محفورة فى الوجدان ذكرى عطرة ***** السوق التحت

سلام يا شباب ***
هو سوق نموزجي بكل ما تحمل هذه الكلمة من معني يعني مركز تجاري متكامل مع اختلاف الامكانيات تجي ما شي الصباح تخش البوستة ترمي جوابك وتشيل الجاك وتعمل توفير سندات الادخار تدخل دكان كوبيل تشتري الجير والبوهية وتخليهم مع المرحوم حسن تمشي تقيف لعلى وهو واقف شامخا يناول الخضار يمين ويسار تحاول تشترى الخضار قبل ما يكمل واللحمة من معتصم ولك الخيارات فى شراء الرغيف يا عبد الباسط او مضوى واخيرا محمد على مشيت لي حسن حربي فى دكانه الصغير نفخته العجلة واشتريت ليك شرك للطير جديد من دكان محمد صالح لانه حقك راح فى الغابة او شاله الثعلباتي وانت تشم راحة الطعام من مطعم عمك شربكوت لقيت بدر الدين محمد علي خال احمد كابتن اداك كم كيس حلاوة من المصنع لوزم الطبلية فى الحلة غشيت الطاحونة عملته خلطة الدقيق عند عم مصطفى بتاع الطاحونة على اساس انك حتجي تشيلها بعدين وهدوم المدرسة وبنطلون العيد عند جبارة الترزي وكالعادة ما خلصهم والله مشغول كدي تاعل لي بكرة مع الزعلة دي لا زم تغشى صدقي الله يرحمه وتضوق الباسطة اللسة بصنع فيها يا ولد ياخي ما تجي تشتري بعدين من السوق خلاص هاك من الكيك ده تناولت قش الغنم من عم ناصر غشيت نصر الدين حوته فى نادي الزهرة وهو يجهز الفول للعشاء طقيت الحنك وحملته اغراضك وما شي الحلة سريع محصل الفطور لانه صفارة الفطور ضربت فى الري الممكن يكون فى اي بيت من بيوت الحلة
أه نموذجي ولا لا لا لا لا
ود الري

يامنعم لك التحيه وانت تذكر عطماء في زمن جميل ومدينه جميله عرفنهم اباء لنا واخوان لكن هناك اسماء جميل قبل هولاء امشال الاباء المراحيم مضطفي شحاته وجلابيه العيد والاب احمد عبد المطلب عتيق الف رحمه ونور عليهم في دكانه والاب يوسف علي الجزار قبل معتصم والمرحوم فرح الشيخ وطاحونه الملح والشباب شغالين واحمد محمد البشير خليفه او احمد قرع قبل نصر الدين حوته في نادي الزهره والريس عوض عابدين الف رحمه ونور علي قبره واقف بتكلم مع مصري قبل ما يركب عريته المازده وعمك حمزه خفير البواسطه بيشاكل في المدرسه ياحبيب زمن جميل واباء لنا واخوان كانوا هم المدرسه الحقيقي لنعلمتا حب الام الحبيبه الشجره شوفته يامنعم لقيت واحد اعجز منك شويه هههههههههههههه تسلم اخي الحبيب لذكر اسماء في حياتنا حتي تظل ثابته غرست البذره الاوله لنا وعشبا ماتتمسح وتظل ثابته لك تحياتي واشواقي لك ولاسرتك .

. اهداء للاخ الحبيب منعم سعيد بخيت وانت تحي زكريات لاجمل مكان وشخصيات في الام الحبيبه الشجره