دخلتنا هجمة أمبارح لكن ربنا ستر

أبن خالتى / ابو عبدة

أول حاجة كدى خلينى أبداء بالناس الفوق ديل ما عاوز اذكر أسماء لان القائمة طويلة وخائف اتحرج وانسي واحد او وحده منهم لكن والله كلهم عزاز وغالين علي ويكفي انهم نبتوا من شجرة اصيلة تاتي أكلها كل حين , وصدقني يا ابوعبدة كانت لمداخلتهم ومشاركتهم لنا اثر طيب خفف كثيرا من الصدمة وصدقنى انا عرفت قيمة نفسي بهولاء النفر الكريم وزي ما قالوا المصيبة تبداء كبيرة ثم تبداء تصغر وتصغر حتى تتلاشي بفضل مشاركة الاخوان والاخوات ووقوفهم معك عكس الفرح يولد صغيرا ثم يبداء يكبر ويكبر فى داخلك وتعم السعادة الجميع هذه هي الدينا بافراحها واطراحها ولكن وقفة الاصدقاء والاخوان معك تخفف عنك الكثير والهم لما يتوزع على كافة الاخوان يبقى هين والفرح لما يتوزع بسعد الجميع وهذه الصفة الجميلة تكاد تكون حصيريا على الشعب السوداني الاصيل يحسدنا عليها كثيرا من الشعوب التى لا تعرف غير نفسي نفسي ويستغربون لماذا نحن السودانيين نجتمع بهذه الكثرة فى الافراح والاطراح والجواب بسيط لو انتبهوا لهذه الكلمات التى تعبر بصدق عن كل سودانى للشاعر الراحل المقيم اسماعيل حسن ,

بلادي أمان .......... بلادي حنان
وناسها حنان ... يكفكفوا دمعة المفجوع
يبدوا الغير على ذاتهم .... يقسموا اللقمة بيناتهم
ويدوا الزاد حتى كان مصيرهم الجوع
يحبوا الدار ...... يموتوا عشان حقوق الجار
ويخوضوا النار .... عشان فد دمعة
وكيف الحال كان شافوها سائلة دموع
ديل أهلي
ألاقيهم تسربوا فى مسارب الروح بقو كلي
محل قبلت ألقاهم معايا ,,, معايا زي ضلي
لو ما جيت من زي ديل ..... كان أسفاي ..... واماساتي ... واذلي
تصور كيف يكون الحال ...... لو ما كنت سوداني ؟
وأهل الحارة ما أهلي ..... تصور كيف ؟؟؟؟؟؟؟؟

هذه بعض من ابيات الشاعر الكبير اسماعيل حسن ياليتها تعبر عن ما اجوشة بصدق تجاهكم جميعا شكرا ابن خالتى / ابوعبده , على سوالك عنا والحمد الله كل شئ على ما يرام ومحمد بلغ الصحة والعافية ونسأل الله العلي القدير ان يبعد عنا شر الطريق وشر الحديد , ونسأل الله العفو والعافية

الاخ العزيز / مصطفى عباس

شكرا على مداخلتك للسؤال عنا وعن أبننا محمد أطمئنك بانه بلغ الصحة والعافية والحمد لله جاءت سليمه , درش مداخلتك ماجاءت متأخرة لكن انت متأخر عن بقية الاخوان فى مشاركتك يعنى تظهر مرة وتختفي شهور الحاصل شنو , لو المشغوليات كلنا مشغولين لكن لابده ان تجد بعض الوقت وتطل علينا , انت من الاوائل الذين تعرفت عليهم وكانت لك صولات وجولات فى بداية الموقع لكن يظهر عليك بقيت كسلان , ولا حصلت اخوانا محمد عباس ( القوز ) بالمناسبة أين هذا الرجل اختفى منذ فترة بالله عليك لو تعرف مكانه ادينا خبر عشان نعرف اخبارو , عزيزى درش لن اطيل عليك ولكن تأكد باننا فى شوق اليك ومعرفة اخبارك , شكرا مرة اخرى