الحاصل شنو يابنات الزمن دة ؟؟؟

هل الزي السوداني أصبح غاليا للدرجة التي تجعل الفتاة تتخلى عن الثوب السوداني وتلبس نصف متر لستر جسمها ومن أين تسربت الينا موضات
(أديني حقنه)الذي يكشف ذراع الفتاة حتى كتفها..؟
ولا النوع الإسمو (إظهار رقم) وهو أضيق من جسم الفتاة نفسها وده بيوفر حاجة بتاعت 30سم من القماش؟
وهناك آخر إسمه (فصل الدين عن الدوله) تطبيق علماني على جسد الفتاة بلوزه 35 سم واسكيرت جاري مع الواطه ليظهر ظهر وسرة الفتاة عاريا هنود ياناس ومالو لوشالوا من الجاري في الواطه وغطو بيهو الفوق و بطن السجم دي...!..
وواحد تاني في ظل حصار القماش يسمى(خارج عن الخدمه)و(مسكول)
وده أصغر من المسكول ذاتو
والله جنس بشتنه ولا الطرحه الاصغر من المنديل لو غطوا الراس ينكشف الصدر والعكس
وهاك يا مضايره وكبكبه في المواصلات يعاينو ليها في راسها تسحب الطرحه فوق ينكشف التحت الواحده بقت زي بتاع المرور
الحاصل شنو...؟؟؟
وبنحاكي في منو....؟؟؟
Basketball

التحية ليك والاحترام ابو موفق والله التوب ذي جميل ونتشرف بي لبسو وهو يزيد من جمال المراءة السودانية
بس هو ما عملي ابدا يعني مع الطلعة الكتيرة بكون مشكلة كبيرة بس الما بتلبسو حقو تلبس لبس محتشم وتستر ما امر الله سترو
وربنا يهدينا وبناتنا
مشكور ابو موفق

...
أبو موفق سلام
أسكت ساي وما خُفي أعظم
عباية بي برة وبي جوة يعلم الله
التياب زاااتا بقت خشوم بيوت
في تياب أخير تمش ساي وتكون مقتنعة بإنها ماشة ساي
وطريقة لبس التوب زاااتا خشوم بيوت شئ ربط وشئ جدع
وماتنسي الطرحة الإسمها عدم الوالي العاملة زي النملي الكُبار

ويا أم وئام التوب في كثير من الأحيان عملي جداً لو لُبِس بطريقة
معينة وإتملي دبابيس ويا حبذا لو كانت دبابيس مشبك
عشام النسوان دايماً حركاتم مازي الرجال بي سرعة وفجأة
والبقولو ما عملي قصدهم كلو مرة يحتاج لتصليح وكدة ( عليكم بالدبابيس )
...

مشكور اخي ابراهيم واختي ام وئام لكم التحية ان الثوب هو رمز نساء السودان يعني اي حد يشوف التوب يعرف انودي سودانية بس المشكلة مافي التوب في الاستايل الجانا علي عادتنا وربنا يكفبنا شر خلقو ولكم التحية

» شنو الحاصل شنو الحاصل شنو الحاصل ؟؟؟
» الحاصل شنو ؟
» ود الحاج + ادريس ( الحاصل شنو )
» الحاصل شنو يا ياسر عدوي
» يابنات وصفه مره حلوه