أصبروا علي !!!

موضوع: أصبروا علي !!! الإثنين 11 يونيو 2012, 12:20 am

كل انسان بيكبر ويهرم وفي الوقت داك بيكون محتاج لاولاده
اكتر من أي يوم في الحياة . الوالدين هما اساس حياتنا ولنقرأ
وصية هذه الوالدة لابناءها ..

يا اولادي لو حصل في الوقت داك شفتوني باكل بطريقة غير
مرضية والملاح بيقع في هدومي اصبروا علي وحاولوا تنضفوا
هدومي واذكروا في الوقت داك لما كنت بصبر عليكم واكلكم
وانضفكم بكل حب

ولو حصل وشفتوني قاعدة اتمتم في الكلام واكررو واعيد وازيد
اصبروا علي واتذكروا كيف قعدت اعلم فيكم الكلام بكل حب

لو بقت رائحة ملابسي او جسمي غير محبوبة وما قدرت استحم
براي حاولو حموني وما تضحكوا في جسمي النحيل الهرم
واتذكروا اني كنت بحميكم وانتو عرايا واغطيكم من الهوا بكل حب

و لو في يوم ما قدرت امسي ورجلي تقلت ساعدوني في خطواتي
و اتذكروا اني علمتكم المشي ( تاتي ) وحبه حبه ووبكل حبه وخوف
عليكم من اي اذية

ولو في يوم ما قدرت اصلي براي اعينوني على السجادة او الكرسي
واصبروا على كل ده , خاصة لو اشتاق الي ربي ساعدوني
في ايامي الاخيرة عشان اسلم عهدتي وارحل وانا فرحانة ان ديل
اولادي وبناتي عزي وكل شقاء ايامي المهدوا لي الطريق عشان
اقابل رب كريم وانا عافيه عنهم وراضية بكل العملوه في حقي
واشفع ليهم عند ربي يوم اللقاء به ...

...
سيف الأستاذ
والله خليتنا ندمع وعيونا ترقرق
ولو الزول كان براهو في المكتب
كان إنفقع من البكا

حقيقة وصية حارة وفيها كثير من الحكمة
وأثرتني لأني والحمد لله أمر بطور الإبن والأب في آن واحد
يعني خاتي نفسي محلها مرة كوالد وخاتيها محل الأولاد

يديك العافيه
...

ابراهومة

ربنا يجعلنا من الذين قال الله سبحانه و تعالي فيهم

( و لا تقل لهما افا و لا تنهرهما وقل لهما قولا كريما

)

تحياتي ...

اخي الحبيب والله نصيحتك مؤثره جدا نسال الله انو يعيننا علي الاخلاص في طاعة امهاتنا جزيت خيرا اخي