الى من افتقدهم قلمى وقلبى

الاخوان والابطال الاعزاء جنودنا المراطين فى ساحات الروعة والجمال:-

Like a Star @ heaven

:

:star الابن محمود عبد الباقى الاخت ام الحسين الاخ محمد عبد العزيز عباس الاخ الثعلب ا
:staق

Like a Star @ heaven

الاخ ياسر عدوى الاخ سيد الدالى الاخ اشرف ترجمان الاخ بشارة الاخت ايناس
Like a Star @ heaven

الاخ عبد الوهاب احمد عبدة الاخ ود طاهرة
Like a Star @ heaven

الاخ عز العرب الاخ حاكم
Like a Star @ heaven

الاخ محمد عباس الاخ كابتن الاخ منتصر الرشيد
Like a Star @ heaven

الاخ الثعلب الاخ ابو عسجد الاخ امير الشباب الاخ نزار النور
Like a Star @ heaven

[[justify]

لهم جميعاً اهدائى على امل عودتكم االينا ولنعيدها سيرتها الاولى ....ندااااء رقم 3

غيابكم والزمن طول

اريت لو يجبر المكسور

تطلوا علينا زى اول

نشيلكم فوق رموش العين

محال الخوة تتحول

سماحة الكلمة لما تفوح

بمعنى الريدة تتاول

******

مكانكم ببكى دمع العين

زمان المة عشناهو

جمعنا الغاب وليه سنين

بذكرى الماضى جبناهو

نشاطر الاه كل حزين

ونمسح دمعة التاهو

وينو الليلة اشراقكم

دة كان فى شعرى شايلاهو

*********

بدوركم زى نجم ضوة

عشان الشجرة فى عيونا

بدوركم تبقوا زى قوة

نزيل العترة فى دروبنا

ونقيد الذكرى زى شمعات

علامة طيبة فى قلوبنا

وبدوركم تبقوا زى اول

وتبقوا السترة زى توبنا

**********
حلات الرجعة والايام

نزغرد بالفرح والفال

الاقيكم تعدلوا الميل

وترسموا فى خطى الاطفال

وننسى الفات ولوم الفات

عشان الشجرة شايلة جمال

وفيها الوالدة والاخوات

وفيها العم وفيها الخال

عشان نقدر نجيب الببكى

والفى الغربة اصبح ضال

تعالوا نطيب المجروح

نحسن نحن من الحال

واقول لكل بريدو يجى

واقول للفاتنا يلا تعال

بدوركم زى نجم ضوة

عشان الشجرة فى عيونا

بدوركم تبقوا زى قوة

نزيل العترة فى دروبنا

مشكوره يا استاذتنا الغالية ام رامز

حسن والله انا وأنت رحناشمار في مرقة

الاخوان الغالييييييييين حسن وابو العزائم:-

وحاتكم انتو فى الخاطر

سالت عليكم القمرة

قبل ماترحل وتغادر

تشيل ليكم سؤال منى

وشوقاً اصلو مافاتر

عشان انتو السمح والزين

بشيلكم عوزة لى باكر

ومانسيتكم وحاة ربى

وانتو المعدن النادر

ثمار الشجرة واوراقا

جذورا وغصنها الناضر

التحية لابطالنا الاشاوس لكم العتبى حتى ترضوا ..............كدة ياربى صافية لبن؟؟؟؟؟؟؟؟؟

يا ابو العزائم الراحوا شمار فى مرقة تسعة على عشرة من اعضاء المنتدى .

مش كده يا أبو عبده وإدريسو؟

ياااااااااااااللة يااخوانا يارائعين يا غاليين واللة انا زعلانة من نفسى جداً صدقونى انتو فى البال والخاطر وفوق الراس كمان

بس راعوا احساسى واخشوا عامل السن هههههههههههه الكبر حصل واللة سقطت الاسماء سهواً لكن انتو كما انتو وعذراً كل من سقط اسمه

ولم يسقط ولكنة اتخذ مكاناً فى القلب قصياً فصعب وصولى الية. والي مجدى وعثمان الاعزاء ولكل من تعذر على التقاط اسمة نسبة للجريان السريع فى مجرى الدم , اليهم

اقول:-

كيفن نسيت

نوركم شلع اعمى البصر

لا قدرت التقط الحروف

لاعرفت للاسماء اصل

ياناس عزاز ليكم مكان

خاتاه جنب نجمة زحل

انتو الاساس للناس ملاذ

ياناسنا من عمق الازل

واللة غيرمقصود خطأ

ليكم مكان جوة المقل

ياصفوة الناس الحنان

ياقبلة للسافر رحل

يادفقة للشجر الوريف

يالديمة لى اجمل اهل

اها تانى منو ياناس واللللة العظيم مابافتر ( قولوا ماشاءاللة بس) بس زول يزعل مافى كله ولا زعلكم يلا دة كلام سمح بيطلع الناس علينا وبيعجب اللوم البيجيب الحبايب ههههههههه . تسلموا يارب.

الاخوة الافاضل
بعد كلام الاخت نعمات والكلام للجميع الذين سقط اسمهم سهو والكل
اعتقد المفروض الاخت ايناس تفتح الراكوبة وترش الموية وتظبط الشاى وتكون جلسه اخوية تعيد للمنتدى ايامه الاولى
الريس ياسر وين اوامرك وفخرى الايام دى مشغول المدام تظبط فى الاكل والمويات وهو ناسى المنتدى اديه سلك خليه يصحى

ورجعت أكتب من
جديد ...
إحساسي بالروعة
وأعيد ...
أجمل كلام من
أولو ...

شاعرتنااا الرااائعه (نعمات محمد صالح) ... تسلمي يا غالية على سؤالك .... وكم إفتقدت حرووووفك كثيراً ... ولكنهااا الظروف التي داااااائماً ما تحول ما بين الأهل والأحباب عن التواااااصل ... ولكني كما عهدتك داااااااائماً ... قمة في التألق والإبدااااااع ... وأكثر ما يميز حروووفك الراااائعه ... هي سلاستها وبساطتهااا ... فتجبرنااا على الرضوخ طوعاً .... وهي تدقدق القلب بأروع العبارات ... فلك كل الود والمحبة .... صاااحبة القلم المتفرد ... ودي ومحبتي

عزيزى عاطف

اشرقت انوارك تشلع فى سماواتنا .......افتقدناك كثيراً فهلا طليت مرة اخرى ونثرت الدرر على طريقنا ؟

لك الشكر وكل الود مرحباً مرة اخرى.