حلم الصبر

موضوع: حلم الصبر الجمعة 17 فبراير 2012, 3:04 am

الصمت في الم الدموع ابلغ شعور
وحتى الألم مرات بكون للصمت نور
والعين الماشافتك ذرفت دموعا سُحُور
والقلب الحسا بيك بفرفر بالألم مسرور

لكن شكيتك للبرق وللرعد
وحتى المطر لمن نزل فى بِحور
وشكيتك لى وليك
وللبستاني البداعب فى الزهور
وقعدت فى ضُل السِدر
ارسم خطوط جوه الصخور
ومن الالم فى صباعى صرخ الصخر
مالك على عاملنى سور
انت تتعذب براك
وتكُب على دمعك بِحور
حتى الصخر حسا الألم
لمن كتبت بدمى عليه حبة سطور
لكنو قلبك كل على
قاسى شديد
ومن غير حضور
لكنى ببقى عليك أصيل
وحُبِك معاى شايلو دهور
لكنى طالبك لى طلب
خِفى الملح من جرحى ده
والله ما من الألم
انا المي من جُرحِك صبور
لكنِ عاوز احملك جوه القلب
عسلاً أصيل ما فيهو جور

موضوع: رد: حلم الصبر الأحد 01 أبريل 2012, 5:16 am

...
أجمل ما في الحياة الصبر وبدواخلنا كميات من الألم
وأجمل ما في الحياة أن نبتسم والمرارات نتجرعها تباعاً
...