<< فى الســـلك (بابكر سلك) الحــق يافرجانى10/5/2010 >>

في السلك .. بابكر سلك



• الاسماعيلي للامانه فريق ضعيف

• ضعيف لما ما قادر يقيف

• لكن حظو السمح رماهو في الرهيف

• الرهيف الماحريف

• الكونفدراليه زاتها ماضمان

• في منازله رايح جاي

• زي حقت الاسماعيلي دي

• حتي بعد داك يجي التأهل

• الكونفدراليه قايلنها هينه ليكم ؟

• واحد امس قال لي يا ابو نقطه

• قلت ليهو ابو نقطه يعني شنو ؟

• قال لي انتوا طلعتوا من الترجي بنقطه

• اها يافرده

• انتوا طلعتوا سااااااااااااي

• مولاي يا مولاي

• نحن يا اخوانا لعبنا كورتين ضد سانت جورج

• غلبنا في واحده واتعادلنا في واحده

• ولعبنا كورتين ضد الغزاله

• غلبنا في واحده واتعادلنا في واحده

• ولعبنا كورتين ضد الترجي

• اتغلبنا في واحده واتعادلنا في واحده

• يعني في سته كور غلبنا في اتنين واتعادلنا في تلاته واتغلبنا في واحده

• الجماعه لعبوا كورتين ضد الفريق السجمان داك

• غلبوا في واحده واتعادلوا في واحده

• وكورتين ضد الاسماعيلي

• اتغلبوا رايح جاي

• في الكورتين

• يعني في اربعه كور مغلوبين في اتنين

• يعني خمسين في الميه من عدد المباريات هزائم

• ابو سن انا ماعارف بضحك علي شنو !

• ده كلو هين

• القون التاني

• التاني خلوهوا شويه

• التالت واجعني اكتر

• الزول يمشي والناس تقع وتقوم وتقع ويستعدلها ويرجع خلف ويمشي قدام ويكسر يمين ويلف شمال ويقيف ويعاين في المرايات ويدخلها بين ارجل تلاته لاعبين

• يعني سته كرعين طواااااااال

• ياخ دي كوره ولا امتحان رخصة المرور !

• خلف ويلف ويقيف

• احرجتونا

• الزول اللابس مخطط قعد يبكي

• اتحرج وسط المصريين

• دخلتوهوا في اضافرينو

• اها

• نرجع للقون الاول

• الزول واقف برااااااااااااااااااهو

• ناسكم ديل قالوا ليهم في حظر تجول في الاسماعيليه ولا شنو ؟

• ياخ خليهو الاول

• التاني

• الزول يمشي وسامي ( بقي سامي الانتر ) يرقد والزول يشوت بالطرشا

• المعز يعتب

• العتب علي النظر

• تعتب لي شنو !

• اصلوا شات ليك شوكه

• لكن التالت

• فضيحه والله

• ياخ بتاع الاسماعيلي تقول سايق قندران

• لف بهنااااااااااااااااااااااااك

• واستعدل

• وجاكم

• اقول ليكم

• امبيلي ده استفيدوا منو

• حولوهوا كورة القدم الامريكيه

• يشيل ويجري

• ويشوتها ليك فووووووووووووووق

• دايره عراضات سته طوابق

• غايتو بالشفتو امس ده الكونفدراليه زاتها ببح

• من اسي قولوا مادايرنها ومابتشبهنا

• حلاة الحمام المحمص بالسمسم لما يتقزقز بالجوز

• الجوز في مصر تلاته فرد

• يلا

• بعد ده ناس روشا يتفرغوا لي زولهم

• مهند غايتو باقي علاج السيد والده الا يتموا من التأمين الصحي

• قال دفاع المريخ كعب

• يمين الزول الاستعدل في القون التالت ده غاسروكا كان لفخو ليك طلعو من الاسماعيليه

• كامبوس هليفه زاتها طارت ليهو

• اسلام ضحكت

• قلت ليها بتضحكي مالك ؟

• قالت لي ناس الاسماعيلي عملوا للهلال معاك الكاميرا الخفيه

• الكيشه قدموهوا ولحقوهوا وطيروهوا

• فرررررررررررررررررررر

• تجي طاير من مصر

• طير بقر انتوا ؟

• هجرة الطيور دي ده ماموسمها

• فررررررررررررررررر

• حمام الوادي

• حمام وادي النيل

• المكسب الوحيد علاء الدين راسو مالفه

• ياربي يكون اتعالج في مصر !

• لعبوا كورة طوييييييييييييييله لسادومبا

• قام جري حصلها

• بعد جاب قون

• المصري قال للباك اافل الراجل ( قصده اقفل )

• الباك قال ليهو مين فيهم !

• الثيردباك قال ليهو البادنجان يا غبي

• وانا اقول الراس ده شايفو وين

• بعد القون التالت صعيدي بحضر في الكوره في التلفزيون بتاع القهوه في سوهاج

• كورك لود عمو

• قال ليهو

• الحق يا فرجاني , حايقطعوهم حتت حتت

• ود عمو قال ليهو غلبوهم برضك ! بقت رايح جاي

• ود عمو قال ليهو رايح ده ايييييييييه ؟ هو جاي من اساسو لييييييييييييييييييييه !

سلك كهربا

ننساك كيف وكان الليله نكون برانا في المجموعات

والي لقاء

سلك
_________________