حبوبة قنديلة... ام العوض,.

استرسل اليوم عن واحدة من حبوباتنا الكرام .... انها حبوبة قنديلة , ام العوض ( عوض الدخرى ) التى كانت تسكن مع ولدها عوض الذى يستاخر جزء من منزل عمنا الامين ابوشوك رحمة الله عليه , وكان اى واحد من اولاد الحلة امه وابيه مايقدروا عليه يودوا م العوض فتقوم بهرشه وبرشه على الارض وانا واحد من اولئك النفر الذى ادبته حبوبة قنديلة وجميع اولاد حلتنا البعيو , عوض ابوشوك , عدلان عثمان ,حسنى عبدالحميد , حاتم عبدالله ,يحيى جمال , جمال الصعيدى , وكثيرين لا تسعفنى الذاكرة لذكرهم ...فلك الرحمة حبوبتنا قنديلة بقدر مااصابنا من ادب بفضل هرشاتك التى اصابت كل من تسول له نفسه ان يعصى والديه فى تلك الحقبة من الزمن الجميل ......

...
اللهم إرحمها برحمتك التي وسعت كل شئ

وهكذا هن نساء الشجرة أخونا مجدي كلهن أمهات للكل
...

نعم اخى ابراهيم كلهم امهاتنا وخالاتنا وعماتنا ربنا يديهم الصحة والعافية وطول العمر ...بس دايرين رضاهم ...

اللهم ارحمها واغفر لها واسكنها جنات النعيم تسلم اخي ابو عبدة علي هذه اللفتة الرائعة ووقفة وفاء منك سلمت

تسلمى بت الخال وربنا يديم اجلالنا وتقديرنا لى كبارنا من امهاتنا وآباءنا واعمامنا وخيلاننا ومنهم خالنا سعيد وداعة طيّب الله ثراه وجعل الجنة مثواه وطرح البركة والخير فى ذريته وكل سنة وانتو طيبين كلكم .

الاخوة الاعزاء ابوعبدة / ام وئام / ابراهيم
لكم جميعا التحية
والرحمة والمغفرة لجميع اجدادنا وحبوباتنا وخالاتنا وعماتنا والذين سبقونا
بدون فرز

نسال الله لجميع موتانا وموتي المسلمين الذين شهدو له بالوحدانيه ولنبيه بالرساله ان يرحمهم الله ويغفر لهم ويتجاوز عن اساءتهم ويرففع درجتهم وان يغفر لنا اذا صرنا الي ما صارو اليه

آمين اخوى عثمان .

كانت حبوبة قنديل امراة حديدية وقوية تصنع الروب والسمن البلدى وكانت تفرش فى السوق وتبيع بعض المنتجات مثل الفول والدكوة والويكةوكانت تعمل احسن الطعام بالسمن البلدى والشطة .

مجدى ابوعبدة كتب:: آمين اخوى عثمان .

نسال الله ان يستجيب الدعاء وانت وينك وين يا ابو عبده

موجود يا عثمان بس المشاغل بقت كبيرة وكتيرة .