هل يمكن ان ترضي المراة

مركز تسوق الأزواج





تم افتتاح مركز تسوق للأزواج في دالاس حيث يمكن للسيدات الذهاب واختيار زوج من بين مجموعة كبيرة من الرجال





المبنى مكون من خمسة أدوار كلما صعدت للدور الأعلى كان الرجال أفضل في الصفات و المميزات





القاعدة الوحيدة أنك لو فتحت باب أي دور من هذه الأدوار لابد أن تختار زوجا أو تصعد للدور للأعلى ولا يمكنك الرجوع مرة أخرى .. النزول يكون للخروج بلا عودة فقط





فذهبت صديقتين الى المركز لاختيار زوجين





الدور الأول عليه لافتة تقول الرجال هنا لديهم وظائف محترمة و يحبون الأطفال فقالت الفتاتان لبعض: حسنا هذا أفضل من الا يكون لهم وظيفة أو الا يحبوا الأطفال

ولكن لنر ماذا في الدور الأعلى





الدور الثاني عليه لافتة تقول

الرجال هنا لديهم وظائف بمرتبات عالية .. يحبون الأطفال .. و في غاية الوسامة

قالت الفتاتان .. ممممم .. ولكن ماذا في الأعلى؟





الدور الثالث عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت

قالت الفتاتان : وااو .. رائع .. ولكن ماذا قد يكون في الأعلى ؟





الدور الرابع عليه لافتة تقول

الرجال هنا لديهم وظائف بمرتبات كبيرة .. يحبون الأطفال .. في غاية الوسامة و يساعدون في شغل البيت .. و في غاية الرومانسية

قالت الفتاتان : يا الهي .. تخيلي ماذا يكون بانتظارنا في الدور الأعلى

فصعدتا الى الدور الخامس

وجدتا لافتة تقول :

لا رجال هنا و هذا الدور فاضي و موجود فقط لإثبات أنه من المستحيل ارضاء المرأة ..

عفوا....منعا للالتباس انا لا اعمم..
مع تحياتى

الاخ كريم نشكرك على اختيار المواضيع التى فيها طرفة
وفعلا القناعة كنز لا يفنى000000
بس انا اشووف ان الحريم ال ما عاجبهم مواصفات الرجل في المبنى كله

يكوون خروجهم من أعلى دووور زحلقه

عشاان يبطلوووو طمع ههههههههههههههههههههه

عاد نحن ياكريم ماالحيطة المايلة يعنى حسة حركة الاختيار دى والتطلع للاحسن مابتحصل للراجل؟

حسة كان قالوا فى وظائف (مش زوجات) وظايف وكل واحدة فيها تحقيق طموحات ومغريات احسن من التانية مش بتقول ياخى كدى نشوف ديك

يمكن تكون فىها ميزات احلى تذاكر مجان وعلاج و و...و بامانة مش كنتوا حتتطلعوا للاحسن؟ ولاحلال ٌ عليكم حرام على الغلبانات.

تانياً ناس الزحلقة ديل باقول طبعاً انتو قلتو قبل كدة كتير انهن بيفكرن بدهاء , اذاً الذكية منهن تعمل روحها متزحلقة وتجى نااااااااااااااازلة وتعمل روحها اتعترت

واقرب رجل قدامها تقبض فيها وتحلف تقول ياااااادووووووووب انا طالعة لسة ماوصلت للاعلى لكن لقيت المطلوب وبس تكنكش فى هذة اللاقدام بعد دة شختك بختك احسن

مما تمرق صفر اليدين,,,,اها فكرة جهنمية مابتغلبنا حاجة وفى طرق كتييييييييييييرة لاصابة الهدف.

الاخ اسماعيل تفاديا لاقتراحات الاستاذة نعمات يكون النزول من الدور الخامس حدف (جدع ) عشان النزول يكون على البوز

استاذه نعمات
يعني اشرحي لي
عريس وسيم ، راتب جيد ، رومانسي ، يحب الاطفال ، يساعد في شغل البيت ........... تاني ناقص شنو عشان تطلع الدور الخامس
الا يمشي يقش بيت ناس امها
ههههههههههههههههه

لالالالالالالا العفو ياكريم لية يقش البيت حاشى علية من كدة ,,,هى زااااااااتها كان قبلت بوضع زى دة

تبقى مرة غير صالحة لابقاء عقد الزوجية ,لكن بس كان يزيدو فى المواصفات حاجتين بس وكلة يكون تمااااااام

انة يكون المرتب فى ايدها واهم من دة كللللللللللة العصمة فى ايدها , واللة بعد دة كان اتشالقت للخامس تكون دايرة ليها دفرة واحدة من اعلى طابق.

هههههههههههههههههههههههههههههههههههههههههههههههه

نعمات الماهية والعصمة ديل ما في الدور الخامس ديل الا تطلعي السطوح وتضربك الشمس وبشرط يكو ن السطوح في الدور 137 وتعايني من فوق ويكون العريس واقف في الشارع وتشوفيهو قدر حبة السمسم من فوق ، وتقومي تمدي يدك ( طبعا المراة الخارقة) يدها بتتمطا ) وتمطييها من الدور 137 لحدي الارض وتسحبيهو من لياقة القميص وترفيعهو لحدي الدور 65 وتقوليو ليهو اناعايزة الماهية والعصمة والا حفكك من هنا وتقع للارض من الدور 65 ، يقوم يوافق وتقوموي تسحبيهو للسطوح وتعيشوا في تبات ونبات وتخلفوا صبيان وبنات.


بالله رايك شنو في القصة دي
مش حقو اشترك معاكم في قطرات من السطوح اقصد من ندى
ههههههههههههه
تحياتي واشواقي