الشيلة والعرس

موضوع: الشيلة والعرس الجمعة 12 أغسطس 2011, 9:54 am

...
أخواتي الأعزاء تحيه رمضانيه ليكن خاصة
وأنتُن تسدن رمق الصائمين بطعامكن وشرابكن
جعل الله لَكُنَ من الأجر مثل ما للذين تفطرونهن

نعم هو عالم حواء ولكن هل من معني لنا دون حواء
أنا كنت في بيت العزابة بسأل عن كسوة العيد وحاجات ذي كده والحمد لله
جبتها أمس وأول أمس كلها ومتي ما أسافر الخرطوم أأخذها معي إنشاء الله
اليوم نطرح موضوع مماثل له وهو الشيلة ومتعلقاتها
إبتداءً من أدق التفاصيل وحتي تفاصيل التفاصيل
قولة الخير
موية رمضان
الكسوة (للأعياد)
مستلزمات الحبس للعروس
شيلة الهدوم
شيلة الريحة
شيلة الأكل
سد المال
الشبكة
المهر
الكوافير
وباقي منصرفات الأعراس بالارقام والجنيهات
الزواج العادي أو البسيط
العرس المتوسط
الزواج البوباري والمبالغ فية وممكن نقول المكروة عديل كده
لذا أرجو منكن المشاركة وحتي من الأخوة أيضاً المشاركة لأهمية الموضوع
ومساهمتة في تنوير الكثير من العزابة عن تكاليف وعادات الزواج وترقيبهم فيه
أبدأ ترغيبهم بقول رسولنا الكريم في معني حديثه :
تكاثروا تناسلوا فإني مباهيٍ بكم الأُمم
صلي الله عليه وسلم
للأهمية أرجو الحرص علي المشاركة
والله لايضيع أجر من أحسن عملا
...

اخونا ابراهيم موضوع جميل وهادف كما هو حال كل مشاركاتك والنبي الكريم قال فيما صح عنه ان هناك ثلاثة كان حق علي الله عونهم ومنهم الذي يريد العفاف بالزواج وانا اقول عن تجربتين لهما ثالثة باذن الله ان الزواج يسير علي من يسره الله عليه فقط تقدم عليه بصدق وجد وتري من الله الاعانه الواضحه التي لا لبس فيها ويتم الزواج افضل مما تريد ( ومن يتق الله يجعل له مخرجا ويرزقه من حيث لا يحتسب) وطلب الزواج هو طلب للتقوي لان فيه العفاف فنصيحتي لمن اراد الزواج ان لا يخاف من امر التكاليف لان الله وعدبالاعانه والله لا يخلف الميعاد

الاخ ابراهيم لك التحية والاحترام والتقدير واشكر اخي عثمان علي الرد ورمضان كريم تصومو وتفطرو علي خير
حقيقي الموضوع جميل وهادف ودي ايامو لان قبل رمضان كان في مشاكل تقيلة حول مويات رمضان البودوها لي اهل العريس واي مرة عندها اولاد بتشجع الموضوع ده وانا طبعا لاني عندي بت فانابشجب وبعارض اي تكاليف ما عندها معني تعيق الزواج ومن انصار تقليل تكاليف الزواج المشكلة ما في البنات المشكلة في الامهات البعتبرو دي مسائل مهمة جدا وفي العيد تاني يرجعو اهل العريس اضعاف من الودوهو اهل العروس بالطريقة دي الميزانية بتاعت العرس كلها ح تمشي في كلام فارغ ويتاجل لاجل غير مسمي لحدي ما البت تعجز يمشي العريس يشوف وحدة تانية ههههههه
الاهل حقو يرجعو لقول الرسول صلي الله عليه وسلم 0أقلهن مهراً أكثرهن بركة0

ام وئام كتب:: الاخ ابراهيم لك التحية والاحترام والتقدير واشكر اخي عثمان علي الرد ورمضان كريم تصومو وتفطرو علي خير
حقيقي الموضوع جميل وهادف ودي ايامو لان قبل رمضان كان في مشاكل تقيلة حول مويات رمضان البودوها لي اهل العريس واي مرة عندها اولاد بتشجع الموضوع ده وانا طبعا لاني عندي بت فانابشجب وبعارض اي تكاليف ما عندها معني تعيق الزواج ومن انصار تقليل تكاليف الزواج المشكلة ما في البنات المشكلة في الامهات البعتبرو دي مسائل مهمة جدا وفي العيد تاني يرجعو اهل العريس اضعاف من الودوهو اهل العروس بالطريقة دي الميزانية بتاعت العرس كلها ح تمشي في كلام فارغ ويتاجل لاجل غير مسمي لحدي ما البت تعجز يمشي العريس يشوف وحدة تانية ههههههه
الاهل حقو يرجعو لقول الرسول صلي الله عليه وسلم 0أقلهن مهراً أكثرهن بركة0

الله اكرم وانتي بخيريا راقيه ويا ريت يرجعو لانو الرجوع للحق فضيله

والله يا اخوانا التفاصيل القلتوها دي بتقوم النفس وبتخلي الواحد يفكر مليون مرة قبل مايجيب سيرة العرس في خشمو ساي وبصراحة الزواج في السودان بقى مخييييييييييييييييييييييف ومرعب جدا والايام دي الدهب طالع السماء لكن الله في