هام وعاجل للثعلب عضو المنتدى محمد عباس خرج ولم يعد

قيل والعهدة على الراوي أن عضو المنتدى والمريخابي الغيور الأستاذ محمد عباس قد خرج من منزل ذويه الكائن بالرميلة إلى استاد المريخ (الرد لبع) (هسه يا أشرف القال الاستاد ده بنوهو بي قروش الحكومة منو براك بتاع شمارات المهم نواصل ) وذلك للاحتفال بكاس سيكافا ولما أداهم الله الفي مرادهم قام ركب تاكسي وسافر لود مدني عشان يجيب نقاط أهلي مدني واصطحب معه شيخ التكاسة وارقو والهنتر بقايا المنطقة الصناعية بالهلال كلتشي وكبير الكماسرة راجي شنو داك ما بعرفو وكبير السمكرجية (مزمز أبو القاسم ) الذي أتعبته(كثرة الصدأ) ولكن ولدنا (عاكف عطا) قال ليهم (كان ليكم)أنتو قايلين (أبو السيد ) براهو المدرب؟ ثلاثة نقاط نهي مافي طريقة .....
المهم قال ليك ولدنا محمد عباس شوهد آخر جرسة وشرط فانلة المريخ الكان لابسها وقاعد يجعر قدام استاد ود مدني وأخونا (مزمز ) يصبر فيه ( الجاتك في نقاطك سامحتك) الدوري الممتاز ده ذاتو زيو وزي سيكافا وسيلة لغاية وهي البطولة الكبرى ونحن ضامنين نقاط الهلال بالشكوى في سادومبا وكابوندي وفي ذات اللحظة شق المكان صوت ست تسالي (ووب عليا الأمل جيبوهو ليا) وكان أحد الهلالاب يحمل حهاز تسجيل تنبعث منه أغنية عقد الجلاد( دهمتني صورة عطبرة) ياجماعة الخير البيلقى أخونا محمد عباس يتصل على جوال اتوفيستر بحي الحصاية بعطبرة

استاذي / عثمان ميرغني

هو الاستاد بس بتاع الحكومة وارغو ذاتو بتاع الحكومة ....

يعني انت ترجع السودان عادي تشيل وارغو تخليهو يلعب مع الاولاد دافوري جنب البيت ( ماحق الحكومة )

ياخي جمال الوالى قفل ملف سيكافا بعد موقعة التاكسي وفتح ملف الافريقية قام اتعادل مع الهلال فى ملعبو وقام تاتي قفل ملف الافريقية وفتح الدوري الممتاز ناس مدني لحقو امات طه

( عليك الله يامحمد عباس ورينا قصة امات طه دي )


ساساساساسادومبا

ملحوظة :

نهدي الاخ محمد عباس اغنية اشكيك لمين انا ........

[b]الاستاذ / عثمان ميرغني
تتعدد لديك المواهب
والخيال الخصب
والرد جاهز
بس
نشوف ابو الثعالب كلامو شنو
عشان الشغل عندنا بالجمله


الحصايا دي بتلعب وين

الحصايا اسم حي في عطبرة الحديد والنار وطبعاً هو اسم الحي الذي شهد مولد نشيد العلم السوداني (أنا سوداني أنا ) وحي العطبراوي وشوقي عبد العزيز وفي اختيار الحصايا مغزى واضح من واحد بيشجع نادي الحركة الوطنية والسبب انو ناس الأمل حالفين عايزين الثتلاتة نقاط عديييييييييييييييييييييييييييييييييل
واقترح يا أبو الثعالب إن نهدي محمد عباس اغنية اشكيهو لي مين السمك واشكي القراقير لي منو حالي العلي اشكيهو