واحة الشعر الحلمنتيشى

اعزائى اصدقأ الشجره ،، ادعوكم الى فتح باب للشعر الحلمنتيشى و الشعر الحلمنتيشي هو نمط من الشعر يتجاوز أسلوب السخرية والتساخر، ممن حوله، إلى مستويات من الفكاهة والتفكه، التي تثير الإضحاك من متلقيه، عبر مفارقات مفاجئة، وتراكيب غير مألوفة موظفا إيقاعات الشعر، بفصحاه وعاميته، في جر البسمة، ونيل الظرف.

و ادناه محاوله من تأليفى عساها أن تنال الاعجاب

-----------------------------------------

حينما رأيت صورتك ،،،
راق لى حسن اختيارك لى هدومك ،،،
و عندما ابصرت نورك ،،،
هزنى نور الفلاش داك من سنونك ،،،
و كلما زاح الظلام ،،،
ادركت انك بى حداى ،،
و النور ده جاى من ضو عيونك ،،
ما العيون زى لمبه نايلون ،،
و السواد حوله اللبن دافق ،، يصونك
الله بى حراس سماه ،،
و يحرس الله سواد عيونك و لون جفونك ،،،
و البنات جنس تمسح ،،
و شن تجلط اتحيرن بس كيف تكونك ،،،
شدن الهدم المزركش ،،
و غيرن فى مشيتن و شكل الكلام ليقلدونك ،،،
و ما اظن ديل يشبهوك ،،
ما الجمال منك بدا و فيك انتهى و اصلا هو دونك ،،،

*****
كلما هب النسيم
من ناحيتك ،، عطر زهور و تغريد طيور و جمال لحون ،،،
و حينما هب النسيم
من ناحيتم ،، اجارك الله من اللى كان و من البيكون ،،،
ريحه ترمى صقر عدييل،،
و غبار شديد فوق العيون ،،،
و رزاز كتير ما من مطر ،،
واحده عطست بى خشم من غير سنون ،،،
و تضلم الدنيا يتعكر سماها ،،
نسيمكم انتو اخير والله كان منو السكون ،،،

*****
مشيتك اذا خطوتى خطوه ،،،
مرور عيون تتهجى فى حروف كلمات كتاب ،،،
خطوه خطوه و بى مهل،،
و الشاف مشيتك فى محله داك يدوب سراب ،،،
و مشيتن اذا خطون خطوه ،،،
اولا تشكى السفنجه،،
كوراك شديد تسمع صراخا "كفاى عزاب"
خطوه بس ما قلنا مشوار،،
كتاحه قايمه غبار شديد و جنس تراب ،،،
خبيت شديد فوق الارض ،،
تحلف تقول دبابه ماشه وسط خراب ،،،
و نصيحتى ليك لو شفتهم ،،
تبعد بعيد او جيب دواك حبوب عديل و فتيل شراب ،،،
من شدة الصدمة التصيبك ،،،
تسعين شهر تبلع حبوب للأكتئاب ،،،
و دى الحقيقه لكل منكر ،،
ما تقولو مسطول جنى بيه الاغتراب ،،،

*****
و تقولى لى ديل يشبهوك
طالب رضاك لانى يوم ،،
قارنته بيك و كمان عفوكى ،،
و تسلمى و يسلم كلبكم ،،
و ابن خالتك و الاهل من ناحية امك او ابوكى ،،،
و كل من يوم مره بيكى ،،
و يشرط عيون من يحسدوكى ،،،
لانى ولهان من زماااان ،،
من قبل ما اولد صغير او يولدوكى ،،،
--------------

محمود

روعه روعه هذا الشعر الحلمنتيشي يامحمود واتمني ان تواصل فيه ولك التحيه

تسلم يا ابوالدرش على المرور ،، و مشكور على كلماتك المشجعه ،، لكن عندى سؤال ،،،
هل انته جنقور بتاع الكره الطائره (نادى الزهره) البنعرفه زاتو ،، وله جنقور تانى ،،
و اشكرك فى كل الاحوال :-)

البايركــــس قالو
لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***

ورد الشباب عليهم ب:

للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

منقوووووووووووووول

محمود كتب:

تسلم يا ابوالدرش على المرور ،، و مشكور على كلماتك المشجعه ،، لكن عندى سؤال ،،،

هل انته جنقور بتاع الكره الطائره (نادى الزهره) البنعرفه زاتو ،، وله جنقور تانى ،،

و اشكرك فى كل الاحوال :-)

لك التحيه اخي محمود جنقور بتاع الكرة الطائره دا بكري اخوي الاكبر مني انا ادريس بتاع كرة القدم يعني كلنا جناقيييييييير

محمود كتب:: البايركــــس قالو
لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***

ورد الشباب عليهم ب:

للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

منقوووووووووووووول

الليله ششيل شيلتك يا حوتا انت شكلك كدا عايز كلام مع استاذه نعمات

الف تحيه و الف سلام لكل الجناقير ،،، ادريس و تحياتى و اشواقى لى بكرى ،،
بالله سلم عليه كتيير ،،

بعدين يا ادريس ،، القصه كان على ناس ام رامز ما بكون فى مشكله ،، ديل دربم مرق من زماااااااااان
و ما شا الله هسى عندها رامز و معز ووضاح و امنيه (ربنا يحفظم) العوجه فى الباقيات الوصفتم القصيده ،،
و الله يستر عليهم و منهم

الاخ العزيز ادرييس والغالى محمود ليكم تحياتى

نسبة لغيابى من البيت ايام كنت بالمستشفى مع شقيقتى والان تماثلت للشفاء وخرجنا قبل قليل فسوف اعود للرد وما تخافوا مافى اىىىىىىىىىىىىىىىىىىىىىىىىىىىىىى مشكلة

راجعة ...............

nimat mohamed salih كتب:

الاخ العزيز ادرييس والغالى محمود ليكم تحياتى

نسبة لغيابى من البيت ايام كنت بالمستشفى مع شقيقتى والان تماثلت للشفاء وخرجنا قبل قليل فسوف اعود للرد وما تخافوا مافى اىىىىىىىىىىىىىىىىىىىىىىىىىىىىىى مشكلة

راجعة ...............

الف سلامه لاختك يا استاذتنا واتمني لها الشفاء الصحه والعافيه ولك الف تحيه وفي انتظارك

nimat mohamed salih كتب:: الاخ العزيز ادرييس والغالى محمود ليكم تحياتى

نسبة لغيابى من البيت ايام كنت بالمستشفى مع شقيقتى والان تماثلت للشفاء وخرجنا قبل قليل فسوف اعود للرد وما تخافوا مافى اىىىىىىىىىىىىىىىىىىىىىىىىىىىىىى مشكلة

راجعة ...............

ألف سلامة لأختك يا مربيتنا الفاضلة وعساها بألف خير و صحة إنشاءالله ما تشوف شر وما عليها إلا العافيــــــــــــــــــة,,,
و محمود دا شكلو كدا داير مشاكل معانا ردي بالإنابـــــــة عننا يا خالــــــــــتنا

محمود كتب:: اعزائى اصدقأ الشجره ،، ادعوكم الى فتح باب للشعر الحلمنتيشى و الشعر الحلمنتيشي هو نمط من الشعر يتجاوز أسلوب السخرية والتساخر، ممن حوله، إلى مستويات من الفكاهة والتفكه، التي تثير الإضحاك من متلقيه، عبر مفارقات مفاجئة، وتراكيب غير مألوفة موظفا إيقاعات الشعر، بفصحاه وعاميته، في جر البسمة، ونيل الظرف.
و ادناه محاوله من تأليفى عساها أن تنال الاعجاب
-----------------------------------------
حينما رأيت صورتك ،،،
راق لى حسن اختيارك لى هدومك ،،،
و عندما ابصرت نورك ،،،
هزنى نور الفلاش داك من سنونك ،،،
و كلما زاح الظلام ،،،
ادركت انك بى حداى ،،
و النور ده جاى من ضو عيونك ،،
ما العيون زى لمبه نايلون ،،
و السواد حوله اللبن دافق ،، يصونك
الله بى حراس سماه ،،
و يحرس الله سواد عيونك و لون جفونك ،،،
و البنات جنس تمسح ،،
و شن تجلط اتحيرن بس كيف تكونك ،،،
شدن الهدم المزركش ،،
و غيرن فى مشيتن و شكل الكلام ليقلدونك ،،،
و ما اظن ديل يشبهوك ،،
ما الجمال منك بدا و فيك انتهى و اصلا هو دونك ،،،

*****
كلما هب النسيم
من ناحيتك ،، عطر زهور و تغريد طيور و جمال لحون ،،،
و حينما هب النسيم
من ناحيتم ،، اجارك الله من اللى كان و من البيكون ،،،
ريحه ترمى صقر عدييل،،
و غبار شديد فوق العيون ،،،
و رزاز كتير ما من مطر ،،
واحده عطست بى خشم من غير سنون ،،،
و تضلم الدنيا يتعكر سماها ،،
نسيمكم انتو اخير والله كان منو السكون ،،،

*****
مشيتك اذا خطوتى خطوه ،،،
مرور عيون تتهجى فى حروف كلمات كتاب ،،،
خطوه خطوه و بى مهل،،
و الشاف مشيتك فى محله داك يدوب سراب ،،،
و مشيتن اذا خطون خطوه ،،،
اولا تشكى السفنجه،،
كوراك شديد تسمع صراخا "كفاى عزاب"
خطوه بس ما قلنا مشوار،،
كتاحه قايمه غبار شديد و جنس تراب ،،،
خبيت شديد فوق الارض ،،
تحلف تقول دبابه ماشه وسط خراب ،،،
و نصيحتى ليك لو شفتهم ،،
تبعد بعيد او جيب دواك حبوب عديل و فتيل شراب ،،،
من شدة الصدمة التصيبك ،،،
تسعين شهر تبلع حبوب للأكتئاب ،،،
و دى الحقيقه لكل منكر ،،
ما تقولو مسطول جنى بيه الاغتراب ،،،

*****
و تقولى لى ديل يشبهوك
طالب رضاك لانى يوم ،،
قارنته بيك و كمان عفوكى ،،
و تسلمى و يسلم كلبكم ،،
و ابن خالتك و الاهل من ناحية امك او ابوكى ،،،
و كل من يوم مره بيكى ،،
و يشرط عيون من يحسدوكى ،،،
لانى ولهان من زماااان ،،
من قبل ما اولد صغير او يولدوكى ،،،
--------------
محمود

القصيدة روووووووووووووووعة جداً و إنشاءالله يا محمود من حسن لأحسن
بس ما تزعلنا منك
عشان ما نقلب عليك Evil or Very Mad

تقبل مروري

nimat mohamed salih كتب:: الاخ العزيز ادرييس والغالى محمود ليكم تحياتى

نسبة لغيابى من البيت ايام كنت بالمستشفى مع شقيقتى والان تماثلت للشفاء وخرجنا قبل قليل فسوف اعود للرد وما تخافوا مافى اىىىىىىىىىىىىىىىىىىىىىىىىىىىىىى مشكلة

راجعة ...............

المربيه الفاضله أم رامز ،،، الف حمدلله على سلامة اختك ، و اسأل الله ان يكمل لها الصحه و العافيه ،، و ان يجعل مرضها كفاره ،،،

و العود احمد ،،

حلـــــــم الأمـــــــاسي كتب:: القصيدة روووووووووووووووعة جداً و إنشاءالله يا محمود من حسن لأحسن
بس ما تزعلنا منك
عشان ما نقلب عليك
تقبل مروري

مشكووره يا حلم الأمسى على المرور و الكلمات المشجعه ،،،

و يله دايرين المزيد من كل الشباب

محمود كتب:: البايركــــس قالو
لي إيــدينا بنــــــــرفع *** والعازب كلو بيســــــــمع
نفوسنا كتير مشــتاقة *** للراعي دوام نتضـــــــــرع
شعارنا عريس متواضع *** ياخي ياقدر اسمع أجمع
نحن البايرات في لهفة *** والعمـــــــــر ولـــي وودع
نحن مساكين ياجماعة *** وللجنة دوام نتطــــــــــلع
لو واحد قام وأتقــــــدم *** في لحظة نلبي ونسمع
***
بلاش عربيــــة خصوصي *** مالو الكداري دا هســـع
بلاش من شبكة وشيلة *** بي أبســط حاجة بنقنع
البيت ماشــــــرط عمارة *** دي مظاهر ساكت تخدع
لي جنة نضيرة نحــــــول *** البيـــت الخرب البجمـــع
ما شـــــرط تجيب تلاجة *** كفاية الزيـــــــــــر البنقع
***
ما دايرين كبدة وشـية *** بي ويكة تقيلة بنشـــــــبع
ما أصلو شــبابنا الودع *** ما ممكن تانــــــي بيرجــــع
أحلامنا الكانت بــدري *** ما عادت تانـــــي بتنفــــــع
دايرين الشاب الأغبش *** حتى لو فقــــــران ومقطع
لانو الفيهو الفايــــــــدة *** ليهــــــــــــو دوام نتطلـــ ـع
حياة الســــــترة أملنا *** انشاء الله ربنــــــا يجمــــع
يحن الله عليــــــــــــنا *** ونشــــــيل أيدينا ونرفـــــع
***

ورد الشباب عليهم ب:

للرب شـــــكوانا بنرفع *** والبايـــر كله بيســـــــــــمع
في دربك يامـــا جرينا *** والعين الســــــاهرة بتدمع
كم مرة ايدينا اتمـدت *** والرد الجــــــارح اقنــــــــــع
احلامكم والله غريبــة *** وللعـــــــين بتزغلل وتذلــــع
طلباتكم لينا تحيــــــر *** جايين تتواضعوا هســــــــــع
ما جينا زمان شن قلتو *** يافقير يامقطـــــــع أرجــــع
***
ما عندك حق الســــــــفة *** لابس دمـــــــور ومرقع
دايرين العنــــــــــدو مصانع *** لو كان لي غيروا بيركع
ما جينا زمان شــــــن قلتو *** يافقير يا مقطـــع أرجع
في جيوبك ساكنة عناكب *** لو كان باعوك ما بتنفع
دايرين العنـــــــدو الفـــــلة *** لو كان حنكوش ومدلع
ما جينا زمان شـــــن قلتو *** يا فقير يا مقطـــع أرجع
***
لو ماشـــي لآخر الدنيا *** تركــب رجليك تتبرطــــــع
دايرين العنــــــــدو البنز *** لو يبقى عجـــــــوزاً أصلع
ما جينا زمان شن قلتو *** يافقير يامقطع ارجـــــــــع
يا البيتـــك مبني زبالة *** ومن غير فيضــــان يتزعزع
دايرين العنــــــدو الفيلا *** لو كان صغيـــــر بيرضــــع
ما جينا زمان شن قلتو *** يا فقير يامقطـــــع أرجــع
***
وموكيتاً فخـــماً فاخــــــــر *** ونجفاً بالـــدر مرصــــع
والكندشة فريون ضــــاربة *** وثلاجة فريــــــزر تجمع
بي فيديو كاسـيت وأتاري *** نتسلى لو وكتنا نضيع
ما جينا زمان شـــن قلتو *** يافقير يامقطع أرجــــع
***
دايرين زنقيل ومقنــــــدل *** لو كان تمســـــاحا يبلع
والعملة الحرة ضــــــروري *** والمهر دولارا يدفــــــــع
وبشرط الشــيلة العامـرة *** والكرسي الجابر يلمـــع
وذهباً مختوم وأســـــــاور *** مليانة الإيد للأصـــــــبع
وضروري الحفــــــلة بوردي *** والكابلي اللحنو موقـع
ونقضي عسل في أوروبــا *** ونطوف العالم أجمــــع
بي لندن وروما وموســـكو *** وفينا المدن الأربــــــــع
نلبس في الكاسي العاري *** ولو طلعت موضة بنتبع
وناكـــل فاكهة طـــــــازجة *** وبالخير نتمتع ونشـبع
أفلامـــكم والله عجيبـــــــة *** خلونا نحمض ونطبـــع
ماجينا زمان شـــــــن قلتو *** يامبهدل أوعك تطمـع
***
مد رجليك قـــــدر لحافك *** وشوف ليك طـورية وأزرع
لي مين تتقــــــــدم انت *** يا قرد ياقبيح يا مبرقـــــع
كيفن بتحـــــب يا أغبش *** من غير شاكوش تتفرقع
لو كان بنحــــــــب الزيك *** ما أخير الموت الأســـــرع
لو مت وفاتك تفــــــــــرح *** ولو عشت حياتك تفجـع
ولو تبقي ضراعي الأيمن *** في لحظة بنقطع ونجدع
***
ما قلنا الدنيا دي فانية *** وآمالنا مظاهـــــر تخــــدع
اختاروا العندو ديانـــــة *** الديمة وشـــــــو بيلمـــــع
قلتولنا خلاص انتظـــرو *** الحــور في الجنة بتنفـــــع
الليلة قطـــــــركم صفر *** والعمـــــــــــــــر ولى ودع
عجزتو قعــــــدتو تقولوا *** واشبابنا الأغبـــــش أجدع
ماجينا زمان شن قلتو *** يافقير يا مقطــــع أرجــــــع
***
ما جينا زمـــان ليه كنتو *** جاهــلننا زي الشــــــــفع
ما خلاص الليلـة وقعت وا *** من قد القفة الأوســـــــع
والليلة قطركــــــــم دور *** وقعتوا في وش المدفــــع
رافعين الراية البيضـــــاء *** لكن هيهــات ما بتنفــــــع
رافعين لعرس جماعي *** وفي العشرة ألف ما بنطمع
وهنياً ليكم كبدة وشية *** بعـــد الأضراس تتخلــــــــع

منقوووووووووووووول

هههههههههههههههههههههههههه ... الله يجااااازي محنك يااااااا (محمود) ياااا ود عمي ... والله طلعت مااااااااك هين ... وبتاااااااااااع حلمنتيش كماااااان ... لكن الكلاااااااااام الفوق ده عجبني بالحيل يا ود أبوي ... وااااصل المسير يا راااااااااااائع .... ودي ومحبتي

اكتب هذا الرد للاخذ بالثأر للفتاة السودانتة . وعذراً لها للتاخير. والاهداء لحبيباتى ,--رنا--

--حلم الاماسى----أم الحسين وكل فتاة سودانية.

والله لا كبرتى لا برتى

والشينة الجاتك توجع

ما انت عفيفة وطاهرة

ادبك زى تاجاً بيلمع

ما يقولوا قطارك روح

بس غيرك سعدم اسرع

والكل محكوم بى قسمة

والقسمة لربنا ترجع

خليك قوية وصامده

رغم الكلمات جات مدفع

البت العاقلة حكيمة

هى البلاخلاق تتدرًع

تصون لى نفسها تحفظ

والعالم ليها بيسمع

بى علمك قوُى عزيمتك

واقيفى فى وش المدفع

ما دام لربك حافظة

حتماً لمكانتك بيرفع

ما تسمعى زولاً مغرى

ينسج فى كلامو ويجدع

عاوزك بى وراو تتلهفى

والشرف الضاع ما بيرجع

خليك حريصة وواعية

ما تخلى مكانتك تصدع

ماتقولى الراجل قادر

مايمكن فيك بس بطمع

يلقاك فريستو السهلة

يتلاعب بيك ويجدع

البقية ادناه.........

ا

نواصل.....

احتشمى وكونى قوية

كل الدايرك ليك بيركع

خليك سفيرة بلدك

وللمركب دفًه ومشرع

راس مالك تعليم عالى

بى شهادك راسك يُرفع

لو درتى وزير تلقيهو

لو قبًل تانى بيرجع

ماترضى يقولوا رخيصة

مانت الدهب البيلمع

واقيفى فى اعلى مكانة

واثبتى للعالم اجمع

اخلاقنا شعار عزتنا

ابداً للذل ما بنركع.

لو شفنا كنوز الدنيا

لا بتبرق عين لا بتدمع .

ملحوظة: لقد كتبت بعض الكلمات بلغتنا الدارجة لتقرأ على هذا المنوال [ لم تكن خطأ إملائ]

موضوع: ابداع ابداع الثلاثاء 07 أبريل 2009, 6:55 pm

دون مجاملة يا محمود والله ابداع وفوق الوصف

تسلم يا الشباب وفى انتظار المزيد

يا سامى معقولة الاسم اللامع ده كله ما تشوفو ههههههههههه

تقول محمود لكن معلييييييييييش كلنا واحد ولا يهمك .

nimat mohamed salih كتب:: يا سامى معقولة الاسم اللامع ده كله ما تشوفو ههههههههههه

تقول محمود لكن معلييييييييييش كلنا واحد ولا يهمك .

الاخت نعمات
عفوا مع زحمة الدنيا قراة قصيدت محمود فقط ما عارف جات كيف وهسة بس لقيت ردك علية
حتى محمود لا يقصد اهانة اى بنت انما الشعر له حكمه واكيد مكانة البنت عنده اكبر من اى زول
ردك كفاية وللجميع كل الود والمحبة

قبل ان ابدأ كتابة هذه القصيدة ابحث عن امير الشاشة الابن العزيز محمود.

وينك ,اخبارك شنو ان شاءالله مافى عوجه............يا جماعة ارجو البحث عنه واجراء التحرى اللازم عنه وعن الاخ ابو العزائم والذى شغلنا بغيابه. وافيدونا على جناح السرعة confused

وهذه قصيدة حلمنتيشيةعثرت عليها بين الاوراقوهى منذ الثمانينات [يعنى ممكن تكون ضعيفة]وبعنوان الماهية.

يا ورق العملة يا انت

من ذا يؤذيك اذا دُمْتَ

تبقى فى الايدى لساعات

فاذا فى اللحظة قد ذبتَ

ها يومُ الصرف, وقد طلً

والكل ينادى يا الله

أنَرُدُ الدينَ لتاجرنا

أم نرمى لحماً فى الحَلًة

عشرةَ ورقات, فى الجيب,

من فئة, الدينار العلًة

أتُرانى ساراها باكر

أم للسلفيةساستَلً

ما احسبها فيها بركة

هل ياربى من كرتلًة

سلطاتٌ وخضارٌ فى الكيس

كانت كهلال قد طلً

فسعدنا فى الشهر بطعم

موعدنا القادم إن هلً

ياربى ضاق بنا الحال

والاعورُ يبكى ويتملً

قد ضاق بهضم الخرصانة

ويثور الاسمنت قلً

لا نامل فى حل اللغز,

فبكانا للعزً وجلً

وعزانا فى بئر قالوا

بترولاً قد فار وتدلى

أين البترول وقد كان

يوماً للشاشة,يحتلً

فرقصنا فرحاً وأعددنا

للبن, وفنجان للدلًة

سنكون سعوديين حتماً

نركبُ للشبح, لا كورلا

سيكونُ التفاحُ تسالى

بل بالشوكولاتة, نتسلى

امل السودان بس نرجوك

كدى ادى السودان بس طلًة

لو الماهية المسكينة

ترتاح ابداً من الذلًة

ختوها كدى ...جروها كدى

لانفعت قاطرة ولا ترلًة

كان تلحق بس الاسبوع

وللشهر الجاى نرجى الفلًة

عاد يا الفَلَة ما بتتحلًة

مهما زادوها بقت قلًة

حذر...وفذر..شوف العلًة

لو تصبح حاوى بتتحلً

يا من حبيتو وما حصل حباني

يا من حبيتو وما حصل حباني؟؟ أيه لزومو تقفلو البيباني؟
خلاص ...خلاص .. نسيتي جلوسي امام بيتكم متفرجخاً في عتبت الدكاني
راجيك تندهي لأخوكي من شارع الظلط وأخوك لصقه معكي في كل مكان
أو تكشحي موية الغسيل بجردل يـــــــــا جردلاً حملته احلي يدان

يامن حببته وما حصل حباني
قدمت طلبي إليكم من مدة صهينتموا .....!?مثل وزارة الإسكان
حبحبتكم حباً يبشتن أضلعي سجلته بالفحم في الحيطان
أنسيت ......أنسيت جلساتك في حفلات العرس تتجملين بأجمل التيبان
وأنا مصنقر ناصية في مقعد ومقهي فيك مشحط العينان
وينقرش الطبال ويلولو الفنان بالألحان
وتقومي ترقصي بخفة وتوزعي البسمات بالمجان
والكل ماج وهججوا مثل الجزيرة تموج بالفيـــــران ..

يا ليتني سماً زعافاً قاتلا لقرضتهم قرضا بلا إحسان
حتي العريس وعروسه سممتهم وغرغرت باقي السم للفنان
جبت الكراسي كلها وردمتها وأطلقت فيها حارق النيــران
كوركت يا ناس المطافئ الحقوا النار إمتدت إلي الصيـــــــوان
واذا أتوا ناس المطافئ قلت : يا ناس المطافئ ثوانــــــــي .!
في القلب بارود وفي المصران ألغام فلتطفوا نار الحب في مصراني
أو تأمروا هذي البنية تحبني ما دام أبت ريدتنا بالإحســـــــــــان

****** القصيده من تأليف احد اعضأ هيئة حلمنتيش العليا ،، لا اذكر الأسم تحديدا و لكن ارجو ان تنال اعجابكم

اخوتى و اخواتى اهل الشجره ،،
سلام و تحيات التقيكم فى قصيده حلمنتيشيه جديده ارجو ان تنال اعجابكم و تسرى عنكم ولو بعض شئ،،، و ناسف لطول الغياب ،،

القصيده كتبها احد طلبة جامعه الخرطوم (عتيق)تبدا القصة كالاتي
الاستاذ قاعد في المكتبة وجات قعدت جنبو واحدة (كدة) سمحة شديد للطيش
وقعدت تكتب بعد شوية قالت ليه لو سمحت ممكن الاستيكة
قال ليها ممكن
شالت ومسحت وختتها جنبها وبدون ما تلاحظ ختت فوقها المنديل
ولما جات قايمة شالتم الاتنين بدون ما تنتبه ومشت الكافتيريا
اها صاحبنا دا قاعد مجهجه وكتب القصيدة دي

النص:

تسمح ...؟
وكيف يا حلوة ما بسمح..!؟
اصابعي العشرة تكتب ليك
وقلبي استيكة للغلط يمسح
يدوب بين اصبعين حلوين
يتوه وسط السطور يسرح
ولمن تنتهي الكلمات يخش الشنطة في منديل
ونمشي القهوة نتفسح
هناك عاشق يطيع سحرك
يجيب الفانتا شان امرك
وقلبي الدايش وسط منديل
يثكلب ويقول يا ليل
وترجعي تاني يا الحلوة وتلقيني
راجيك هناك مصلوب
اشوف الناس طشاش في طشاش
واقرا سطوري بالمقلوب
اعاين ليك ...تغمدي انتي
تعايني لي اغمد انا
نعيد الكرة من تاني
اعين ليك تغمدي انت
تعايني لي اغمد انا
تفري البسمة تضوي سنا
واقول السمحة لو تسمح وبكلمة
احسن نمشي في زاوية وركن ضلمة
تقول بسمح
تقوم السمحة تتحرك تتقدم
وانا اتراجف واتخمخم
وادقش الماشي ..... of sorry
وحنب السلم .......of sorry
واعفص الحنبي ....of sorry
هناك في الزاوية نتقعد
واستغفر واتشهد
واشيل نفسي
واقول ليكي
والحاصل
وفي الواقع
وما قادر اقول ليكي
تقول يا دا
وفيها شنو
ومعانا منو
قول يعني
ما تخجل وتتعقد
اقول ليها
انا اتعقد؟
اجر الكرسي ..ازيد الخلطة تسبيكة
واقول ليك
وبي صوتا ندي ورائع
يفيض رقة ومزيكا
من فضلك وبترجاك

ترجعي لي الاستيكه
،،،،،،،،،،،،،،،،،،،،،،،،،،،،،،،،،،،،،،،

بما اننا فى القسم الحلمنتيشى والشكر اجزلة لمن ابرز الينا هذا الجو وهذة الصفحات للوجود مرة اخرى واعاد اليها الروح

بعد كتمت انفاسها اتربة الغبرة والغربة.

وهنا لايسعنى الا ان اسجل فرحتى الحلمنتيشية العظيمة بظهور النجم الرائع الابن محمود الف حمداللة على السلامة وليك

وحشة وانشاءاللة تكون بخير.

استاذتنا الغاليه ،،،
جزيل الشكر على الكلمات الترحيبيه الطيبه ،،
و زى ما قالو اهلنا الكبار زمان "العرجا لى مراحا (بضم الميم)" ،، فلم اجد لى بدا دون هذا المراح ،، و الذى اسال الله ان لا يبعدنا عنه تارة اخرى ،،
اسعدنى مرورك و اكد لى حضورك الدائم فما ان غبنا و عدنا وجدناك ،، لا عدمناك و لا حرمنا الله من قلمك

» العيون فى الشعر السوداني
» ما احلى الشعر السودانى الرجاء الرد لكل مشاهد
» حــــار خـــلاص بـــعد المـســـــــــــافـــــة