مرثـيــة الحلنــقـى فى رفيــق دربــه الموسيقار الراحــل وردى

وإنت ياوردى المشاعر يالبقيت للموجه مرسى ..

كيف يقولوا عليك مفارق وإنت عايش فينا لسه

ياأعزالناس حليلك وإنت حاضن العود تغنى

وقلبى سارح فى الغناوى الطالعة منك وشايلة منى

عندك إنت الفن رسالة تزرع الأيام تمنى

... ياحبيب كل الغلابة غبت وين الليلة عنى

غبت ياالطير المهاجر وإنت لابس الشوق حراير

غبت ماشفناك بتشرب من عسل إحساسنا زاير

وإنت لودارت عليكا ياوليف عمرى الدواير

زهرة المقرن بتلبس من حروف اسمك ضفاير

ياسمح يازين حليلك فى السمح بعد السماحه

العصافير ليك تهاجر وبيك تعود أبيض جناحه

الجراح الفى قلوبنا بالنغم دوايت جراحه

ومنك اتعلمنا نغزل من دموعنا النازلة واحه

نحن ما بنمسك دموعنا لما نسمع لوبهمسه

أما نورالعين غرامنا مالو لو أهدتنا لمسه

وإنت ياوردى المشاعر ياالبقيت للموجه مرسى

كيف يقولوا عليك مفارق وإنت عايش فينا لسه

قلت أرحل وجيت رحلت ومارحل أبدآ مكانك

السحابة الفوق بتسقى وردة الأحزان عشانك

اوعى تمشى تقول مفارق إنت أسطورة زمانك

إنت ليك أنغام بتزرع فى القلوب أزهار حنانك

رحم الله الموسيقار الاستاذ محمد عثمان حسن وردى .

قلت أرحل وجيت رحلت ومارحل أبدآ مكانك

السحابة الفوق بتسقى وردة الأحزان عشانك

اوعى تمشى تقول مفارق إنت أسطورة زمانك

إنت ليك أنغام بتزرع فى القلوب أزهار حنانك

الف رحمة للاستاذ الكبير الموسيقار محمد وردى
والف تحية للشاعر الكبير الحلنقى

...
الا رحم الله الأستاذ وردي
وشكراً جميلاً للأستاذ الحلنقي
...

» رائعة وردى, المستحيل
» الطير المهاجر- محمد وردى
» الموسيقار محمد وردي
» رحيل الموسيقار العبقري الدكتور محمد وردي