الشجره الوطن الصغير

من قلبي ...لقلبك..
الي متي هذا السكون ؟!!!
:
مدينتي
خذيني اليك ..لكي تلملم بعثراتي ...
خذيني لاودع هذا الحزن .. الذي عربد في دواخلي ..
اطفي نار شوقي ...التي لاتخمد ..الا بك
فكلما تعالت زفرات الشوق
يلهث النبض نحوك..
وتشتاقك كل الحنايا...ويشتهيك الدم ..
وتعزف الشراين لحن لهفتك..
فمن أي زاوية نبض ابتديك ..
وهزياني بك ..يعلو ..ويعلو..ويعلو
جنون وبراكين هواي لا تريد ان تخمد ...
بدونك ....
ابحث عنك وانا احمل روحي ..
وجبال ..من الحزن ...
تناهيد الهيام قاربت ان تزبل ..
اودية الوجد جفت ..
صافحت عيوني الرمق الاخير..
طيور عواطفي لا تسطيع ان تطير ..
كيف الهروب من حزني ..
كيف الهروب من مدن الانين ..
كيف الهروب من قسوة النبض ..
كيف الهروب من الصمت الذي يتنفس هواك ..
شهيق وزفير..
مدينتي الشجره
عندما اصابني جنونك
وضعت يدي علي قلبي
فوجدتك ممزوج ..في الدماء متشعب في الحنايا
انت وحدك دون سواك ...
من اعتلي عرش القلب..
وحدك من همس له النبض بالبقاء
وحدك من اسر كل الحنايا
وحدك من امتلك الروح والعقل ..
فلما تزرعي في قلبي مدن الجراح؟؟!!
وانتي تعرفي ..مدي لهفة النبض للقاك؟!!

كلمات جميله اخونا امين يسلمووووووو

سلمت وسلم قلمك اخي امين وينك يا عثمان طولتة الغيبة

ماأروعها من كلمات لافض فوك -كلام غاية في الروعة وعبرك بحيي أم وئام وعثمان بشير

حياك الله مصطفي مشكور والناس جد طولت من بعض والسبب الانشغال ارجو دوام التواصل

مصطفي عباس كتب:: ماأروعها من كلمات لافض فوك -كلام غاية في الروعة وعبرك بحيي أم وئام وعثمان بشير

نسيت اقول ليك يا مصطفي كان تحيي عثمان قبالي لانو اكبر مني العمر ليهو احترام برضو Evil or Very Mad

ام وئام كتب:: سلمت وسلم قلمك اخي امين وينك يا عثمان طولتة الغيبة

ام وئام سلامات يا رائعه انا وقت طولت ما كان تتصلي علي ولا رقمي ما عندك ولا عند احمديه ولا عند محمد انا والله نقلوني كردفان من شهر واحد مسكت مكتب الابيض عشان كده تسلمي علي السؤال المتاخر مني اخبارك واخبار وئام وغاده والجماعه كلهم والحاجه حمدلله علي سلامتها عشان تعرفي انو انا متابع وكده

مصطفي عباس كتب:: ماأروعها من كلمات لافض فوك -كلام غاية في الروعة وعبرك بحيي أم وئام وعثمان بشير

تسلم يا مصطفي حياك الله وبياك

ام وئام كتب:

مصطفي عباس كتب:: ماأروعها من كلمات لافض فوك -كلام غاية في الروعة وعبرك بحيي أم وئام وعثمان بشير

نسيت اقول ليك يا مصطفي كان تحيي عثمان قبالي لانو اكبر مني العمر ليهو احترام برضو Evil or Very Mad

ها ها ها ها ها يا غاااااده تعالي احضرينا وشوفي خالتو اماني بتقول في شنو انتي يا اماني عشان انا بناديك باسمك حاف وما عايز اقول ليك خالتو ولا شنو

...
أخونا أمين
والله ما قصرت تب
وحقيقي شوقنا للشجرة
لا بتوصف لا بي حرف ولا بي غُني
...