روائع البوبار

[أثر التطور التقني في ظهور ممارسات بوبارية بدأت عندما ظهر الراديو الذي يعمل ببطارية ضخمة يعجز عن حملها الرجل بمفرده و(الأريل) يقف شامخاً بسطح الدار ينبئ القاصي والداني أن هنا في هذه الدار يوجد جهاز راديو.. ثم جاء عصر الثلاجات والتي كانت توضع في صالة البيت لزوم من يرى.. وحينما بدأ التلفزيون في بث إرساله أطلّ البوبار بالمفاضلة بين الابيض والاسود والملون..
وجاء عصر السيارات والدشوش .. وأصبح البوبار هو سمة العصر ( العندو ) و(الماعندو)..في الملابس واقتناء الذهب وديكورات المنازل.. والآن اصبح البوبار في استقدام الخادمات من شرق اسيا وغيرها
بالدين بالقروض بأي شكل..لا يهم.. فقط (عشان ناس فلان عملو كده .. هم مش احسن مننا)...
والغريب أن الظاهرة كانت لحد ما تقتصر على النساء إلا أن الحال تبدل الآن وأصبح الرجال ربما أكثر حرصاً عليها من باب(أنا لا أكذب ولكني أتجمل).. وطالت عمليات التجميل هذه ..المؤهل الدراسي !!.. والعمل..!!والمنشأ..!!.الخ..
ولم تسلم ايضاً الرياضة ...بالتكالب على مجالس الإدارات من أجل (الشوفونية) .. خاصة في الأندية المعتبرة.. وحتى الشركات التي تجلب الممثلات الأجنبيات للاعلان عن منتجاتها.. والموبايلات التي أصبح الغرض منها مظهرياً اكثر منه قضاء الأعمال الهامة والمستعجلة.. ولا تسأل عن البوبار في الزواج ..وبيوت العزاء والإعلان عنها بالصحف مع ذكر الابناء بأمريكا وكند1 واستراليا ..والأقرباء والمعارف من الوزراء والمسؤولين.....الخ
وقديماً قالوا( البوبار .. والسكن في بيت الايجار).. وفي ذلك ابلغ تعبير

حكاية ختامية

آلو سوسو؟ كيفك امبارح مشيتى السوق؟ نص عمرك ضايع طقم عشاء يجنن يجنن! بألف ريال والله ما عارفة اختو وين! حتى البلكونة مليانة اتخيلي! بس لازم استعملوا قبل ما واحدة تجيب زيو تمسخو علي!! إحسان ؟ملايات وتياب من دبي؟ ليه ما ضربت لي ليه ؟شفتى الخاتم الإكسسوار اللابساه؟ يجنن اسمعى انتى بتكركبي كده بتعملي شنو؟ طبيخ شنو ! الأكل الجاهز مالو ؟ لذيذ ومامكلف بالمناسبة جيمي قال يومتا اتعشى عندكم بفول لذيذ كده جبتوهو من وين ؟ عملتيه براك ؟ كيف يعنى شديتيهو في البيت؟ طيب انتي جايه من السودان ليه ؟ أنا ؟ برى برى ! لكن عندى جارتى بلديه بشكل !جنها ويكة وقراصة وعصيدة بالله كأنها لسه لسه في السودان اسمعى الظاهر جيمى جاء يلآ باى
لمياء: هاي جيمي
جمال: هاي ليلا
لمياء : طلبت لينا للغداء شنو الليلة مشويات؟
جمال :لا رز
لمياء :لا لا ما ممكن! انت عارف أنا ما بحب الرز 000عشان الرجيم وكده
جمال: ده شنو ده البيت ده مقلوب كده ليه؟
لمياء: الشغالة ما جات 0000ووب علي يا جمال ضفري اتكسر!
جمال: يا حرام ضفرك اتكسر ؟ والله دى عين
لمياء: يخس عليك ما تسخر منى
جمال: أسخر منك كيف يا ليلا انا برضو ضهري اتكسر
لمياء: يخس عليك ليه بتقول كده انت الليلة ما عاجبنى كلو كلو
جمال: عارفه ليه ؟ أنا خلاص سعودوا وظيفتى وأدوني خطاب انذار ولازم أرجع السودان خلال شهر
لمياء: لا .. لا .. لا ما ممكن سودان شنو؟ غبار وحر وقرف لا لا ما ممكن استحالة يا جمال استحالة ولا أنا ولا اولادى بنقدر نعيش في السودان
جمال: ما بتعيشوا في السودان ليه ؟ انتو أحسن من الناس العايشين هناك
لمياء: لالا ديك ناس اتعودوا على الدردرة لا لا انا خالس ما بقدر
جمال: يا لمياء ده الامر الواقع كده حاولي ستفي العفش ده شوية شوية وخلينا نبيع باقي الحاجات ونتوكل على الله
لمياء : استف العفش ؟ اودي وين ؟ بيت ناس امك ؟ والا بيت ناس امي؟ووب علي يا جمال نحن حنقعد وين ما نحنا ما عندنا بيت

تسلم ابو موفق علي الموضوع الجميل

تسلم ياعزو علي المرور وتقبل هذي الهدية
واحد شين شناتو مره اسمو بله قام اتزوج واحده ولدت ليهو ولد طلع اشنا منو الولد شين شنا مبالغ فيها ايى واحد يعاين فيهو يقبل منو كدا فى واحد مسطول جارهم قال لابوه سميه ( زاد الطين) طبعا ابوه اسمو بله