

 ارمي الدمعة فوق الدمعتين ياعين

اذهب الى الأسفل 
2 مشترك
كاتب الموضوعرسالة
عبد الوهاب احمد
الرئيس الفخري
الرئيس الفخري
عبد الوهاب احمد


الجنس : ذكر الاسم كامل : عبد الوهاب احمد عبده سليمان

ارمي الدمعة فوق الدمعتين ياعين Empty
مُساهمةموضوع: ارمي الدمعة فوق الدمعتين ياعين   ارمي الدمعة فوق الدمعتين ياعين I_icon_minitimeالأربعاء 14 أكتوبر 2015, 1:42 am

ارمي الدمعة فوق الدمعتين ياعين <a href=ارمي الدمعة فوق الدمعتين ياعين 476457464" />

الشاعر القدير ود بادي يرثي اسماعيل حسن . لم اجد اروع من هذه الابيات لارثي اخي وصديقى عبده ارباب . عفوا شاعرنا ودبادي لك المعذرة

ارمي الدمعة فوق الدمعتين ياعين
بعد الليلة حابسها الدموع لي مين
نزيف الشجرة  من حد البلد غربي
ونزيف الشجرة  لاحد البلد شرقي
رحيلك وجعة يا عبده ارباب
رحيلك نجعة من دار الفرح والزين
رحيلك طعنة في لهات الحبى دريفين
رحيلك وقفة فوق درب العليك باكين
فيها نهاية المشوار وحد الفرحة والامال
وحد الفال وحد الزين
وفجاءة يجينا من طرف السماء مريسيل
ينعب فوق كلنكاكول غراب هابيل
ويبقي رحيل
رحيل كل الغيوم الهامعة متواسرات
رحيل كل الشجرة  العامرة بالخيرات
رحيل الطينة من طرف الجزر يومات
رحيل الخضرة قدام منجل الهدام جفاف وممات
رحيل البادية فوق برقا وراء نجيمات
رحيلك مو رحيل أفراد
رحيل اجيال
رحيل بلدا تمام وكمال
يا العرشت فوق نخل السواقي الشال
واتمددت فوق النيل من الشجرة للحماداب
وياالهاجرت فوق ريش الرهو رحال
تظل مرسوم علي باب الليالي سؤال
بعد عشعشت في خاطر الغبش موال
واتبللت من الموية بين السعفة والبلال
بعد عرقك برق في ترابنا حد ما شال
واتمددت غادي وجاي يمين وشمال
بعد الحال
منو البقدر يجيب غربال يغربل روحك المدسوسة في الاجيال
وفي نفس الدغش مبثوثة في الشتلة ونداها السال
بعد الحال
رحيلك ياالمشرشر في مداخل الدنيا كالاوصال
رحيلك هزه في العقدة
ومجامع الروح كما الزلزال
ارمي الدمعة فوق الدمعتين ياعين
بعد اليلة حابساها الدموع لمين
كتير من شاف ديارو العامرة
هاجت فوق درب وداي
كتير من عدا فوق درباً
بلا يوادع بلا يناشد  كبار القوم وياخد راي
كتير ياعين
كتير الغابوا ماحضروا
وكتير الراحوا ما عادوا
وكتير البمشوا منو جاي
الا الناعي
عمرو الناعي ما طاف البلاد من جم
وتبكي طويرة الاحزان سنين وسنين
مصيرة تساسق المسكينة بين الري والحماداب
ترفرف من سخاي لسخاي
وتسال عن صدور مغسولة بالدوباي
و تنزل فوق حلقات مجالس الشاي
تبل الريق من الدمع البيوشل من ارامل الحي
وتشرق بالرحيح  في الردحه و الووب احي
وتمرق من محاري الناس تولول فيها جرس الصي
وتصرخ فايقة ياجلابة اقيفوا لي
وتسعل ضايقة ما شفتوه زولا  لي
تضيع فرخاتا في المجهول
ويرحل من دريبا  عبده  الضي
آه آه ياطويرة الاحزان
آه لو كان تعرفي البي
جرحك انتي صاب الريش
وجرحا لي مسافر في النسيج الحي
دريبي بعيد وحزني فريد
ومما رحل البلبل عبده الفريد
بسرح في عيون الناس
بسـأل ولو سؤالي يفيد
كيف الدنيا تصبح دنيا
والصيد يبقي ياهوالصيد؟
مين يقدر ينضم عقود منقوشة
ترقد في حزوز الجيد
ومين يضفر كلام الريد .  
كلو جميل مصيرو يجي ومصيرو يفوت بلا تخليد
كتاب الكون يظل مقفول
بلا خاتمة بلا تمهيد
وحتي النيل مصيرو يكون مجرد موية شاقة البيد
منو البيقدر يجيب ليكم خباراتو
رقصة موجو في الشاطئ
رواويسو , حكاياتو
رقاد القمرة جنب النجمة فوق رملا مراياتو
ولما تغيب ينوم النيل موشح بعباياتو
وزي ما النيل يضيع  في الشجرة  يتلاشي ويموت مشلول
انحنا كمان تفيض امالنا
تضيع تنشره في شوارع الري
وا اسفاي   وا اســــــــــفاي
وا اسفاي علي حرفاً شمخ في الطول
وكيف الليلة في بطن التراب مسبول
حرام تبلينا يا ايام
حرام تملينا شوق وهيام
اتارينا بنشيل من حرفك الجواني  يا ارباب
ونقعد في سوق الشجرة  وانت تكب علينا غمام
وماعارفين حروفك نازفة من شريان
من دم القليب الاصلو مابريان
لما شربنا لما طربنا واتلفتنا ما لقيناك يا عبده ارباب
وشفنا روحيتك الشفافة ركبت هودج الاحزان
محمل فوق جناج ملكين
ودربو علي مشارف الواحد الديان
قوايمو شقايق النخل الوقع حزنان
مضفور بي سعف يابس
مفرش بي كباد اماتنا والحبان
عجيب ياهودج الاحزان
مواسم الهجرة ما حانت ولا زمن الرحيل قد حان
نسافر ليك وزادنا الشربه من بحر الحزن والاهه والحرمان
وداك اليوم كان وداع الهودج المتهادي
كان جامع رجلات الشجرة والحماداب
طيور الشجرة  المحزونة جات بي ليله
تاركة جناها للريح  والمطر والزيف
وروح  اخوانا  فؤاد عبد اللطيف وعوض الشايقية  وروح أبواتنا واخوانا الرحلو
وريحة الماضي كلها جات
ملوك الشجرة  .. والحماداب
وبعد الليلة كل بنية تلبس فوق صديره اكليل
يكون مزروع فيهو قلب الشهيد
وانت شهيدنا  يا عبده ارباب
يا الله .. يا الله .. يا الله
بعد ما شلت عبده ارباب
وفات
معاهو باقي كلام وباقي حنين
يالله بعد الفجعة نظل شاكرين
نظل واقفين علي بابك معاي طلبين
نظل واقفين
يوم الليلة والباكر
الي ماشئت يالله
الي يوم الفصل والدين
وداك اليوم يكون يومنا
ونقالد ونسالم حبيبنا عبد العظيم
الرجوع الى أعلى الصفحة اذهب الى الأسفل
ام وئام
شجرابي مميز
شجرابي مميز
ام وئام


الجنس : انثى الاسم كامل : اماني سعيد وداعة الله

الاوسمة
 :


ارمي الدمعة فوق الدمعتين ياعين Empty
مُساهمةموضوع: رد: ارمي الدمعة فوق الدمعتين ياعين   ارمي الدمعة فوق الدمعتين ياعين I_icon_minitimeالأربعاء 14 أكتوبر 2015, 10:40 am

الله يرحمو ويسكنو جنات النعيم كلام يدمي القلب انا لله وانا اليه راجعون
حسبنا الله ونعم الوكيل
الرجوع الى أعلى الصفحة اذهب الى الأسفل
 
ارمي الدمعة فوق الدمعتين ياعين
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: سوق الشجرة-
انتقل الى: