الاخوان فى دبى والسودان

اخوانى الافاضل فى دبى والسودان وكل انحاء العالم الاول والتانى والثالث والربع اذا كان فى رابع
منذ ضهرين او اكثر والاخ عبد الوهاب وهبه العزيز غايب عنا
حسب كلامه انه راحل لمنزل اخر فى سهر 8 ولكن المدة طالت وهو عنا غايب مما دعانى ان اتصل به هاتفيا اليوم لكى اطمئن عليه وللاسف لم برد
ارجو من الاخوان ان يسألوا عنه ويفيدونا عن اخباره وليه قاطع منا
جزاكم الله خيرا

الاخ الحبيب سامي اولا كل عام وانتم بالف خير والله ياسامي كتر خيرك وانا اليوم والله كنت عايز اكتب نفس الرساله لكن انشغلته و اضم صوتي لصوتك انشاالله المانع خير ربنا يطمئن عليه تسلم سامي .احاول اتصل عليه واطمئنك او نع طريق ناس حموه انشاالله

ربنا يطمنا عليهو ويرجع لينا بالسلامة انشاء الله وفعلا غيابه قد طال انشاء الله يكون المانع خير وانا ساحاول الاتصال به

الأخوان سامي وفخري والأخوان والأخوات في المنتدي نيابة عن أخونا عبد الوهاب أبلغكم بعودته قريبا الينا وابلغني ايضا بان اوصل تحياتي لكل الاعضاء في المنتدي فردا فردا فتقبلوا تحياته - وذلك بعد ان قمت بالإتصال به اليوم وهو بصحة جيدة جدا والحمد لله لكن ظروف الانتقال من سكن الي سكن حالت دون تواصله معنا ونقول له تشرف المنتدي في اي وقت وله ولكم التحية جميعا وادام الله بيننا المودة

الابن الرااااااااااائع جدددددددددددددداً مصطفى وكفى.

قدْرَكْ عاااااااالى قَدْرَكْ

ياسلام يازوق واللة لفتة مدهشة منك , ودة جد دليل على انك تحمل بداخلك شخصية الرجل الهميم وشيال الحمول دخرينا .

تسلم ويسلم اخونا عبد الوهاب وعتبة بيت مباركة يارب وجد ليك وحشة وربنا يجيبك بالسلامة .

اما الجميل سامى ( ماتندهشوا هههههههههه) فلة منا كل الشكر على هذة اللفتة الجميلة وربنا يديم المحنة بين الناس .

ان شاء الله دايما تامّين ولامّين .

تسلمي استاذتنا الرائعة دوما نعمات علي الكلام الذي اعتز به كثيرا والمبادرة كانت من اخونا العزيز جدا علينا سامي وبعدها قمت بالاتصال باخونا عبد الوهاب ربنا يديم بينا المحبة جميعا
اخونا ابو عبده امين انشاء الله وزي ماقلت انشاء الله تامين ولامين

الأخ سامي وجميع من في المنتدى كل عام وانتم بخير وجات متأخرة لأني كنت في السودان ووصلت أول أمس وتحياتي ليكم جميعاً بدون فرز ويا أحمد كبتن والله الفطور كان حاجة غير لكن حمادة سيد استعجل في الصورة وما أجمل فطور العيد وفطور رمضان في السودان وأنا لي عشرة سنوات ما صادفت رمضان في السودان ..... لكن حاجة تمام ..

موضوع: احبتى الخميس 23 سبتمبر 2010, 10:07 am

السلام عليكم جميعا الشكر كل الشكر اخى مصطفى عباس الشاب الهميم
ما هى الا سويعات من كتابتى النداء وبعد ان فرغت من صلاة العصر وقبل ان اقوم رن الهاتف
واذ ا اجد المتصل الحبيب الغالى وهبة يطمئن قلبى ان هو واسرته بخير ويقول لى مصطفى عباس بعد كتابتى البوست فورا اتصل به
والله هذه المحبة الصادقة لن تجدها فى اى منتدى اخر
شكرا وهبة وارجع تعال شكرا مصطفى شكرا الغالية نعمات شكرا مجدى
الشكر لكم جميعا وربنا يدوم المحبة الصادقة بين الجميع

جماعتنا فى الخليج يقولون هلا وغلا ونحن نقول حبابك عشرة ود الحاج
الف حمد لله على السلامة وكيف الشجرة والاهل
وكيف جيل العمالقة على سيبل المثال لا الحصر
احمد الضو شفته فتحى ديم بلال عبد الكريم يا زول بلاش الاسماء بعدين تجيب زعل
منور المنتدى يا ود الحاج

العزيز/ سامي صراحة لم اقوم الا بالواجب وكل ذلك كان بعد ان كتبت ندائك فلك التحية اجزلها وربنا يديم المحبة بينا جميعا واما بالنسبة لسؤالك في البوست الاخر فانا الابن الاكبر وليس لي اخ اكبر مني -لك التحية وتقبل مروري

مصطفى يابوليس الامارات عايزين تلفون لاسامة صلاح

الاخ العزيز /حاكم عملتني بوليس مرة واحدة كدا هههههههههه انشاءالله بسعي فيهو بس هو ساكن في ياتو امارة ابوظبي ولا دبي وربنا يسهل تقبل مروري