مرحب بالوجيه فخري

[center] مرحب بالوجيه فخري أحمد عبدالله حلت البركات والانوار

المدير يرحب بزول 00كلنا نرحب بيه

حبابك عشرة وجيه الشجرة فخرى00انشالله متذكر استاذ محمد مكى ؟؟

كيف يافخرى والله مشتاقين الولا ابن فوزية معلهش خد منى اتنين جنيه معلهش بس انت ابقى فكرو الشوق مطر ليك وللاخوان طارق وعصمت ومرحب بيك فرع رئيسى من فروع الشجرة

اخوك/ اسامة السيد

الوجيه فخري نستعير قول النعام آدم ( مرحبتين حبابك واليوم السعيد الليلة جابك ) ويا أبو محمد واسامة وميناس منور المنتدى بحروفك بطل الكسل لأن مشاركاتك لها نكهتها وياخي اظهر زبان عليك الأمان وماتطول الغيبة لك وللأسرة التحايا واعذرونا على التقصير

كبتن اجمل الاشياء ان اري الصوره لك وللاخوان ابناء الشجره حقيقي شعور لايوصف لانه الدم واحد وياحمد بين الاخوان مافي شكر تحياتي لك وللاسره حفظكم الله ارجو من الاخوان عمل skype للاتصال بهم

الحبيب حسن احمدعثمان ابو علي ماعارف من واين ابتدا لانه ده شريط طويل صدق ياحسن اولا ماشفته صورتك اتزكرته ناس كتيره مثل محمد يني محمد علي ودامه ثروت ادورد صلاح الي والمرحوم ناصر هاشم وانت قاعد العصرتحت العمود والوجه خالد ونحنه في طابور الصباح يعزف لنا السلام الجمهوري اتزكرته صابر شايل منديله حسن رسل لي المسنجر حتي نتوصل

اسامه محمد سيد غيب وتعال تلقني نحن يانه نحن ده حال ابناء الشجره شجرة ماحي بك اقوياء بعضنا البعض مشتاقينننننننننننننننننننننننننن كنه بنلتقي زمان نلتقي في بيت الغنم والان من خلال سلك كهربه سبحان الله لكن شي خيرمن من لاشي عند اتصال برضا حسن صالح هو الان في كنده بقي شيخ كبير سبحان الهادي الوهاب ومع مجدي عياد في استراليا ومدحت حامد في مصر وطارق السيجي هنا في المانيا عنده طفلين من الماني هو الان في اليمن لمدة 3سنوات اسامه رسل لي المسنجر الود ابن فوزيه لسع مارسل القروش سلامي لك لافراد الاسره حفظكم الله من كل مكروها اتصل

استاز عثمان اجمل التهاني بنحاح الابناء هو شرف لنا ابناء الشجره ليس غريب عليك لانك مربيا فاضل اقل ليك هزا الشبل من زاك الاسد مزيد من التقدم والنجاح

قخري احمد عبدالله كتب:: الحبيب حسن احمدعثمان ابو علي ماعارف من واين ابتدا لانه ده شريط طويل صدق ياحسن اولا ماشفته صورتك اتزكرته ناس كتيره مثل محمد يني محمد علي ودامه ثروت ادورد صلاح الي والمرحوم ناصر هاشم وانت قاعد العصرتحت العمود والوجه خالد ونحنه في طابور الصباح يعزف لنا السلام الجمهوري اتزكرته صابر شايل منديله حسن رسل لي المسنجر حتي نتوصل

ياحليلك يافخرىصابر وخالد معى فى الدمام00خالد اصبح مطوع ودقنه اكبر من دقن اسامة سيد

الناس تغيرت وكبرت يافخرى وهم يهدونك السلام

hasnbaya2005@hotmail.com

هذا عنوانى فى شبكة العم سام وماما قوقل

الأخ فخري لك كل الود والتحايا لأسرتيك الكبيرة والصغيرة شكراً على مرورك ويارب نهنئ كل أهل الشجرة بنجاح أولادهم

اسامه محمد ادخل skype عشان اتصل او اتصل علي skype .eylauer61 ماتزعل من الشباب من يوم ماعرفناك بالسماحه وصفا القلب ومابيعرفك يجهلك انت واحد من العقد الكبيرو الفريد في مدينه الشجره تحياتي وللاسره العرقه اخبار عماد شنو لك ولكل الشجره سلامي اخوك بركه الصغير

الوجيه فخري تحيه لشخصك العزيز والله المنتدى منور

اسأل عن اخبار ادعو الله ان تكون بخير واخبار الشباب المعاك وخاصه الاخ حسن

اتمنا ان نستمتع بمشاركتك كما كنت دئما
لك التحيايا والود

اخي ليس بغريب عليك البحث عن اخبار الاخوان وهزه صفاتنا نحن ابناء الشجره وحسن بخير وصحه جيده يسالني دائما عنكم ارسل لي رقمك للاتصال والانتريت ميسنجر اخي وافق الله سلام حار للاخوان عزالدين واولاده وحاتم كوريا واسامه ادريس وكل المعك من الحبيبه الشجره سلامي

العزيز فحري

اشكرك على الرد والسؤال،،،،،،،،،،،
بالله عليك الصور بتاعت الري الصورتها في الاجازه لو عندك اتمنا انك تنزلها في المنتدى
الايميل بتاعي

muntrhrm@hotmail.com

الاخ منتصر غالي والطلب رخيص حا انزلها لك الف تحيه ولحميع الاهل اي اوامر تانيه وصوره بنتك ماشا الله ربنا يحفظه ويجعله زريه صالحه امين يارب العالمين

يافخرى كيف حالك حاراسك على skapeبس اتمنى تكون صاحى وترد على وبالمناسة الصور نحنا ذاتنا عايزين نشوفها ارسل لينا كمان كنت فى رمضان الفات فى السودان ورمضان هناك طعمو جميل جدا القابلتو الفاتح الخطيب واسامة عابدين عند عبد السلام شحتوت وكنا فى سيرة بيت الغنم نستجر الذكريات التى لن تعود ابدا لك التحية وللاسرة الصغير ومن وين المانية والا من الشجرة تحياتى لهم وتقبل تحياتى والاسرة

المنتدى ده ناقصو زول مهم جدا .عارفو منو ؟الاستاذ المبجل وز مى (محمود جمال يسن) كان شبعنا بى نظيرياتو الفاشلة فى التاخير والله الزول انا مشتاق ليهو جدا مرتين مشيت السودان وماقابلتو والمرة دى ماقابلت طارق بركة امكن لانى مشيت فى رمضان وطبعا فى رمضان الناس بتكون مركلسة والزول الماكنت متوقع الاقيهو هو جعفر شريف لقيتو خاتى ليهو كرسى على شارع الشجرة الخرطوم فى السوق وعندو محل بتاع تصوير اظنو اخت قعدتى معاهو واعدنا الذكريات وجبنا سيرة بيت الغنم والرى المصرى وبرضو قابلت عندو حسان حمزة ومصطفى اوكا والقعدة كانت حلوة وعابدين السمين

الاخوان حسن احمد عثمان واحمد كبتن ومنتصر شعبان سلام الحكايه شنو رسلته ليكم الصور ولم يصل اي رد هل وصلت ام لا وشكرا

» ترحيب حار بالوجيه اشرف نقد
» ترحيب شديد بالوجيه ( تركمان)
» مرحبا" بالوجيه جمال سالم
» مليون سلام وترحيب بالوجيه محمد حسن حامد جدو
» يا فخري