مهم جدا جدا جدا ادخل وشارك برايك

تحية طيبة للجميع
منتدى الشجرة والحماداب ؟؟؟؟؟؟؟؟
ماذا حصل ؟؟؟؟؟؟؟؟
لماذا كل هذا الخمول ؟؟؟؟؟؟؟؟
لماذا اصبح المنتدى طارد ؟؟؟؟؟؟؟؟
عاش المنتدى اجمل ايامه من عام 2008 إلى 2010 وبعد ذلك دخل في سبات شتوي طويل
اصبحت المواضيع كلها منقولة
اين المواضيع الحيوية والمبادرات التي تحرك الجميع
اصبحت الوجوة محدودة جدا
اختفت وجوه كثيرة جدا كانوا نجوماً
(نعمات محمد صالح - مجدي ابوعبده -الدرزي - حسن احمد عثمان - فخري - كريم - الثعلب - بشارة عبدة) افضل 10اعضاء بالمنتدى لم يتبقى منهم سوى عثمان بشير وام وئام.
ايضاً اين الطيب الدالي- مصطفى عباس -كابتن - ام محمد معتز - عبد الوهاب - ابو العزائم - غادة - سامي احمد عثمان -عادل طه -ابو عسجد - على عثمان على طه - ادريس اسماعيل - منتصر الرشيد - عز العرب صالح - اشرف ترجمان -اكرم عثمان- ايناس عدوي - استاذ عثمان - علي القلع -ام احمد - جمال النملة -امير الشباب - محمود -ابو التومات - ابو موفق -صلاح خلف - امجد عثمان - ود الحاج وبكري الشايقي) هم اصحاب اكثر من 100 مشاركة لايوجد منهم غير عثمان بشير واسماعيل طه ومحمد عبد العزيز وابراهيم العمدة وام وئام.
المشرفووووووووووووووون ( ابو العزائم - سامي عثمان -ابو سيد - استاذ عثمان - استاذه نعمات - مجدي ابو عبدة -ام محمد معتز - ود الحاج -ابراهيم علي تاور -حسن عثمان - اكرم عثمان -مصطفى عباس - كريم - علي القلع -اشرف ترجمان - على طه -اسامة غاندي -عمار حسنين-غادة وام احمد ؟؟؟؟؟؟؟؟؟؟؟؟
جيل العمالقة ؟؟؟؟
شلة الاسكايب؟؟؟؟
اسرة الشرقية ؟؟؟؟؟
؟؟؟؟؟؟؟؟
العيب في منو؟
هل يوجد في المنتدى شلليات ؟
هل تكتب موضوع و لا احد يرد عليك وتجد ان هناك مواضيع اقل من موضوعك من حيث الفائدة من شخص معين تستحوز على الردود؟
هل هناك مشاكل خافية على الناس بين الاعضاء ؟
هل السبب من الفيس بوك ؟
لماذا اصبح المنتدى ممل ؟
وهل وهل وهل ؟؟؟؟
كيف نساعد في ان يعود منتدانا حديث المجالس في الشجرة وغيرها ؟
كيف يعود منتدانا للخدمات العامة والمبادرات الاجتماعية مثل انارة المساجد ومظلة المدرسة الثانوية ومهرجان حاج الزين الخ....
كيف تعود الدعابة في تحديات نزار بري ومحمد فرحات ؟ وقسم البلاغات والشكاوي والقاضي الطيب الدالي والمحامية ام وئام ونكات بشارة ومشاغبات بابكر الفكي للجميع وصور معتز تلب
كيف تعود المادة الدينية الدسمة من ابو العزائم والفتاوي من عثمان بشير ؟
شعر الاستاذة نعمات وخواطر ايناس عدوي
.
.
.
.
.
حاول الجميع العلاج بالاتصالات التلفونية المباشرة والرسائل عبر الادارة والعلاقات الشخصية لكن بدون فائدة
.
.
.
.
.
.
في رايك ما الحل وكيف نستطيع ان نعود كما كنا في السابق
ارجوك شارك برائك فالمنتدى للجميع
ودمتم

موضوع غاية فى الاهمية حبيبنا حاكم وانا كان قبل فترة كتبت موضوع شنو الحاصل بنفس المعن
وما لقينا اى مداخلات سوى من ام وئام والعمدة وان شاء الله كل حاجة حا ترجع زى ما كانت واحسن
كمان وانا رأيى انو نقوم بدعوة جميع الاعضاء للاجتماع فى صفحة المنتدى ويدار الاجتماع وتناقش
فيه كل العوائق والموانع التى تقف بين الاعضاء والمشاركة ويمكن نقدر نصل لجزء ولو بسيط من
الاشكال الذى صاحب الاعضاء وحال دون ظهور المشاركات والمجاملات وما شابه ذلك نرجو ونتمنى ان تكلل هذه
كل هذه المناشدات بالنجاح وان شاء الله ربنا ما يفرقنا ابناء وبنات الشجرة والحماداب وربنا يسهل ويعجل لينا
باللمة فى القريب العاجل .

الغالي حاكم -
حبيبنا الساحر ابوعبدة
سلامنا واشواقنا ليكم وللاهل.
بالجد شئ مؤسف انو الواحد كلما يفتح المنتدي يشعر بالوحشة
زي ما تجي طالع الحلة عشان تتونس مع الشباب
وتلقي الحلة صانة وترجع مكتئب لبيتكم. Mad

طبعا السبب الرئيسي كما سمعنا الfacebook!
لكن المنتدي ليه طعم خاص جدا وهو كالنادي مفتوح للجميع.
عكس الfacebook حاجة فيها بعض الخصوصية
بعدين المانع شنو طالما الواحد قاعد امام الجهاز
وonline انو يخلي المنتدي مفتوح ويدي طلة بسلام وتهنئة ولا تعزية.
فعلا حاجة غريبة من شباب الشجرة .
اتمني من الاعضاء الصابرين امثال العمدة-عثمان بشير-كريم-فخري-ام وئام- الدرزي
وغيرهم المواصلة حتي عودة الطيور المهاجرة
ولكم ودي

ياجماعةالمطلوب الناس تواصل في المحاولات

اي واحد عندو لنك لاي واحد يعرف منو الحاصل شنو

يمكن يكون مافي حاجة والناس مدبرسة ساكت

وفي طريقة بس ما هسع انو الواحد يستفز الناس عشان ترد

الاخ ابراهيم العمدة عمل طريقة حلوة رجع لكل المواضيع القديمة ورد عليها ، عسىى ان يفيق اهل الكهف ولكن لا حياة لمن ينادي لكن حاول وما تياس

وراها حتى نراها

والله من ورى القصد

ولا حياة لمن تنادي
3 ردود ومن الاشخاص المداومية والنشطين

اخى العزيز ابن عمى حاكم
لك كل الود والتحايا000
من وجهه نظري ان التكرار في المواضيع

وكذلك عدم الاهتمام من المشرفين

له الاثر السلبي في ركود العديد من المنتديات

ونتمنى من الجميع التواصل المستمر

لرفعه منتدانا الغالي

واشكرك اخى حاكمعلى هذا الطرح الجميل

ولك تحياتي

الاخ العزيز حاكم كيف عامل الاخوه االاعزاء المشاركين في الموضوع السلام عليكم والله مافي اي مشاكل بس ظروف الحياة والمشاغل الكتيرة بس لازم ارجع المنتدي زي الاول وانا معاكم واتعهد ان لا انقطع بعد اليوم

انا بابكر الفكى ممنوع من دخول المنتدى اخش اشارك كيف رجعو لى حسابى علشان نقعد نتونس ونتشاكل تانى

العزيز حاكم لك التحيه والله مشتاقييين ليك كتير وطرحك حقيقه جميل جدا وانا عن نفسي انقطعت لعدة اسباب اولا توفيت حبوبتنا امنه ام عبد العظيم صالح في رمضان بعد ان ظلت طريحة الفراش لفتره طويله بالمستشفي ثم بالبيت ومرض بعد وفاتها ابني عبد الرحمن بالاضافه الي انني استلمت عملا جديدا اكون متواجد فيه طوال اليوم وفي العيد توفي جدي حمد حسن حسين ايضا بعد حادث مروري لازم بعده الفراش لشهور وبعدها بايام خضعت شقيقتي الكبري سعاد بشير لعمليه جراحيه في القلب والان الحمد لله هي بالبيت وفي حالة جيده واليوم والله هي اول فرصه وجدتها لفتح جهاز كمبيوتر منذ اخر زياره لي للمنتدي وكان اول موقع ادخله هو المنتدي وارجو ان لا ننقطع عن منتدانا ولك التقدير والاحترام علي السؤال وعلي حمل هموم الشجره والمنتدي ولك ودي

الاخ المحترم حاكم لك التحية والاحترام ومشكور انت وكل المشاركين علي السؤال والسبب في انقطاع الناس اعتقد انها مشغوليات الدنيا البقت ما بتخلص
انا عندي مقترح انو في يوم في الشهر يكون اجتماع كل الاعضاء في المنتدا كدة الناس

ام وئام كتب:: الاخ المحترم حاكم لك التحية والاحترام ومشكور انت وكل المشاركين علي السؤال والسبب في انقطاع الناس اعتقد انها مشغوليات الدنيا البقت ما بتخلص
انا عندي مقترح انو في يوم في الشهر يكون اجتماع كل الاعضاء في المنتدا كدة الناس

ام وئام سلامات مقترح جميل وانا بثني

ابو عبدة ياساحرنا والله واحشانا القيادة بتهور
.
.
.
.
حبيبنا بكري كنت بترجع بيتكم مكتئب زي منو؟
.
.
.
.
الاخ كريم خلاص وصلنا لطريقتك يلا ابتدي انشاء تنفع بس
.
.
.
.
اخوي اسماعيل المشكلة مافي المواضيع المشكلة في الناس
.
.
.
.
درزينا يازعيم الله يسهل الامور يافردة
.
.
.
.
بابكر الفكي البيت بيتك وانت تدخل وتشارك في اي وقت وبالجد اشتقنا لونستك وشكلك
.
.
.
.
شيخنا عثمان احسن الله عزائكم والف حمدلله على سلامة اختك وابنك وانشاء الله اجر وعافية اشواقنا كميات يافردة
.
.
.
.
الاخت ام وئام لك التحايا على الاقترح الجميل وانا اول المشاركين

اهلا بيكم اخواني خلاص رايكم شنو نلتقي اخر خميس من كل شهر صوتو

السلام عليكم اخواني واخواتي لو كل واحد منا رسل لاي زول الرابط في الفيس بوك الناس بترجع شويه شويه رسلوا رابطه المنتدي للناس
في صفحته الخاصه لانه في ناس جداد ما بيعرفوا المنتدي ربنا يجعنا في ساعه خير

يا فخري والبعرفو المنتدى ......مشو وين؟

العزيز حاكم
بعض الاخوة لهم ظروف مثل الاستاذة نعمات محمد صالح موجوده فى دولة قطر الان
سامى احمد عثمان ظروف العمل
والكثير من الاخوة لهم ظروف وسوف يعدون بأذن الله
ثانيأ : الفيسبوك له أثر فى ذالك الانقطاع ومع ذالك سوف يرجع الجميع

: اهدي هذه القصيدة للجميع للشاعر هارون هاشم رشيد

سنرجع يوماً إلى حينا

ونغرق في دافئات المنى
سنرجع مهما يمر الزمان

وتنأى المسافات ما بيننا

فيا قلب مهلاً

ولا ترتمي على درب عودتنا

يعز علينا غداً

أن تعود رفوف الطيور ونحن هنا.

هنالك عند التلال تلال

تنام وتصحو على عهدنا

وناس هم الحب أيامهم

هدوء انتظار شجي الغنا.

ربوع مدى العين صفصافها

على كل ماء وها فانحنى

تعب الزهيرات في ظله

عبير الهدوء وصفو الهنا.

سنرجع خبرني العندليب

غداة التقينا على منحنى

بأن البلابل لما تزل

هناك تعيش بأشعارنا

وما زال بين تلال الحنين

وناس الحنين, مكان لنا

فيا قلب كم شردتنا الريح
سنرجع يوماً إلى حينا...

http://www.alshagara.com/t4895-topic#27159

الاخ المحترم بابكر مع احترامي ليك لكن ليست هذه الطريقة المناسبة للم الشمل ارجوك حاول عشان يرجع المنتدا ذي زمان

ام وئام كتب:: الاخ المحترم بابكر مع احترامي ليك لكن ليست هذه الطريقة المناسبة للم الشمل ارجوك حاول عشان يرجع المنتدا ذي زمان

سلام ام ويام لكى الاحترام كل زول عندو طريقتو للم الشمل ودى طريقة فعالة جدا وشوفى حت سوى شنو وبعدين فى ناس مدينهم مدبر عام وهم لايستاهلو هزة الادارة كدى ادونى الادارة وشوفى برجع ليك الناس ديل تانى ولا لا ودة بشارة عبدو كل يوم معاى على الاسكاى بى
https://2img.net/r/ihimg/photo/my-images/577/videocallsnapshot1hj.png/

مهم جدا جدا جدا ادخل وشارك برايك Videocallsnapshot1hj

الاخ بابكر ود الفكي سلام عليكم اخي المنتدي للجميع ومافي زوال بيمنع زوال من الكتابه بس في حدود الادب وبعدين ماعندك اي شغله مع الاداره انت عضو زيك وزي واحد
مافي داعي للتجريع ولو السيد المدير شاف ان الاغاني بتاعتك ما تمام عنده الحق يمسحها نحن هنا اهل اخوان واخوات وبعدين ماعارف مالك مدخل بشاره في الموضوع
تتكلم معه في الاسكايبي ده حياتك الخاصه اخي اكرر ليك مره تاني اكتب بس في حدود الادب ما تجرح اي انسان اكرر ليك المنتدي للجميع بس كل ادب ولباقه يعني لو انا ولا ياسر ولا انت تعدي
حدوده يحق للاداره شطبه حتي ولو ياسر نفسه لانه هنا في اخوان اخوات اجلاء كبار لنا نكن لهم كل احترام وتقدير عملاقه تمام يا بابكر لك كل احترام وتقدير

المنتدي عبارة عن بذرة طريه بذرها من اخذوا على عاتقهم فتح هذا الصرح العملاق للجميع وخاصة أبناء الشجرة
الام الحنون , هذه البذرة تحتاج الى من يرويها ويكدح لعلوها , وهنا يأتي دور الأعضاء الذين ينتسبون الي هذه
الساحة الغنية , فيعمروها بأقلامهم الحُبلي ومُداخلاتهم الشيقة الهادفة , ان للعضو الدور الأبرز في العلو والارتقاء
باي منتدي , ثم يأتي الدور على الإشراف الفعال عندما تُشرف على شيئ تكون انت الرقيب عليه , بمعنى
ان تلاحظ وتراقب ما انت مُشرفا عليه , مع أبداء الملاحظات العيوب ان وُجدت , ان تقوم بتقييم الموضوع المُطروح
وقراءته جيداً واستخلاص لبه حتى تقوم بتسييره الى الاتجاه الصحيح ان ضل و أخطا , الإشراف ليس مهمة تشريف
صورية , وإنما هو توجيه اهتمام ومتابعة متواصلة للمهام الإشرافية التى تقود فى النهاية الى ريادية المنتدي وجعله واحة
خضراء مورفة يستظل بظلها كل الأعضاء بالمواضيع الشيقة الهادفة , والمشاركات الحيوية القوية
كن مُشرفا مُتابعاً يقظاً مُتحاوراً مُتفهماً للمواضيع المطروحة حتى علم بقية الأعضاء ان
العضو المُشرف على هذه الزاوية من المنتدى و القائد الحقيقى والمتمرس لها فيُقبل الأعضاء على الكتابة فى هذه
الزاوية بكل حب وتفان ن مُشرفاً مُبدعاً بشوشاً مُتمكناً قديراً " نفخر بك وان لم نراك"

ان متابعة المشرفين لمواضيع الأعضاء يترك الاثر الطيب في النفوس ويشجع على الاستمرار في الجهد والتفاني
مما يرقي بالمنتدي

اقترح إرسال رسالة خاصة قصيرة لكل عضو في المنتدي , تعبر عن الاهتمام والسؤال بالافتقاد لوجوده
وأكيد سوف يري هذه الرسالة كل الأعضاء خاصة من يدخلون فقط لحبهم للمنتدى ولكن يحجمون لسببا ما
عن المشاركة ..

طيب اول حاجة ناسف عن الانقطاع الذي دام فترة طويلة ولعله من اهم اسباب الاختفاء هوالانشغال والانغماس في مشاغل الحياة التي لاتنتهي . ولكن اقول كتر خير اخونا الكبير حاكم الذي لم يغمض له جفن الا بعد ان اكد علينا واحدا واحدا بضرورة الرجوع الى البيت الكبير ....... فله ولكم العتبى حتى الرضى ...... واعتقد ان مجموعة الشجرة على الفيس بوك هي واحدة من اهم اسابا انشغال الناس عن المنتدى الاصل ......... ولكن بعد اذنكم عودنا والعود احمد ان شاء الله

لكل اهل الشجرة والحماداب كل التقدير والاحترام

بشارة عبده كتب:: طيب اول حاجة ناسف عن الانقطاع الذي دام فترة طويلة ولعله من اهم اسباب الاختفاء هوالانشغال والانغماس في مشاغل الحياة التي لاتنتهي . ولكن اقول كتر خير اخونا الكبير حاكم الذي لم يغمض له جفن الا بعد ان اكد علينا واحدا واحدا بضرورة الرجوع الى البيت الكبير ....... فله ولكم العتبى حتى الرضى ...... واعتقد ان مجموعة الشجرة على الفيس بوك هي واحدة من اهم اسابا انشغال الناس عن المنتدى الاصل ......... ولكن بعد اذنكم عودنا والعود احمد ان شاء الله

لكل اهل الشجرة والحماداب كل التقدير والاحترام

يابشارة كلامك كلو حلو لكن بس اشرح لي اخوك الكبير دي كيف يعني

ههههههههههه والله ياحاكم هي المشكلة اساسا بقت المنتدى الفي الفيس بوك . طالما انه في مشاركات للاعضاء في الفيس معناها الموضوع وبكل صراحة ماهو كسل بقدر ماهو انه الفيس بوك امكانياته وطريقة عرضه اسهل للمشارك .لانه شوف الناس مقسمة الى مجموعات بمعني 1- في زول ابدا مابشارك لا في فيس ولا في اي موقع ودة جائز انه ظروف شغله او مشاغل الدنيا مانعاهو 2- زول تاني بشارك في الفيس ومابشارك في المنتدى ودة المعناهو انه مالاقي الشئ البدور عليهو في المنتدى او عنده اسبابو الخافية والبتحفظ بيها عن المشاركة 3- في القسم التالت وديل الناس المن وجهة نظرهم انه يكون فاتح الفيس وبالتالي يقدر يشوف الرسائل اون لاين ويتابع مواضيعوا في الفيس وكمان بتفقد الايميلات بتاعتوا
لكن ولكن
كل هذا لايغفر ولايعتبر مبرر لترك المنتدى خاوي والدليل على كدة انه هنالك بعض المنتديات التي مازالت حية ونشطة وبالتالي يرجع دة كلو ويصب انه المشكلة اساسا مننا نحن كاعضاء للمنتدى واضا اضيف انه مافي زول مهما بلغ حجم انشغالته اليومية انه مايقدر يدخل المنتدى ...... اصبح الانترنت اليوم اخي حاكم من اهم وافضل السبل اليومية لمشاهدة العالم وقلة هم الذين لايابهون به وديل اصلا ماكانوا اعضاء في المنتدى

معك ومع الادمن لرفعة شان المنتدى

ونقطة اخيرة اعتقد انه الاعضاء لو وجدنا ليهم عذر من دخولهم المنتدى فاين عذر المشرفين من الدخول ودة اهم سؤال لازم نجد ليهو حل وبكل شفافية

ادام الله عز الشجرة والحماداب باهلها وبكم ومعليش سخنة شوية بس الهدف اعتقد انه واحد وكلامك جميل انه المنتدى كان كلام وونسة ناس الشجرة فبالتالي انتوا الصنعتوا الحاجة الجميلة دي وماحنسمح لاي زول انه يغيرة او يقلل من شانكم وفقكم الله والناس كلها معاكم وع الادمن ومع المشرفين ومع الاعضاء

برضو ماشرحت لينا حكاية اخوك الكبير

دة ياتو دة بالله هههههههههههههههههههههههه قاصد منو بالله والله ليسع ماشربت جبنة الصباح ههههههههههه
عليك الله منو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

حاكم كتب:: حبيبنا بكري كنت بترجع بيتكم مكتئب زي منو؟

زي صاحبي..مروحة قلبي..ميدي اللمين
انشاء الله ربي يعرسليهو

حضرنا ولم نجدكم Basketball

أخوكم الطيب سيد الدالي

أبوسيد كتب:: حضرنا ولم نجدكم

أخوكم الطيب سيد الدالي

حمد لله على السلامة يامشرف المنتدى العام الغايب ليك شهر
امشي اقيف في الحيطة وارفع يدك فوق لغاية مانشوف موضوعك مع عادل الاحمر

حاكم كتب:

أبوسيد كتب:: حضرنا ولم نجدكم

أخوكم الطيب سيد الدالي

حمد لله على السلامة يامشرف المنتدى العام الغايب ليك شهر
امشي اقيف في الحيطة وارفع يدك فوق لغاية مانشوف موضوعك مع عادل الاحمر

الله يسلمك يا غالي
بس أول مره أعرف السني أقصد عادل الأحمر عندو موضوع........!!! rendeer

أبوسيد كتب:

حاكم كتب:

أبوسيد كتب:: حضرنا ولم نجدكم

أخوكم الطيب سيد الدالي

حمد لله على السلامة يامشرف المنتدى العام الغايب ليك شهر
امشي اقيف في الحيطة وارفع يدك فوق لغاية مانشوف موضوعك مع عادل الاحمر

الله يسلمك يا غالي
بس أول مره أعرف السني أقصد عادل الأحمر عندو موضوع........!!! rendeer

ياصاحبي انت فاتك كتيييييييييييييير عايز ليك شهور عشان تدخل الجو شد حيلك وانا لسه عند تهديدي

أبوسيد كتب:: حضرنا ولم نجدكم

أخوكم الطيب سيد الدالي

سلامات يازول يارائع*ياخلاصةالخيرالفي الناس والله منورالمنتدي وينك ياراجل

أحبتي وأخوتي وأخواتي أسعد الله أيامكم بكل خير_أولآبكل صراحة لم أتوقع أن يأتي يوم ويكون المنتدي بهذا الشكل الذي أصبح طاردآ _أنا من ضمن الباقيين _وأعتقد أن الفيس ليس سببآ أساسيآ_دعونا نترك كل هذا جانبآ ونتناسي كل الماضي كل هذا من أجل مدينتنا الغالية_ولكم كل الود

حاكم كتب:

أبوسيد كتب:

حاكم كتب:

أبوسيد كتب:: حضرنا ولم نجدكم

أخوكم الطيب سيد الدالي

حمد لله على السلامة يامشرف المنتدى العام الغايب ليك شهر
امشي اقيف في الحيطة وارفع يدك فوق لغاية مانشوف موضوعك مع عادل الاحمر

الله يسلمك يا غالي
بس أول مره أعرف السني أقصد عادل الأحمر عندو موضوع........!!! rendeer

ياصاحبي انت فاتك كتيييييييييييييير عايز ليك شهور عشان تدخل الجو شد حيلك وانا لسه عند تهديدي

يا حبيبنا نحنا في عصر السرعه... بعدين قصة التهديدات دي مقدور عليها معاك ولا شنو يا قريبي ؟؟؟ cheers

عثمان بشير كتب:

أبوسيد كتب:: حضرنا ولم نجدكم

أخوكم الطيب سيد الدالي

سلامات يازول يارائع*ياخلاصةالخيرالفي الناس والله منورالمنتدي وينك ياراجل

حبيبنا دوماً عثمان بشير
لك ارق التحايا يامن ننهل منهم الروعة والإبداع ويشهد الله مشتاااااااقين كتيرومقصرين في حقك أكتر

لك دوماً كل الود

إحصائيات الـ12 شهر الماضية

[img]

[/img][img]

[/img]