عشان بطنك ماتوجعك ياهلالابي ماتجي بي جاي

[أول نادي ينشئ نادي مكون من اربعة طوابق .

[ أول نادي يعمل طابق ثاني بإستاده (طابق شاخور)

[أول نادي يعمل ري حديث وعشب بمواصفات عالمية

[في الطريق
1/ المسبح الأولمبي .

2/ الوحدة العلاجية .( وحدة إيداهور لاصابات الملاعب) بنعالجكم مجان تعالوا ماتختشوا .

3/ الملعب الرديف (ملعب سامي عزالدين )
وفي البال رئاسة جمهورية السودان بس ساعدونا بالموية الباااااردة

نحنا كات مانشفنا ليكم ريقكم ده أصلو لسانكم ده مابدخل جوة

أها عندكم كلام تاني

شكرا ابو التومات الغريبة كل الاخوة الصهاينة عارفين الانجازات دي وحافظنها صم بس ناكرنها او معتبرنها حاجة عادية وليسانجاز سبحان الله

.

تأسس نادي الهلال السوداني في الثالث عشر من فبراير عام1930م،
ومنذ نشأته أصبح رائداً للحركة السودانية بضروبها المتنوعة،
وتمارس فيه شتى المناشط الرياضية والثقافية،ككرة القدم، السباحة، كرة اليد،بجانب كرة السلة،والملاكمة،والتنس بأنواعه المختلفة
،ويقول المؤرخون أن اختيار اسم الهلال جاء في جلسة مسائية لمؤسسيه، فجأة أطل عليهم القمر، وسطع وأنار موقع الجلسة في ليلة منتصف الشهر، واختار أحدهم أن يكون اسمه القمر، ورد عليه أخر ولما لا يكون هلالاً، وتم الاتفاق على الاسم الكبير الذي كسب بمرور الوقت حب أغلبية الشعب السوداني، وأصبح هتافهم الكبير، وهو أول نادي يطلق عليه اسم الهلال في الوطن العربي، وهذا يعني أنه رائد أندية الهلال في الوطن العربي.





من انجازات النادي ..




حصل فريق كرة القدم على كأس الدوري المحلي لولاية الخرطوم ستة عشر مرة، وكانت هي المنافسة الأولى في السودان،
ويمثل الفائز بها السودان أفريقياً وعربياً، وشعار النادي هو الأزرق الممزوج بالأبيض وفي وسطه هلال بارز.
وصل فريق كرة القدم إلى نهائي بطولة الأندية الأفريقية الأبطال مرتين عام 1987وعام 1992حيث خسر في النهائي أمام الأهلي القاهري بعد تعادله معه في الخرطوم،
وكان يدربه البروفيسور كمال شداد، الذي حل محل الأستاذ أحمد عبدالله،
والذي قاده إلى النهائي في عام 1992أمام الوداد المغربي بعد تعادله معه في الخرطوم أيضا.
ويعتبر استاد الهلال الضخم والذي يقع في قلب العاصمة الوطنية أم درمان،و هو الاستاد الأمثل من ناحية المعمار والحجم،
وسهولة الدخول اليه ، والخروج منه،لذلك أصبح الاستاد المفضل للمباريات الدولية والمحلية والقارية الهامة ، وتكون أول فريق لكرة القدم بالنادي من على عبدالله مبروك حارس للمرمى ، وعبدالله سرور، فتح الله بشارة، حمدنا الله أحمد، نمر الأمين ،أدم رجب دفاعاً ،وأمين بابكر، حسين شرفي، يوسف التني، وعوض أبوزيد هجوماً. حصل فريق كرة القدم على بطولة الدوري الممتاز، وهي أكبر بطولة في السودان ثلاث مرات منها مرتين متتاليتين، وهي بطولة حديثة تم تنظيمها قبل ثمانية سنوات، لعب الهلال أول مباراة باسمه بملعب حوش الخليفة بأم درمان في عام 1935م، وكان الهلال أول فريق يخرج من العاصمة ليلعب بالأقاليم، حيث سافر إلى مدينة الأبيض غرب السودان، و رافقته فرقة النادي للتمثيل حيث قدمت عروضها على مسرح كردفان، ويعتبر الهلال هو أول فريق سوداني يخرج خارج حدود السودان، فقام برحلة إلى مصر(القاهرة والإسكندرية)حيث لعب خلالها ستة مباريات كسب منها مباراتين وخسر مباراتين، وتعادل في اثنتين، وزار بعدها أسمرا عام1951، وأديس أبابا عام1954، والسعودية عام1957، وكان مدربه في ذلك الوقت المرحوم صالح رجب، وبعد تلك الزيارة تأسس فريق الهلال السعودي بالرياض. وفي الفترة من عام 1949 إلى عام 1965م لعب الهلال العديد من المباريات مع فرق أفريقية و عربية، وعالمية، هزم حماسين الإرتري بالخرطوم، وفاز على كلية حقوق القاهرة عام 1954 بهدفين مقابل هدف ، وعلى بانثياكوس اليوناني بثلاثة أهداف مقابل هدفين، وعلى الترسانة المصري في مباراة شهيرة بأربعة أهداف مقابل هدف، وعلى الميرا النمساوي، والأهلي القاهري في عام 1955، وعلى ريد استار الروسي عام1956، وذاع صيت الهلال بعد فوزه على نادي فاسكوديجاما البرازيلي في السابع من يونيو عام1963 بهدفين مقابل هدف، وللهلال سجل ناصع في هذا المجال، ويتحدث الهلاليون كثيراً عن زيارة فريق سانتوس البرازيلي للسودان في أواخر الستينات في أول زيارة زيارة للنجم العالمي بيليه للقارة الأفريقية بدعوة من نادي الهلال وانتهت تلك المباراة التاريخية بهدفين لسانتوس الذي يقوده بيلية مقابل هدف للهلال.

++ {استاد الهلال } ++















تم افتتاح استاد الهلال في الرابع من ديسمبر عام1965 في مباراة بين المنتخب الغاني الزائر والهلال انتهت بالتعادل بهدف لكل فريق، ويسع استاد الهلال لخمسة وأربعين ألف متفرج ..




اسامي في الذاكرة


في البداية الحارس العملاق سبت دودو .. الذي حمل العديد من الألقاب وعركته الميادين،

على قاقرين .. عزالدين الدحيش .. سليمان فارس .. حسن عطية .. ديم الصغير .. عثمان الديم ..دريسة ..

حبشي .. مصطفى النقر ..الريح كاريكا .. الفاتح النقر ..فيصل السيد .. اللاعب الفذ نصرالدين عباس جكسا ..

حافظ عبيد .. سمير صالح .. طارق أحمدأدم .. فيصل السيد .. أسامة الثغر .. تنقا ..حمد دفع الله، الديبة ..

ياسر الديبة ..ادوارد جلدو وهو من أبناء جنوب السودان .. و لعب للهلال أيضاً عبدالله موسى .. جميل ..

جعفر ضرار .. بكري عبدالجليل .. وعشرات النجوم الذين يحتاج ذكرهم إلى كتب ومراجع ..

احترف العديد من نجوم الهلال في أندية عربية منهم السد العالي سليمان فارس للأهلي القاهري ..

مصطفى النقر وعلى قاقرين للنصر السعودي ..الرشيد المهدية للزمالك .. عزالدين الدحيش لقطر ..

الفاتح النقر للأهلي القطري ..إبراهيم قلة للمقاولين العرب .. محمد حسين كسلا للنصر الإماراتي ..

والقائمة تطول أيضا ،كما احترف أسامة الثغر وومجدي كسلا للبرج اللبناني ، والريح كاريكا للأنصار اللبناني ،

عاكف عطا بقطر والسعودية ، صبحي للمقاولين العرب ، كندورة للشرقية المصري ، والي الدين محمد عبدالله في قطر القطري،

مجيب الرحمن في الاتحاد القطري ، إبراهيم عبدالله الشهير بوليم بالقادسية القطري ،

بهاء الدين الله بالهلال القطري ، أنس النور بالاسماعيلي المصري، والقائمة طويلة . و احترف عدد من لاعبي تنس الطاولة بهولندا مثل أسامة ومحمد بكندا











--------------------------------------------------------------------------------




احصائيات هلاليه سريعه :

•
حصل على لقب الدوري في اعوام:



1962,1964,1965,1966,1967,1974,1981,1983,1984,1986, 1987,1988,198,1991
,1994,1995,1996,1998,1999,2003,2004,2005,2006,2007







في كاس السودان :



1977,1993,1998,2000,2004


في البطوله الافريقيه :




وصيف عامي : 1989 و عام 1992 في مسابقه دوري ابطال افريقيا ..

والمركز الثالث عامي : 1966 و 2007











ا




--------------------------------------------------------------------------------




** من الاجيال الذهبيه التي مرت على نادي الهلال هما جيلي 1968 و 1989**











حمد دفع الله







الهلال عام 1987






--------------------------------------------------------------------------------




وفي تاريخ الهلال قصة شهيرة عندما اعترض الاستعمار الإنجليزي وممثله في السودان على اسم الهلال ،
واعتبر أنه تحايل، وربطه بالتضامن السوداني مع مصر ،

وكان الاستعمار الثنائي، إلى أن تدخل السياسي السوداني محمد صالح شنقيطي ، والعمدة عبدالرحمن العوضي ، اللذان أكدا للمفتش الإنجليزي أن الموضوع لا يتعدى مسألة شباب يريدون ممارسة نشاطهم الرياضي ومع ذلك حاولت الأحزاب السياسية استقطاب الهلال كثيراً بعد الاستقلال ، الذي لعب به الهلال دورا كبيراً






من ادارة نادي الهلال السوداني ..


ترأس مجلس إدارة نادي الهلال الكثير من الرموز مثل السيد الطيب عبدالله الذي ظل على رأس الهرم الإداري بالنادي كثيراً، وعمل بإدارة الهلال العديد من أبناء النادي الذين تبوؤا مناصب كبيرة في العمل الإداري بالدولة مثل اللواء عثمان سر الختم، السيد طه على البشير رجل الأعمال الشهير، أحمد دولة نائب رئيس بنك أيفوري، عبدالمجيد منصور رئيس البنك الأهلي السوداني، رجل الأعمال حسن هلال، الأمين البرير، الأمين عبدالمنعم، مأمون النفيدي، وكلهم من رجال المال والأعمال بالسودان، وهناك التجاني أبوسن مهندس، ياسر الأمين طيار، أحمد عبدالله، عثمان صباحي، أحمد أدم وهو مهندس أيضا، ويعتبر هؤلاء من قدامى لاعبي النادي بالإضافة للأستاذ أحمد دولة، ومحمد أحمد البلولة، الرشيد المقبول وهم أيضا من الرجال المال والأعمال بالسودان، وقاضي محكمة الاستئناف مولانا تاج السر بابكر.


الموقع الرسمي للنادي .. [عزيزي الزائر يتوجب عليك التسجيل للمشاهدة الرابطللتسجيل اضغط هنا]



الهلال و انجازاته في الدوري الممتاز منذ انطلاقته ..



(( توج الهلال السوداني بطلا للدوري الممتاز 8 مرات منذ انطلاقته اخرها عام 2007 منها خمسه اعوام متتاليه انطلاقا من موسم 2004 حتى ت2007 ,, عجر اي نادي سوداني عن مجارة الهلال او انتزاع اللقب من مقبرته الحصينه))

والجدير الذكر ان نزكر باحصائيه غير قابله للتكيك وهي صمود استاد الهلال (مقبرة الخصوم) في وجه جميع الفرق التي نزلت به لمده تقدر بحوالي 116 مباراة بدون هزيمه ..
وهو رقم صعب الوصول اليه في العقود القليله الماضيه على جميع الانديه السودانيه .

اول فريق سوداني يجي طيش افريقيا
اول فريق سوداني يفلق بالحجار
اول جمهور نادي في العالم يكتل صحفي
اول فريق سوداني يدخل اسلوب حاحا وتفاحة(هاك وديدي دا)
اول نادي سوداني يعين عضو بالمجلس (الروحانيات)
اول نادي حكومي
اخر استاد حكومي
اول فريق سوداني يفضحنا في سوريا

[quote="خالدكو"]مئوية الملك فيصل
* حقق رماة المريخ ما طلبناه منهم وهزوا شباك الموردة بأربعة أهداف، لكن المدافعين لم ينجحوا في المحافظة على نظافة الشباك فاهتزت مرة في الزمن المحتسب بدلاً من الضائع.


* بالنتيجة حافظ المريخ على صدارته لدوري سوداني ون الممتاز وحقق نصره الثامن على التوالي.


* وشهدت المباراة حدثاً تاريخياً بوصول الملك فيصل إلى هدفه رقم مائة في منافسة الدوري كأول لاعب يفلح في بلوغ الرقم المذكور.


* وهي فرصة لإزجاء التحية للاعب مبدع نثر فنه في ملاعبنا ونصّب نفسه ملكاً للمتعة وسلطاناً للطرب وزعيماً لمملكة الهدافين في سودان المريخ.


* 13 عاماً من الإخلاص والوفاء للشعار الأحمر، 13 عاماً من الركض المتواصل والنبال المتتالية في شباك الخصوم جعلت الملك فيصل يتحكر في قلوب الصفوة حباً لا قراراً.


* 13 عاماً وفيصل العجب سيدو يمتهن إسعاد جماهير المريخ والسودان، ويجتهد لتمزيق شباك خصومه بأحلى الأهداف وأغلاها!


* العجب، كوري، الملك، السلطان عجبنا والرجل الفضائي: كثرة الأسماء دلالة على عظم المسمى.


* العجب فيصل.. أسطورة حية تسعى على قدمين.


* ما فعله للمنتخب والمريخ أعجز السابقين وسيشكل معضلة كبيرة للاحقين!


* يتصدر الملك قائمة هدافي السودان في بطولات الأندية الإفريقية برصيد 19 هدفاً.


* ويتصدر قائمة هدافي الممتاز منذ انطلاقته برصيد 100 هدف!


* ويتصدر قائمة هدافي لقاءات القمة بين أبناء جيله برصيد 6 أهداف.


* ويتصدر قائمة هدافي السودان في البطولات العربية برصيد 8 أهداف.


* ويعتبر أحد أفضل هدافي المنتخب الوطني عبر التاريخ برصيد 15 هدفاً.


* وقد احتل المركز الثاني إفريقياً وعربياً والثاني عشر عالمياً حسب تصنيف الاتحاد الدولي للإحصاء والتاريخ الكروي في الموسم قبل الماضي، فهل هناك أي لاعب في تاريخ السودان حقق مثل هذه الأرقام القياسية؟


* هذا السجل التهديفي الرائع مسجل باسم من ظل يلعب كصانع ألعاب في معظم مبارياته مع المريخ والمنتخب!


* وهنا تكمن عبقرية الملك!


* (عجبكو من تب قام.. عجبكو هدفو سبق السلام)!


* صاحب السمو الملكي لا مثيل له في ملاعب السودان!


* سلطان زمانك يا عجبكو!





شوط للنسيان


* خاض المريخ الحصة الأولى بطريقة 2:5:3 بوجود بلة جابر ومصعب على الطرفين، ولاسانا ونجم الدين في المحور وقلق كصانع ألعاب ومحور ثالث، والعجب مع ميدو في المقدمة.


* سادت الشوط الأول ربكة غريبة وتعددت أخطاء التمرير وتنوعت وسيطرت الشفقة على لاعبي المريخ.


* وفي الحصة الثانية انتظمت الأمور شيئاً ما وسيطر الأصفر على الملعب لكن البطء ظل سيد الموقف.


* في عمومياته جاء أداء المريخ دون المستوى، ولم يفلح اللاعبون في طمأنة مخاوف المشفقين، لكن البركة في الرباعية.


* استعجال لاعبي المريخ في تطوير الهجمة واللجوء إلى الإرسال الطويل قلص فعالية المريخ الهجومية ومكن الموردة من مبادلته السيطرة.


* أخطاء الشوط الأول وأداؤه الضعيف ينبغي أن يخضع إلى مراجعة شاملة من كاربوني قبل لقاء الترجي.





تحكيم مأساوي


* قبل انطلاق اللقاء بساعات قليلة أجرت الزميلة فاطمة الصادق حواراً مع فيصل سيحة رئيس لجنة التحكيم المركزية فأنكر فيه تدهور مستوى التحكيم السوداني، وأكد أنه بألف خير وادعى أن كل شيء فيه عال العال!


* وجاء طاقم تحكيم مباراة الموردة والمريخ ليقول له: (حليلك يا النايم على حيلك)!


* تم إسناد إدارة اللقاء إلى حكم ضعيف الشخصية قليل التجربة سيئ التقدير اسمه وديدي الفاتح فأداره بأسوأ صورة، وقدم نموذجاً للتحكيم المتخلف.


* وأكمل مساعده هيثم النور (شقيق إداري الهلال المعروف عاطف النور) لوحة التخلف بترصده لهجمات المريخ وأخطائه المتكررة في احتساب حالات وهمية جعلت الدم يغلي في عروق جماهير المريخ.


* صرف وديدي ركلة جزاء صحيحة للمريخ بركلة عنيفة من أحد مدافعي الموردة على وجه لاعب المريخ مصعب عمر، وأراد أن يكفر عن خطئه فاحتسب ركلة جزاء مشكوكاً في صحتها للمريخ.


* وهكذا عالج الخطأ بأسوأ منه.


* اقتحم إداري الموردة السر بخيت الملعب وحاول الاعتداء على الحكم وتفنن لاعبو الموردة في (تهزيئ) السيد وديدي حتى حولوه إلى مسخرة لجميع من حضروا اللقاء، وتقبل الحكم (التهزيئ) ببرود يحسد عليه!


* يا سيحة لا تكابر، تحكيمك عبر عن مأساة حقيقية!


آخر الحقائق


* ملوك التمرير الخاطئ في المريخ: قلق، الباشا وبلة جابر!


* يمرر قلق للخصم حتى وهو مرتاح وغير مضغوط بأي لاعب.


* ويفرط الباشا في الاحتفاظ بالكرة ثم يرسلها خبط عشواء.


* ملوك الإنذارات غير المبررة: سفاري، بلة جابر وميدو!


* للمرة الثانية على التوالي نال سفاري إنذاراً مجانياً في كرة ميتة في منتصف الملعب.


* في تونس تعلق بقميص إينرامو حتى كاد يخلعه فعاقبه الحكم ببطاقة صفراء.


* وبالأمس ارتكب مخالفة مع الطيب الماحي في كرة ميتة!


* وهذا أمر لا يليق بلاعب دولي بخبرة سفاري.


* وللمرة المليون نال بلة جابر إنذاراً من الجوز الشهير!


* من خلى عادتو قلت سعادتو يا بلة!


* وضرب قلق الرقم القياسي في عدد التمريرات الخاطئة أثناء لقاء الأمس.


* تألق في تونس وأشدنا به فعاد إلى الخرمجة والتمرير الخاطئ.


* مصعب عمر في النازل، وإصراره على ترك الطرف الأيسر والدخول إلى قلب الملعب يقلص خطورة المريخ من الناحية اليسرى.


* لعب أكرم بثبات وصد العديد من الكرات الصعبة.


* برافو جبل الجليد، ننتظر منك الأفضل أمام الترجي.


* قدمت الموردة تجربة جادة للمريخ، لكن عنف لاعبيها غير المبرر أفسد جماليات اللقاء.


* سجل العجب أول أهدافه في الممتاز في شباك مريخ الحصاحيصا في 12 أبريل 1998 وأكمل المئوية في شباك الموردة في أبريل أيضاً.


* العجب لا يعرف الكذب، حتى في أبريل!


* عجبكو ما بيعتقش!


* نتمنى أن يحرز هدفه الإفريقي العشرين في شباك الترجي.


* أمس كان الملك أحق من لاسانا بنجومية اللقاء.


* الطريقة التي أدى بها كاربوني الشوط الأول تركت فراغات كبيرة خلف ظهيري الوسط!


* اللعب بالطريقة المذكورة سيشكل خطراً كبيراً على المريخ أمام الترجي الذي يعتمد على صناعة اللعب من طرفي الملعب.


* للمرة الثانية على التوالي خرج عبد الحميد نظيفاً كما دخل.


* أفسد غاسيروكا فرحة جماهير المريخ بالرباعية عندما أهدى مهاجم الموردة أسياسي تمريرة محسنة هز بها شباك أكرم.


* تحققت الرباعية، وغابت الإجادة، ولم تسلم الشباك من الاهتزاز.


* وسجل وارغو هدف معلمين ونتمنى أن يعيد تنفيذه أمام عملاق باب سويقة.


* لقطة المباراة: تعطل سيارة الإسعاف الخاصة بإستاد الهلال وإخراجها من الملعب بطريقة (دفرة لله يا محسنين)!


* حال عربة الإسعاف الزرقاء لا يختلف عن حال الفريق الأزرق!


* كلو قايم دفرة!


آخر خبر


في المقبرة.. عربية الاسعاف محتاجة اسعاف. [/quote

جوبا مالــــــــــــــــــــــــــك علـــــــــيــــــــــا ........

[quote="عادل طه محمد طه"]

خالدكو كتب:

مئوية الملك فيصل
*
* لقطة المباراة: تعطل سيارة الإسعاف الخاصة بإستاد الهلال وإخراجها من الملعب بطريقة (دفرة لله يا محسنين)!


* حال عربة الإسعاف الزرقاء لا يختلف عن حال الفريق الأزرق!


* كلو قايم دفرة!


آخر خبر


في المقبرة.. عربية الاسعاف محتاجة اسعاف. [/quote

ياعادل منتظر تعليقك بي هناك علي صورة زوبة في زريبة الراكوبة

.


.. بقلم: بابكر سلك

بسم الله الرحمن الرحيم
في السلك
العربيه 000 العربييييييه
• قلت ليكم سوق المواسير ما صدقتوا

• العربيه زاتها طلعت ماسوره

• قدر ما لزوها ابت تدور

• ارفع 0000 ارفع

• ابت ترفع

• من الميدان ابت تطلع

• بله جابر مصاب

• مستني العربيه

• اول ما شافها قام حيلو

• قال اخير امرق بي رجليني

• اخير لي من تقوم بينا رب

• العربيه

• تقع بينا رب

• عربيه

• تودينا لي الاخره

• ناس قالوا قطعت بنزين

• الصادق صاحب دكان الزيوت واسبيرات الركشه بحي البوسته قال متبرع بي كرستاله بنزين للعربيه في اي مباراه

• وناس قالوا ضاربه بلوتين

• فرج الله الهلالابي المكنيكي قال متبرع يولف ليها بولتين بتاع هكره ويصنفرو قبل كل كوره

• وناس قالوا الحمد لله ما دورت

• عشان لو دورت كان سخنت ولو سخنت اللديتر كان دشر

• اتدشري

• عربيه سماحة جمل الطين

• ملونه زي علبة ( الروثمان )

• لكن في ناس قالوا السبب المكنه

• قالوا مكنتها ما اصليه

• مركبين ليها مكنة توكتوك

• التوكتوك القالوهوا ناس ابراهيم حجازي يوم كورة مصر والجزائر

• براكم جبتوا سيرة التوكتوك

• وبعد ده ماشين مصر

• دفره يا ابن العم

• ايدك معانا

• عليكم الله احسن العربيه دي ولا منير الانتر ولا كاريكا ولا احمد الغافل ولا علاء لفة ؟

• قلت ليكم سوق المواسير ده هنا ما في الفاشر

• غايتو يا الرشيد وكت وصلت للعربيه ليك حق يا اخوي

• اديكم فكره

• جيبوا ليكم اتوس بالاقساط واقطعوا السقف وشغلوها في الميدان

• لكن البدفع المقدم منو ؟

• خليهو المقدم البلتزم بالاقساط منو ؟

• خليها الاقساط

• البقبل يبيع ليكم بالدين منو ؟

• ارفع

• دورت !

• شغلوها صارقيله

• عارفين صارقيله يعني شنو ؟

• صارقيله دي العربيه الهكره

• سيدها بجيبها الدلاله ويجيب معاهو حبة قريشات

• عشان يقايض بيها

• اها

• السماسره بسموها صارقيله

• بشركوا بيها للناس

• طعم يعني

• وبتبيت في الدلاله في حته اسمها العنبر

• اول ما يجي زول يقيف جمبها السماسره يجوهوا

• واحد يقول والله العربيه دي سيدها دكتور

• البيت العياده العياده البيت

• والتاني يقول المويه الفي اللديتر دي موية بلدها

• الاول يحلف طلاق الكرنك استاندرد

• تقول ليهم الصوت ده كده ليه يقولوا ليك الصاجه القداميه راخيه شويه

• تقول ليهم بترترت ليه يقولوا ليك الولد بتاع العفريته اظنوا رشه البلكات بالمويه

• المهم بقنعوك

• تديهم عربيتك الجات برجلينها للدلاله

• ويدوك حبة قريشات يشلوها منك كلها عموله

• ويدوك الصارقيله

• يلزوا معاك شويه ويقولوا ليك بيتها في العنبر

• وترجع بالمواصلات

• اها

• الجاب ليكم الصارقيله دي منو يا الرشيد !

• غايتو تاني لو في لاعب سقط علي الارض في استادكم الا نوقف ليهو امجاد

• سوق مواسير ساااااااااااااااااااااي

• اديكم فكره

• عربيتكم دي اموشوا بيها مصر

• عشان لما تصلوا تلعبوا دوري حسن الخاتمه

• سؤال

• العربيه دي مرخصه ؟

• والله دي تودوها الفحص الآلي يحولوكم الرنين المغنطيسي وصوره مقطعيه وفحص وظائف الكلي وتحليل كامل للدم

• دم !

• هي لو عندها دم كانت احرجتنا قدر ده !

• ودوها الفكي

• تودينا لي بحري

• العربيه

• المزاد العربيه

• سعد قشره

• العربيه

• حلفايا

• العربيه

• اف ام الرياضيه

• العربيه

• وقفوها جمب الاذاعه الرياضيه عشان يوسف السماني يشوفها

• طبعا طوالي حايستضيف الكاردينال

• يوسف : يا سيد اشرف رايك شنو في البحصل من العربيه ده !

• كاردينال : البحصل من العربيه ده سببو انو العربيه ماعارفه قيمة الهلال

• يوسف : طيب يا سيد اشرف انتوا كأهله خلصاء دوركم شنو ؟

• كاردينال : انا متببرع بعربيه زي حقت جمال الوالي

• يوسف بفرحه شديده : زي حقت جمال اللونها سلفر ؟

• كاردينال : مازي حقت جمال السايقها , زي حقت استاد المريخ قصدي

• يوسف : وممكن برضو يا سيد اشرف تتبرع للهلال بعربيه زي السايقها جمال ؟

• كاردينال : العربيه السايقها جمال دي مافي زول عارف ماركتها شنو , ياخ دي اسمها زي اسم المضاد الحيوي , شنو كده سسكولمباكسين

• يوسف : لومباكسين دي صعبه , طيب ياسيد كاردينال العربيه المتبرع بيها حاتسلمها للهلال بواسطة الاذاعه الرياضيه متين عشان نعمل ليها احتفال ونخصص برامج اسبوع كامل ليها

• كاردينال : حا اسلمها بعد ما يتخطي الهلال الاسماعيلي

• يوسف : دي زوغه عدييييييييييل يا اشرف

• كاردينال : اقول ليك 000000000

• توت توت توت

• يوسف : للاسف انقطع الهلال اقصد الاتصال

• المهم

• يا روشا بييييييع واشتري ليك ركشه للشباب ديل يشغلوها بالصباح ركشه يسترزقوا منها وبالمساء نقاله تستر الحاله

• الزول لو داير تعرف حالتو شوف حالة عربيتو

• تقوم بينا كب 000 تقع بينا ررررررررررب



سلك كهربا

لن ننسااااااااااااااااااااااااك

والي لقاء

سلك

الكبير كبير يا عادل طه ولسع الدوري بدري يا ناس الجبل الاخضر

dorzy كتب:

الكبير كبير يا عادل طه ولسع الدوري بدري يا ناس الجبل الاخضر

وعندك واحد بطنو وجعتو وصلحو ياعادل طه ههههههههه

عسل انت نحنا مابننكر إنهزمنا من فريق يمني 6/5 ومن أردني 7/4 ومن مصري 5/1

يللا إنت خليك شاطر وأذكر لي بس مايقوم نفسك يقوم

أحسن ليييييييك أبعد من الدرب ده

عادل عادل

الزول ده وقع لينا في الديس بتاعنا

والزعيم زعيم يا الدرزي
والايام بينا ولقاءنا في الكونفدرالية

والله ياعادل طه لقيتك قنوع لانك عارف المريخ ماعندو علاقه بي الابطال

لكن يا حبيبي يا درزي الهلال قدها وقدود وااوريك الدليل :-

امشي الحطوط المصرية واقطع تذكرة للقاهرة وسافر لما تصل القاهرة ما تقعد فيها سافر طوالي الي الاسماعيلية وفي شارع اسمو شارع حمص بس انتظرني هناك بجي يوريك الدليل

لكن احسن اوريك الدليل قالولووووووووووووووووووووووو

كدي يا درزي جيب واحده زيها نفس الصورة للهلال ما اظن موجودة

في كم صورة ودي واحدة منهم :ـ

][img][/img]

وتاني واحدة :

[img][/img]

وكمان للحبائب :

بدونتعليق

1 2 3

dorzy كتب:

بدونتعليق

يادرزي ياموجوع البطن أول حاجة دي المريخ طلع منها بي فارق هدف وبي ظروف غير طبيعية ومارس فيها الوحدات أساليب قذرة بمنع المريخ من أداء اي تمرين بالملعب وهذا حق اصيل لكل فريق ضيف ولكن من اجل المجاملات والكلام الفارغ كانت هذه النتيجة ... وياحبيبي المريخ لو ما كان طمعان في التأهل ماكان وصلت 7 ... وفي النهاية صعدو بفارق الهدف الجابوه في أخر دقيقة في ام درمان ... والفرق في نفس هذه المباراة 3 اهداف أما إنت فكانت ستة من الترجي نظييييييييييييفة ... وبعدين يادرزي ياحبيبي أخدتها انت من المقاولون العرب 7/2 يافضيحة .. وفي مباراة بالدس ...

dorzy كتب:

1 2 3

أنا غايتو فهمت من تسميتك لهزيمة المريخ 3/1 من الهلال بالفضيحة ...!!!! حاجة وااااحدة بس ( الهلال المغمور يفورز علي الزعيم الكرة 3/1 ...؟؟؟؟؟؟؟؟؟؟؟؟؟؟

هههههههههههههههههه قال فضيحة ...!!! فعلاً بالنسبة لينا فضيحة وبركة الجات منكم

عادل طه ابو التومات حسن احمد عثمان
اولا الزعيم زعيم رغم كيد الكائدين وده تاريخ وانتو ماخليتو حاجة
يديكم العافية من هنا لي 50 سنة
والزعيم دايما فوق

الزعيم دايما فوق[flash][/flash]