نكته واقعية

موضوع: نكته واقعية الجمعة 24 يوليو 2009, 4:15 am

نكته واقعية

خريف 1988 كانت في ازمة مواصلات شديده لدرجة الناس كانت بسطح علي الباصات وتشمع في الحافلات والسواقين كانوا يخشوا في كلاشات مع بتاعن الحركه
يوم نحن راجعين من الخرطوم راكبين لينا حافلة تقريبا 50 نفر وسخانه تلحم والشكلة مدورة السواق حلف مايتحرك بهذا العدد خوفا من بتاعن الحركه والناس زهجانة تدقدق من جوه: يا اسطي ماتطلع روحنا طلعت يا كمساري ما تحرك زولك دا

المعركة مدورة جا راجل برئ شايل ليه كيس موز كدا وجريدة مغطي ببها راسو من الشمس وقف للسواق بالجنبة ينادي فيه يااسطي يا معلم
السواق اتلفت زهجان ايوة با عمنا خير؟
بالله لو سمحت الحافلةدي ماشة اللفة؟
السواق اتكا علي الدركسون بغيظة شديدة وقالليهو
افرض ماشه جوة بيتكم جوة حتركب وين يعني؟؟؟

موضوع: رد: نكته واقعية الجمعة 24 يوليو 2009, 8:05 am

ههههههههههه والله يابكرى الواحد مشتاق يسمع ويتفرج على مهاجمات الكماسرة

والسواقين بلغاتهم العجيبة ,تخيل هنا البص عند الخواجات تركب والابتسامات تتوزع عليك من كل الجهات بدون سبب, ولما تجى نازل السواق بكل تهذيب يقول ليك نتمنى ليك يوم سعيد

والله بطريقتم دى السعادة كان مافى انت تحس بيها هههههههه

ولو انت واقف منتظر البص الشخص البجى وراك لازم يحترمك ويقدمك للركوب انت اول يعنى لو 20 نفر لازم من باب الزوق كل زول يحترم القداموا يعنى مافى مدافرة( الحياة فيها رحمن) هههه