كلمات من الاغاني

اشتقت ليك..

اشتقت ليك
ساعة المساء فرد الجناح
ولملم مصابيح النهار
والكون شرب لون الجراح
والعتمة نامت فى الدروب
والليل لبس اجمل وشاح
فى اللحظه اشتقت ليك واحتجت ليك..

فى اللحظه والناس بتسأل
عن بلاد اصلو مامعروفه وين
ياقلبى لى زول بيئن
حاضن الاسىء عبر السنين
فى اللحظه ديك اشتقت ليك
شوق السحابة الراحلة
فى جوف الشتاء عطشانه تحلم بالخريف
بقيت ضعيف
فى اللحظة ديك مديت معابر شوقى ليك
وحنين حنينى الطاغى ليك
كايس مجيك
وداير يجيك
فى اللحظه ديك
اشتقت ليك واحتجت ليك..

ننساك..

ننساك
انت انت بتتنسي ؟
ما انت روحنا وحبنا
سافرنا في عينيك ولسه
قلوبنا بيك متجننه

يا اغلى من نور العيون
يا احلي من النور غنا
كون من رشاقة وامسيات
باقات انيقة ملونه
الحان طروبه ووشوشات
انجم .. موسيقى .. ودندنه
ذابت قلوبنا عليك حنان
وانت بعيون ذوبتنا

غار المساء و الكون صبح
عشاق جمال يتاملو
وكل الحروف الفي الخيال
في لحظة جادو وما غلو
حتى القمر حولو النجوم
اتلفو فيك يتاملو
وقالو الجمال يا غالي بيك
كانت نهايتو .. واولو
ونحن في هواك يا غالي
لا بنطيق فراق لا بنحملو
واصلو المحبين الحنان
لا بنسو لا بتحولو
ننساك ؟؟
هو انت انت بتتنسي ؟

مافى حتى رساله واحده !!

مافى حتى رساله واحده
بها اتصبر شويه
والوعد بناتنا انك كل يوم تكتب الى
هل يجوز والغربه حارة
بالخطاب تبخل على
**
لما اخر مرة شفتك قبل ما اودع واغادر
كنت حاسس انى خايف
انى متردد وحاير
داير اتصبر امامك
داير اضحك ما نى قادر
**
بس دموعك لما فاضت ضيعت صبرى الشويه
وصحت موعدنا الرسايل
وين رسايلك
وين كتاباتك الى ؟
**
صرت بعدك يا حبيبى ذرة فى بحر الزمن
بعت للالام مواهبى
بعتها بابخس ثمن
وحشه ما بتعرف رسايل
غربه عن ارض الوطن
بس امل واحد بعيشو
لو رسالة تصل الى
بها اطمن عليكم
حرام .. تبخل على

وبهديكم جميعا : -
نسيم الروض
نسيم الروض زورنى فى الماسية
نسيم الروض زورنى فى الماسية
وجيب لى الطيب من جناين اسيا
وانعش روحى زيل الم البين
يا نسيم الروض نفحاتك بادية
غمرت ارجاء الحضر والبادية
وعانقت غصين الزهرة النادية
جاتنى النسمات بطيبك سارية
ووجدت عينى دموعن جارية
قالت يا عشوق محبوتك دارية
بى حالك وليك طارية
شكرا يا نسيم اخبارك وافية
لكن رياك لشفاى ما كافية
ما اظنى اطيب واشوف العافية
غير ما انظر الجميلة وجافية
زورنى فى الطيف يا غانية
انا روحى للموت دانية
لو أشوف ناعساتك رانية
الامى تزول فى ثانية
يا خلاصة الدر الغالية
غير فصدة خدودك حالية
ليك حق لو لى عاشقك سالية
مادام فاتنة ومن حب خالية
نيران هجرك اعضاى كاسيه
ماذينى جفاك ولى ما ماسية
كيف شوفتك ما تصبح قاسية
والنجوم قصرت لعلاك ما مواسية

المصير

==============

ليه بنهرب من مصيرنا ونقضى ايامنا في عذاب
ليه تقول لى انتهينا ونحن فى عز الشباب
نحن فى الأيام بقينا
قصة ما بتعرف نهاية
ابتدت ريدة ومحبة واصبحت فى ذاتها غاية
كنت تمنحنى السعادة
ولى تتفجر عطايا
ولما أغرق فى دموعى
تبكى من قلبك معايا

***
كنا فى ماضينا قوة
قوة تتحدى الصعاب
نقطع الليل المخيم ونمشى فى القفر اليباب
كنا للناس رمز طيبة
وكنا عنوان للشباب
وهسى تائهين لينا مدة نجرى من خلف السراب

***
تانى ما تقول إنتهينا
تنهى جيل ينظر الينا
بانى أماله وطموحه ومعتمد أبداً علينا
نحن قلب الدنيا ديه ونحن عز الدنيا بينا
تانى ما تقول إنتهينا
نحن يا دوب إبتدينا

قصر الشوق

باب الريدة وانسد

وقصر الشوق وأتهد

تمر أيام وتتعدى

ونقعد نحسب فى المدة

ومهما أجرب النسيان

الأقى الشوق بيمتده

****

وحات عمرا قضيتو معاك ،

محال عن ريدك أرتد

وراجى العين تلاقى العين

وأحضن أيدك البضة

وأهى الأيام بتتعدى

ونتعاتب ونرجع تانى لابد

***

يا قصر الشوق لو هداك حبيك

ومرة ليك صد

ببنيك بغلاوة الريد ..

محال أنا قصرى ينهد

واهى الايام بتتعدى

ونتعاتب ونرجع تانى لابد

****

أقول أصبر على الحرمان

أقول أنساك لابد

أشوف بس طرفك النعسان

تخونى القوة والشدة

وأصبر قلبى .. على الهجران

يثور ماضينا ويتحدى

وأهى الأيام بتتعدى ونرجع تانى لابد

محنة بتعدى وتزول

مافى أبدا مستحيل

وبالعزيمة تهون صعاب

والعسير يصبح يسير

ويرجعو الغايبين سنين

تانى للبيت الكبير

**********************************

الصغيرة شجيرة الأراك
ياقمر عشرة الفي سماك
شاغلة روحي وقلبي المعاك
وين لقيتك لامن آباك
القمر بوبا عليك تقيل

العيون الما بدمعن
نامن أو صاحيات يبرقن
لا بصيدن لا بعشقن
سرهن في الجوف يحرقن
كشفن رموشن أو غمضن
كلو موت ماتقول برحمن
القمر بوبا عليك تقيل

الصغيرون الما كبير
الرقيبة قزازة عصير
السنون براقن يشين
العيون متل الفناجين
مابتحش قشة تناقير
مابتشيل جردل على الزير
الزراب فوقا تقول حرير
شتتي شبار يامضمير
خلي قلوب الصبيان تطير
انتي ريحتك دمور فرير
ولا بت السودان اصيل
القمر بوبا عليك تقيل

الجزير ام بحرا حما
فيك روحي وحبي النما
مابسيبا ان بقا في السما
ما بخلي الناس تظلما
روحي في دربك سالمة
يا غرق يا جيت حازمة
القمر بوبا عليك تقيل

القديما قديما الحمام
الوديزين في موجو عام
يا مرايقة قليلة كلام
وا حلاتا تقول السلام
القمر بوبا عليك تقيل

الغزال الفوق في السلم
المحبة تزيد الألم
كل يوم اصبح لي في هم
سيسبان عودك منظم
شمعدان نفسك يامختم
البرتكان نهدك مدردم
القمر بوبا عليك تقيل

الصغيرون ام الجنا
ياكريم ربي تسلما
تبعد الشر من حلتا
جنة للأم الولدتا
الفي جبل عرفات وضعتا
تسلم البطن الجابتا
دي ترباية حبوبتا
التميرة الفي سبيطتا
الصفار صابغ خضرتا
معزورة امها كان دستا
وا هلاكي النار شافتا
معزباني انا ود حلتا
القمر بوبا عليك تقيل

الدفيفيق الدابو ني
البسيمتو بتكويني كي
اهلو ضنو عليها وعلي
حبها النساني والدي
ما بخليك ان بقيت حي
يا قصيبة السكر الني
نهدك الما رضع جني
ووب على امك ووبين علي
القمر بوبا عليك تقيل

الديوان الديمة مقشوش
بالزهور والورد معروش
بالحرير الأصلي مفروش
ريحتو مايقوما بلا رتوش
كان دا وصفو ماهو مغشوش
قدروا الساكنينو في الحوش
القمر بوبا عليك تقيل

بحر الدمير العض ونزل
مرة يسقي الفل والنخل
فيهو عام وزينا وقدل
ياهنينة البيك عقلي انشغل
بعت روحي عشان ليك اصل
وانت ابعد لي من زحل
يا قمر بوبا عليك تقيل

المبارك شيخ الضهر
العليك ساسكت وفتر
قلي جنيت ولا دستر
واي أنا المرضان مكنتر
جابو لي حكيم خير وشر
قلي يا زول مرضك كتر
سببك كم شلاخا خضر
القمر بوبا عليك تقيل

الاخ الثعلب حقيقى دائماً فى اعجاب بكل ما تتحفنا به فما انتقيته من اغانى اليوم:

اشتقت ليك :جد فى شوق لرؤية شخصك فانت كتلة فنون واحاسيس.

ننساك: سوف لن ننسى هذه الجرعات الشافية التى تزودنا بها من حين الى آخر فهى البلسم.

مافى حتى رسالة واحدة: يكفى هذه الرسالة الرائعة التى تضئ بريد الصفحات وبها بصماتك الجميلة.

نسيم الروض: انت النسمة وانت البسمة .

قصر الشوق: واخيراً امنياتى ان نبنى معاً جميعاً قصوراً من العلاقات الحميمة لا تنهد لا فيها صدًة.

لك كل الامنيات الطيبة وتشكر يا ملك والشكر الجزيل للاخ الكريم ادريس.

وقبل ما اغادر*******بالمناسبة من احب الاغانى الى نفسى جداً اغنية المصير وقبل ساعات كنت اتامل فى معانيها وفكرت ان انزلها فاذا هى امامى -------ده توارد خواطر؟؟؟؟؟؟

nimat mohamed salih كتب:: الاخ الثعلب حقيقى دائماً فى اعجاب بكل ما تتحفنا به فما انتقيته من اغانى اليوم:

اشتقت ليك :جد فى شوق لرؤية شخصك فانت كتلة فنون واحاسيس.

ننساك: سوف لن ننسى هذه الجرعات الشافية التى تزودنا بها من حين الى آخر فهى البلسم.

مافى حتى رسالة واحدة: يكفى هذه الرسالة الرائعة التى تضئ بريد الصفحات وبها بصماتك الجميلة.

نسيم الروض: انت النسمة وانت البسمة .

قصر الشوق: واخيراً امنياتى ان نبنى معاً جميعاً قصوراً من العلاقات الحميمة لا تنهد لا فيها صدًة.

لك كل الامنيات الطيبة وتشكر يا ملك والشكر الجزيل للاخ الكريم ادريس.

وقبل ما اغادر*******بالمناسبة من احب الاغانى الى نفسى جداً اغنية المصير وقبل ساعات كنت اتامل فى معانيها وفكرت ان انزلها فاذا هى امامى -------ده توارد خواطر؟؟؟؟؟؟

شفت الردود يااشرف00 Sad

nimat mohamed salih كتب:: الاخ الثعلب حقيقى دائماً فى اعجاب بكل ما تتحفنا به فما انتقيته من اغانى اليوم:

اشتقت ليك :جد فى شوق لرؤية شخصك فانت كتلة فنون واحاسيس.

ننساك: سوف لن ننسى هذه الجرعات الشافية التى تزودنا بها من حين الى آخر فهى البلسم.

مافى حتى رسالة واحدة: يكفى هذه الرسالة الرائعة التى تضئ بريد الصفحات وبها بصماتك الجميلة.

نسيم الروض: انت النسمة وانت البسمة .

قصر الشوق: واخيراً امنياتى ان نبنى معاً جميعاً قصوراً من العلاقات الحميمة لا تنهد لا فيها صدًة.

لك كل الامنيات الطيبة وتشكر يا ملك والشكر الجزيل للاخ الكريم ادريس.

وقبل ما اغادر*******بالمناسبة من احب الاغانى الى نفسى جداً اغنية المصير وقبل ساعات كنت اتامل فى معانيها وفكرت ان انزلها فاذا هى امامى -------ده توارد خواطر؟؟؟؟؟؟

وياسلام علي الطلة التي تأتي بك :
لا توجد حروف يمكن رسمها لكي تليق بالثناء الذي صغته لي :
لك كل ودي وورودي :
اشكرك واتمني لك كل الجمال

تخريمة :

الثعلب اشكرك كتير كتير وانا ما محتاجة لى شكر لانى بقول حقائق وانا ما عارفة اشكرك كيف وسبحان اللة انت بتهدينى اروع اغنية لاعز فنان عندى [ عثمان حسين ]وبى كدة تاخد فعلاً شهادة ملك الاحاسيس والمشاعر بدرجة الشرف والف مبروك ومن هنا اناشد المسئولين بان يكون الاخ الثعلب شجرابى الشهر هذه المرة والكل طبعاً حيثنى.

كل الامانى الحلوة لك سيدى

» الاغاني والموسيقي في ميزان الاسلام
» مكتبة الاغاني السودانية- مصطف حمزة -اغاني روعة
» كلمات اعجبتني
» كلمات حزن والبينا ضاع
» كلمات جميله