كلمات اغانى عصام محمد نور

زائر

ما ترحلي ..

ماترحلي خليك معاي
لو ترحلي بزيد أساي
خليك هنا جنبي وحِداي
******
اتصبري وحآ تقدري وعشمك هواي
بس فكري وراح تعرفي انك جواي
انو الزمن رغم المحن ذاب غناي
******
عشت الشجن لمن بكن عينيك معاي
اتمهلي وشيلي الامل
اتحملي انسي الحصل
******
بهديك صباي
اتذكري وعشان هواك حآ تفرحي
و حآ تقدري ويتم مناي

زائر

يا روعة

ياروعة لو عزّ اللقاء فرقنا يا حلوة القدر
دي الروعة قاسم مشترك مابين وجيهك والقمر
******
بيناتنا مشوار من وفاء ومطبوع علي القلب الشفيف
أنا شلتو ريدك يا مناي داريتو في قلبي الرهيف
******
وفردت أشرعة الخيال لدنيا ماطلاها زيف
ومشيت على شط الهوى وصابر على المد العنيف
******
وأنتي الملذ لو غبت يوم أشواقي عنك بيسألو
ما نحنا والشوق والزمن جور الحبيب ما بنحملو
******
عشان نعيد خيط الأمل لازم جفاك نستحملو
ونرجع الماضي البعيد ومشوار هوانا نكملو

زائر

إعتذار ..

تعذرر لي .. لازمو إيه الاعتذار
إنتي القمر و إحساس نبيل
إنتي الفرح وشعور جميل
إنتي كل الاقتدار ..

******
ما تندمي ..
يا ما قبلك ندمن كم بنات
ما تحزني ..
عيشي بكرة وأهجري الزمن اللي فات
راجيك انا وبي طال الانتظار
أنا في رجاك صامد صميد
وحاضن هواك ضاميه شديد
******
راجيك أنا برجاك هنا
برجاكي لو يوم أو سنة
وليك أحسه الانتصار
ما تندمي ما تحزني
أصلو الحصل تكراره مرّ
******
حرام أضيع كل العمر
أصلو الي فات أنسيهُ خلاص
بي ريدنا بنلاقي الخلاص
لابد نعيش في عش وريف
و أكون طريقنا الاخضرار

زائر

حلمي الجميل ..

ماكنت بأفتكر السنين زي أي زول بتغيرك
إنت القبيل أملت فيك قلبي الرهيف إتخيرك
راجيك يا حلمي الجميل تفرح معاي متصورك
******
عملت كل المستحيل رغم الظروف ما أفقدك
ورحلت لآخر البلاد عشان أشقى و ألقى و أسعدك
صورتك في خاطري عليك دوام وأنا أصلو عمري اتعودك
******
جاييكي سايقني الحنين نتمنى تجمعنا البلد
فردت لشوقي الشراع أفراحي ليك ما ليها حد
تلقاني لسه في رجاك حبي يا دوبو اتولد

زائر

[size=25]يا نسايم ..

يانسايم الفرحه هبي رددي الشوق ياشوادي
قولي للغيمه المسافره قبل ترحل تمشي غادي
نحنا مشتاقين وحاتك لي ملاك بي طبعو هادي
******
روعة الريد يانسايم لما تتلاقي الايادي
العيون تتشابى بسمه تحمل الريد البشابي
نزرع البهجه في قلوبنا في خديده ويا منادي
******
يانسايم يلا امشي انتي عارفه براك عنادي
روحي للشال نوم عيوني احكي ليهو بي سهادي
قولي للزول البريدك في رجاك لسع بنادي
******
اصلي خايف الشوق يطول ما خلاص كملت زادي
يوم افارق نور عيونك والدموع تصبح مدادي
احكي للنجمات عذابي والفراق في عيوني بادي

[/size]

زائر

مهاجر ..

أصلي من دنياك مهاجر لمواني بعاد ضفافه
زادي ريدك والأماني رعشة الشوق والمسافه
******
ياما عز الشوق رحلنا لمرافي ملآنه إلفه
وعشنا يا وهج المشاعر بهجة عطرناها عفة
******
هسه يا أشواقي جينا زي تقول ما بينا عرفه
لما أرحل من عيونك بيفضح الشوق سر شقايا
******
ألف خاطر في الدواخل يحكي عن مشوار هوايا
إبقي مستنيك وصابر مستني ريده بلا نهاية

زائر

الريد المثالي ..

عشت ياريدي المثالي
ياعطر فاح في سنيني جدد ايامي الخوالي
ماغريب يأسرني ريدك يبقي رسمك في خيالي
لعيونك والمحنه من زمان شديت رحالي
لا برح طيفك منامي لا معاه غيرت حالي
******
نفحه انت مع الزمن غالي فوق كل الغوالي
اودعك جوه الحنايا
قصدي اتوحد معاك تبقى في الانفاس معيا
******
غنوة في شكل احتفالي
كل ما عادتني سيرتك شوقي يصعد للاعالي
تبقي لقياك في الهواجس ونغمه في وتر انشغالي
واسالك ياسر حروفي انت كان مالك ومالي
خيط مشاعرك لي غزل في الحرير احتل بالي

زائر

زمان الفرقة ..

يا زمان الفرقة روح يا جراح الحرقة أبري
بالعذاب العشتو طول بالصبر كملت صبري
******
يازمن ما تزيد عذابي أرحم القلب المعنّى
بدل الدمعة ابتسامة والجحيم خليه جنة
******
خلي ريدك يطل ديارنا سوي في قلبك محنة
الحبيب الشلتا ريدو قلبي ليهو اشتاق و حنه
******
يازمن ما تبقي قاسي تجرح احساسنا المثالي
نحنا عنوان للأحبة فيها عهد الريد غالي
******
خلي من فرحك مصيرنا اسعد ايامنا الخوالي
الحبيب العشت ريده سيرته بين الروح و بالي

زائر

إنت ما زولي البعرفه ..

إنت ما زولي البعرفه الملك بالطيبة قلبي
حتي كان اسرني ظرفه
والغرام معناهو واحد مابيخفي عليك وصفه
******
والحنان بالروح مجاوز عمرو ماتجاوزنا حرفه
ديمه نخلص في المشاعر كل إحساس ليهو حرفه
هو البيمنحنا السعاده هو البيملى علينا ظرفه
******
نحنا مهما يجور زماننا ما في زولاً لينا بجفو
او نلاقي عزيز علينا زي كأننا ما بنعرفه
إنت فوتا براك مكانك في القليب الكنت إلفه
******
سبتو في غمرة حماسو ببني فيك اماني عشه
وفجأه دون اسباب رحلت رحت تغدر بيه تغشه
كنت ما صادق في حسك والخجل تتواري خلفه
******
اقسي ما في الدنيا قلبي يبقي ظلماً يلقي حتفه
زي غرق في الريح نسيبه قشه فوق الموجه يطفو
برضو يغفر ليك يسامحك اسأل الله عليك لطفه

يا سلاااااااام عليك يا بابكر والله ذوق راقي جدا اختارك المبدع المرهق عصام محمد نور

زائر

https://alshagara.yoo7.com/montada-f4/topic-t2887.htm

يا ام وئام انتى زوقك الراقى واحاسيسك المرهفة لانك بتعرفى تقيمى الشعر الجيد والفنانين المبدعين زى عصام محمد نور

» نعم من زار كلمات خالد المصطفى اداء عصام محمد نور
» عصام محمد نور
» شــيه جمر في الراكوبه
» عصام وفرفور ومنتصر - عقد اللولي
» الاخ العزيز ابو وجيدة عصام