الحنجره و الصوت

الحنجره و الصوت

الصوت من النعم العظيمة التي أنعم الله بها على الإنسان، ويعرف الصوت بأنه الموجة الحاملة للاتصال اللفظي، وهو ينتج
عن اهتزاز الثنيتين الصوتيتين (الحبلين) الموجودين في الحنجرة أثناء خروج هواء الزفير بينهما، وبناءً على معدل تكرار هذه
الاهتزازات بالثانية، يتحدد تردد الصوت، وتعتمد سلامة الصوت على التركيب السليم للحنجرة عامة وللثنيتين الصوتيتين خاصة، وعلى التحكم الدماغي بعضلات الحنجرة وبالجهاز التنفسي.

وظائف الحنجرة
من الناحية الفسيولوجية، الحنجرة ليست مسئولة فقط عن إصدار الصوت، فللحنجرة وظائف أخرى أكثر أهمية، فهي جزء من الجهاز التنفسي العلوي
الذي يمر من خلاله الهواء الذي نستنشقه إلى الرئتين، وهي الحارس الأمين الذي يحمينا (بعد الله) من دخول الأجسام الغريبة الى المجرى التنفسي السفلي، وما يمكن أن يؤدي إليه هذا من حدوث اختناق أو وفاة لا سمح الله، وأثناء البلع تغلق الحنجرة تماما عند التصاق الثنيتين الصوتيتين، فتمنع دخول الطعام أو الشراب الى الجهاز التفسي، وهذه وظيفة حماية هامة، كما أن الحنجرة مسئولة عن زيادة ضغط الهواء داخل القفص الصدري عند انغلاق الثنايا الصوتية، وهذا هام جداً لأمور كثيرة منها الولادة، ومن هنا يتضح لنا أن الحنجرة هي جزء هام وحساس لذلك لابد أن نتعلم كيفية المحافظة عليها.

أعراض إصابة الحنجرة بشكل عام:
عندما تصاب الحنجرة بمرض ما، نجد المريض قد يعاني من إحدى الشكاوى التالية:

1- صعوبة في التنفس قد تصل الى حد الاختناق.
2- صعوبة في البلع قد يصاحبها دخول الطعام أو الشراب إلى الجهاز التنفسي.
3- حدوث ألم أو إرهاق عند إخراج الصوت.
4- بحة في الصوت

حفظنا الله و اياكم من كل شر

[size=24]مشكور للمعلومة يامحمود000الناس ديل مابيقرؤ المواضيع ولاشنو؟؟

غايتو انا اكتر زول مستفيد من مواضيعك يامحمود

انشالله مانعدمك وتسلم لمنتدانا ياغالى[/size]

سلمك الله يا ابو على ،،، على الكلمات المشجعه و المحفزه ،،
و ربنا يمدنا و نقدر نزيدكم بكل ما هو مفيد حتى تعم الفائده ،،

يامحمود000الناس ديل مابيقرؤ المواضيع ولاشنو؟؟

اكيد الناس بيقروا ،، لكن قد يرى البعض ان الموضوع علمى و لا يحتاج الى تعليق ،،
و يبقى الأهم ان يستفيد الناس من المعلومات الموجوده ،،، اسال الله للجميع وافر الصحه و العافيه

انت تعااااااااااااااال يا حسن القال ليك انحنا مابنقرأ المواضيع منو والله مواضيع محمود ذات فائدة عظيمة وانا اول الناس البهتم بيها وبالامارة عندى الم فى الحنجرة وبقيت افكر ياربى دى الحبال الصوتية دايرة ليها فتلة ههههههههههه

والله فى كندا ما عرفو ليها سبب الا قالو القلق والتوتر وده بينى وبينك ما عندو علاج لانه الواحد البعد عن السودان وعدم الاستقرار هو الجاب البلاوى دى كلها اهه العندو الحل منو ؟؟؟؟؟؟؟؟؟؟؟؟

وانا اكون مدانة ليه بحياتى وانا بتكلم جد ولو استرسلت اكثر من كده حتحصل لخبطة كتيرة

مافى داعى ليها واولها البكاء هههههههههههههههه

والما بجيب الحالة النفسية شنو ياحسن قلت خلاص جاية السودان شهر 6 القيامة قامت قالو لى الناس فطسانين بالسخانة ودى الحاجة الما بقدر عليها طوااااااااااااااااااااالى رجعت خلف وقلت اجيكم فى الجو السمح .

الله يديك العافية يا محمود
الناس بتقرأ لكن يمكن الانشغال البيخليهم ما يتجاوبوا بالردود
واكيد كلنا بنستفيد من ما تقرأه وتسطره لنا هنا لنستفيد منه

وشكرا جزيلا اخي محمود علي الكبسولة البسيطة المفيدة دي
وفي انتظار المزيد انشاء الله

الاخ الفاضل محمد عبد العزيز كيف امورك؟

والله اشرقت الانوار , معقولة لكن انشغال قدر ده ؟ تغيبو ا مننا 3شهور وتظهروا يوم ؟

رسلنا سألنا عنكم وما فترنا . ومنتظرين ولا زلنا. لكم عاطر التحايا والود وربنا يديكم العافية.