لعيبة تمردوا علي اندية حلتهم

أذكرت امبارح بعد مبارة فاز الأهلي علي الدينمو، سيرنا بقادي الذي تمرد علي الأهلي ولعب في الدينمو وكنا بنهتف من الرابطة لحدي بيت ناس بقادي "بقادي بصل الجاز وصل " طبعاً بقادي كان شغال في الدكان بتاع محمد العربي.
في لعيبة كتيرين سابو فرق حلتهم ولعبو في اندية أخري . الأهلي كان محظوظ في الحاجة دي. أذكر مثلاً طارق سمارة "المايسترو" ، عبد إله ، خميس حقار، الفكي قطبي، النور اسماعيل ، الهادي اسماعيل، جون كلمنت ، حبيب زكريا، أشرف عبد الله ،نايتي، حسون،.. أكبر فقد كان لاهلي هو حسن بي الله يرحمو لعب للسلام. وايضاً منعم حسن لعب للسلام. سؤالي من هو أكبر فقد لنادي حلة. أنا أعتقد طارق سمارة وتسجيلو في الأهلي كان خسارة كبيرة للسلام.

كتيرين اللعبوا في غير تيم الحلة مثلا : عاطف الزاكي - الحوري - اشرف عبد الله - الصادق جلال - اسامة السعداني - ياسر جلال في الحماداب ود القوي ماهر سلية وطارق الصادق في الشجرة والقائمة تطول ...
لكن اشهرهم انتقال ابو عبدة من تيم حي الجامع لتيم الري في تمارين الحجار

ياحاكم دفعوا ليه كم عشان يسجل الساحر ساحر الكره في الشجره lol!

فخري احمد عبدالله كتب:: ياحاكم دفعوا ليه كم عشان يسجل الساحر ساحر الكره في الشجره

ولا اي حاجة بس ناس الري كانوا ناقصين وقال حي الجامع فيهو هارون ومابنفع يكون في نجمين في تيم واحد

» اندية رابطة الشجرة