اغنية حقيبه اعجبتني

يا رشا يا كحيل غيثني هواك سباني
يا الأمرضني وما طباني
في خديدك الوح نور رباني
نيران اشواقك لاهباني
وسهام ألحاظك نشباني
من ألحانك تعباني
مهموم تشهق قصرك بان
يتهادى يميل خصرك فريع بان
**********************
يا رشا يا كحيل غيثني هواك سباني
*********************
هبت لروائح دهشاني
يا نسيم عقد وعود علشاني
قوليه غرامك أغشاني
وأدركني الدمع الراشاني
حسنك شانك والحب شاني
يا نسيم روح بلغ آه وأغشاني
بحق من أنشاك وأنشاني
*****************
يا رشا يا كحيل هواك سباني
*****************
جمر الأشواق هب قلاني
من إنطفأ بي دمعي البلاني
أنا لا أسلاك لو تسلاني
حبيبي غرامك أبلاني
ملكني هواك وخلاني
فارقت أقاربي وخلاني
حسنك والاك والحب والاني
********************
يا رشا يا كحيل هواك سباني
*******************
لهملات حسنوا شجاني
ليك نور ولي نار سارجاني
رقيق اللمحته الجان
في بحور اشواقك زجاني
خاطر بي وما نجاني
أعلم أقبل سعدي وأتاني
لو طيفك في الأحلام ناجاني

يا رشا يا كحيل غيثني

الاخ ادريس ما اجمل اغانى الحقيبة لانها نظمت فى الزمن الجميل ورشا يا كحيل
واحدة من تلك الاغنيات وانا اهديك واحدة من ذلك الزمن الجميل .

احرمونى ولا تحرمونى سنة الاسلام السلام
كل ما النسمات عطرونى فاجاونى دموع مطرونى
ربى اغفر للعكرونى رب وقت يتذكرونى
او يقول القائل درونى او يحدث عنى المنام

يا النسونى كفى اعرفونى
ساهى ساهر ساحت جفونى
فى هواكم يا من جفونى
لا انوم ان لم تنصفونى
انعكاس الاحوال درونى
ايضا الايام علمونى
يوم سموما ويوما غمام

فى التفكر اصبح وامسى
ايضا التذكار نجوى همسى
وحياتى اشبه برمسى
ابكى يومى واسترجع امسى
ما عهدتك يا ليل تمسى
انا كنت اشراق شمسى
انت وين يا بدر التمام

قالت وليت ايامى يندن
تبقى لانت وسحابها دندن
للقاك النيران يخمدن
قالت لى روحى واجزيكى حمدا
من تعاطى المكروه عمدا غير شك يتعاطى الحرام

يا ابوعبدة ممكن تغنيها لينا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ما اروعها كلمات من الزمن الجميل

لو كانت مدحة اخوك كان جاب الطار وجراها ليكم جرة طويلة ,

واعجبتنى ايضآ ياادريس

شكرآ