مابعد الانتخابات ( تقول لي احسن السيئين)

فاز المؤتمر الوطني بالانتخابات باكتساح واضح وبلا منافسه تذكر كما توقعنا فاصبح واجبا عليه ان ينفذ ولو جزء مما رفعه من شعارات ولكن هيهات فقدكشرت الحكومه عن انيابها وعادت لمسلسل التفنن في الجبايات واليوم شاهدت منظرا دمعت له عيني في السوق التحت في الشجره لقينا في نص الورش عربيةشرطه بترفع في العمال (الغبش التعاني) الشغالين في الورش سالت العسكري الحاصل شنو ياجنابو الناس ديل قتلو ليهم زول ولاحراميه ولاببيعومخدرات ولا الحاصل شنو جريمتهم شنو بالظبط قال لي جاتنا تعليمات من فوق خالص انو اي عامل اومعلم اوشغال اي حاجه في (سوقنا ده ) لازم يدفع 15جنيه نقطع ليهو بيها ايصال بعدكده يجي القسم يكمل باقي الاجراءات ويستلم بطاقتو عشان نحنا نكون عارفين كل الناس الشغالين في السوق ده عشان لو حصلت حاجه في السوق نكون عارفين الزول العمل الحاجه ده شغال مع منو بالضبط انا اوجه رساله الي اخي العزيز جنابو اسامه فيروز ليفسر لنا مايحدث ويحاول تغيير هذا الظلم الواقع علي شريحه كادحه عفيفه