اعصار يضرب سلطنة عمان

شاهدت فى موقع صور لاعصار قوى ضرب سلطنة عمان قبل اسبوع ولا ادرى هل صحيح ام لا
المهم احببت ان اطمئن على اخى ود الحاج لعله بخير والاسرة وكل شباب الشجرة والسودان فى السلطنه
اللهم لا نسالك رد القضاء انما نسالك اللطف فيه

العزيز / ســــــامــــى

ود الحاج من فترة طويلة ضاربو اعصار شديد ولابت ومتخفي وما عاوز يظهر ,

يمكن الاعصار ده يظهرو لينا .

على العموم اطمئنك بانه لا يوجد اعصار فى السلطنة ونحن جيرانهم كان تاثرنا به والدينا بخير

اخى عبد الوهاب
كل عام وانت والاسرة الكريمة بخير وسعاده والاسرة فى الشجرة فى نعيم وكل الاخوان فى الامارات ايضا
بعد كلامك ده شكيت فى نظرى قلت يمكن شفت غلط رجعت تانى للمصدر وجدت لوحة السيارة عمان فعلا لكن يمكن قديم اسم الموقع وهو ظريف جدا يمكن ان تتسلى فيه ولو تملك حرفنة الثعلب او تلب او نزار الشباب ديل خلوا الكورة لنا ولعبوا فى التقنية المهم الموقع حلو ممكن تجيب منه صور حلوه الكلام ده للجميع
( اكاسيا البحرين ) غايتو متعة صح ادخل وشوف اعصار السلطنة
يا ود الحاج والله انتو الدايرين انقلاب مش ياسر تخريمة ياسر طنش ولا جاوب اى سؤال
العيد مبارك عليكم جميعا

اخى تلب
بارك الله فيك انا عارف انكم تسدوا عين الشمس وهبة عارفه كيشه زى حالتى كده ويقول لى لو جاء كنا تاثرنا به الحمد لله ابو عسجد ما خلاها تبرد
يديك العافية طول ما الجداده حافية
انا برئ وود الحاج بخير
شكرا وكل عام والجميع بخير

يا اخوانى واللة ده ما اعصار دى حقارة شواطين ساكت lol!

[b] إزيكم كيفنكم أنا لي زمان ما شفتكم = الأخوة الأجلاء سامي -- وهبة والأخت نعمات وكل من سأل عني سألت عليكم العافية ولم يحرمني منكم سوى ضغط العمل في الأيام الماضيات وكل عام وأنتم بخير وألف مليون خير ويسعد أيامكم يارب وجد أنا سعيد بعد العودة أن أرى تاج التميز على رأسك أستاذه نعمات والرئاسة الفخرية لسامي ووهبة وتهانية الخاصة لكم - أما عن الإعصار فهذه الصور حقيقية وكان هذا الإعصار قد ضرب السلطنة في يونيو 2007 وكان إعصار مدمر ولكن ربك ستر مامره علينا في صلاله --- ويا استاذه نعمات القصيدة والله رائعة وفي القلب وما تجاهل مني في الرد لكن ضغط العمل كان رهيب حتى أولادي تأثروا به بس المدارس فرقت ليهم شوية وعذراً للتقصير وكل عام وأسرتك بخير .

موضوع: عدت يا عيد الخميس 03 ديسمبر 2009, 9:38 pm

الاخ الحبيب ود الحاج
الله لا يحرمنا منك يا غالى والله مشتاقين والف حمدلله على عودتك
ما تغيب تانى وحاول ان شاء الله مرور بس لو مشغول نعرف انك معانا وما ناسينا
التحية لكل اولاد صلالة اسمع عثمان ينى كان ابن اخته شاب توفى فى جدة هل قمت بواجب العزاء

عاد الحبيب وعادة الي احلي الليالي

شكرا سامي

لولا هذا الاعصار لما ظهر ود الحاج

كل عام والجميع بخير

موضوع: اخى وهبة السبت 05 ديسمبر 2009, 1:15 am

اطال الله عمرك فى طاعته
اخى الحبيب
شايف فى كسل عام من الشباب الحاصل شنو
وين موسيقار الكلمه محمد عباس
وين الشعلة الثعلب وين الدينمو ادريس وين حاكم وين عباس ود طاهرة وين منتصر
يا خوى والله انتو لو فاكرين ياسر عنده عصاه سيدنا موسى لا والله الزعيم عمل الواجب الباقى علينا جميعا
الاخوان والاخوات شارك ختى لو طرفة لو قصة حلوه المهم الادب والاحترام يكون فيه حركوا المنتدى يا شباب
عاطف امير الكلمه وينك ولا دايرين ارسل كل زول باسمه
اسف والله من خوفى على الشجرة التى نرويها بدمنا ونتنفس من انفاسها
ما تعملوا كل المواضيع علمية بحته لازم يكون فى مساحة للمرح والفكاهة والذكريات والكلام الدارجى بدون رتوش يعنى ونسة عادية ولو تروحوا عند بت تنقسى تشربوا شاى وتطقوا الحنك
ودمتم فى رعاية الله