عيدية لكل الاحباب

سلام اهلى الدهب والدر.......هناك جوة الوطن طيبين؟

سلام اهل الملاذ للكل.......حليل اهل الجروف والطين

حلاتكم انتو فى اللمات....بشاشات تسعد الغايبين

حلاتكم انتو معنى الود.....وحبل الخوة ديمة متين

صباح عيدكم ,سلام ايدكم.....وسماحة الدعوة بى آمين

سماح وصلاً بريدو الناس......موثق بى اصول الدين

بريدكم وانتو معنى الريد....بدوركم جملة متحابين

عشان اولادنا يبقو كدى....واصلاً نحن ماهينين

جمال الفرحة يوم العيد.....متوجة بى رضا الوالدين

صباح العيد يجيب فرحاً ....عليكم وتبقو مبسوطين

وتغشاكم سحائب خير......وتب ماتبقو يوم ناقصين

وثوب العافية يبقى كبير .....يغطى الكل نقول آمين.

إهداء الى كل الاهل والاحباب والاخوان والاخوات الاعزاء بمنتدانا الرائع ,كل سنة والجميع

بخير وعافية ,وكل عيد والمودة تزيد, وربنا يحقق كل الامنيات وقبل ذلك الصحة والعافية.

وبلاهى كل واحد يدخل بيت يشيل كعكة يقول دى حقت نعمات ههههههههههههههه flower

لو وشوش صوت الريح في الباب
يسبقنا الشوق قبل العينين.
كنا حاسين
ومنتظرين
ومتآ كدين
انو حتكون في قصيده رائعه والحمد لله ظننا ما خاب.
اثني عشر بيتا في القصيده كآنك دخلت اثني عشر بيتا
في الشجره للمعايده.
شكرا الرائعه والشاعره استاذه نعمات وكل سنه وانتي والاسره
الكريمه بخير وعافيه.

ياريتنى ادخل واستريح

ويرتاح معاى شوقى الشديد

من كل بيت آقطف حنان

ويادوبا تبقى الدنيا عيد

شكراً كتير يا خالد على الثقة دى وده تاج على راسى والله.

كل سنة وانت طيب وانشاءالله العيد الجاى :-

تتهنا بى بت الحلال

وايديك حنة تزينا

وتتبل من خُمَر العروس

والدنيا بيها مدوزنة

وكل الحنان تديهو ليك

ويتم ليك كل المنى

كللللللللللل سنة وانت بخير وعافية.

استاذة نعمات كل عام وانتي بالف خير اللة يخلي ليك اولادك

يا سلاااااام استاذه نعمات
و كل عام و الجميع بخير