مساحة خاصة لشمارات ناس الشجرة بالرياض والدعوة للجميع

شباب المساحة دي خاصة بكل مواضيعنا ناس الشجرة بمدينة الرياض دايرنها ساحة شمار كاربة

اول خبر
عودة العريس وسام الدين الاخضر بعد اجازة الزواج من السودان والتهنئة موصولة ليه عبر المنتدى وبيت مال وعيال
وبعده تبكي بس

يا اخوانا الشباب الغابو عن يوم الاستراحة الشهري نرجو عدم التخلف مره اخرى
ولا يفوتكم الشهر الجاي شهاب شعبية متبرع لينا بي فنان بي عود والدعوة من هنا لي عادل طه في الشجرة

يا اخوانا الشباب الغابو عن يوم الاستراحة الشهري نرجو عدم التخلف مره اخرى
ولا يفوتكم الشهر الجاي شهاب شعبية متبرع لينا بي فنان بي عود والدعوة من هنا لي عادل طه في الشجرة
شكرا لك اخي الصغير اشرف لكن شماراتك ما كده

اما بخصوص دعوتك والله انا جاهز بس رسلو الزيارة والتزاكر وتحياتي للمجرم شهاب شعبية وقول ليهو فنانك ده منو ؟ اوعي يكون .....؟؟؟؟

اشرف ترجمان كتب:: شباب المساحة دي خاصة بكل مواضيعنا ناس الشجرة بمدينة الرياض دايرنها ساحة شمار كاربة

اول خبر
عودة العريس وسام الدين الاخضر بعد اجازة الزواج من السودان والتهنئة موصولة ليه عبر المنتدى وبيت مال وعيال
وبعده تبكي بس

والله يا أشرف لقيتك أساسي .. شماااااااااااااااااارات عديل كدا.... Basketball

وعبر هذه المساحة .. أزف التهاني القلبية للعزيز الغالي وسام بمناسبة زواجه الميمون...
وأتمنى له حياة زوجية سعيدة بإذن الله تعالى

شكراً الأخ العزيز أشرف ترجمان على هذه المساحة...
والتي أتمنى أن تكون حلقة وصل لمزيد من التواصل بين أبناء الشجرة والحماداب بمدية الرياض

والله يا اخوانا اخونا معتز عوض ( كرتون ) الرجل القامة ليه التحية قالوا بعد ماسافروا الاولاد الزول بقت حالتوا صعبة وزهجان عشان كده دايرين نعمل الاستراحة اسبوعية عشان نونسوا
هههههههههههههه

عادل طه محمد طه كتب:: يا اخوانا الشباب الغابو عن يوم الاستراحة الشهري نرجو عدم التخلف مره اخرى
ولا يفوتكم الشهر الجاي شهاب شعبية متبرع لينا بي فنان بي عود والدعوة من هنا لي عادل طه في الشجرة
شكرا لك اخي الصغير اشرف لكن شماراتك ما كده
اما بخصوص دعوتك والله انا جاهز بس رسلو الزيارة والتزاكر وتحياتي للمجرم شهاب شعبية وقول ليهو فنانك ده منو ؟ اوعي يكون .....؟؟؟؟

اخونا الغالي عادل طه السلام ما مشكلة بنوصلوا لكن عليك الله الفنان النقط نقط ده منو والله شعبية ده منو خوف

الرسالة دي لاخونا بشارة العامل مشغول ديما تقول كلنا عطالة ياخي ما معقول نعزمك للاستراحة وانت عضو اساسي والله الكلام ده عيب بالله لازم وجودك الشهر الجاي اول جمعة في الشهر الميلادي وما تخاف اول مره ما بندفعك الشيرنق

--------------------------------------------------------------------------------

الرسالة دي لاخونا بشارة العامل مشغول ديما تقول كلنا عطالة ياخي ما معقول نعزمك للاستراحة وانت عضو اساسي والله الكلام ده عيب بالله لازم وجودك الشهر الجاي اول جمعة في الشهر الميلادي وما تخاف اول مره ما بندفعك الشيرنق

يا كباية انت بس تامر والله لكن بطلع من الدوام الساعة 12 بالليل

لكن ولا يهمك نحن جاهزين

اخي العزيز بشارة اشكر لك استجابة الدعوة وانا متاكد بس اول جيه مع الاولاد والمرضة حتمسكك زينا صدقني يوم بيكون رائع بتشوف فيه كل الناس اللي ابعدت عنهم ظروف العمل وماقدرت تزورهم ده غير الحريم شفنا منهم تواصل رهيب والاطفال وهم اهم حاجة والله لمن تشوفهم بتعارفوا بالاسم والشافع المنطوي في نص الشقق بيتفاعل مع اخوانه صدقني حتشكرني اني اتذكرتك واصريت عليك انك تجي نحن ناس الشجره والله باعلى صوت اقوله نحن عنصريين وعندنا غيره على بعض ونتفرز وسط الناس بترابطنا انا مثلا سكنت بره الشجره لفترة تجاوزت العشرة سنوات لكن كل العلاقات الممتده والناس الاتواصلت معاهم والبلجد بنسجم معاهم كانوا ناس الشجرة والمنتدى اكبر دليل على ذلك لما اكتب وبشارة يرد على بدون حواجز
لك التحية بشارة واتمنى انك تعزم على الامر وتكون معانا وما تتخلف