قطرات من نبع حروفى

اعزائى الملاحظ ان هنالك بعض الاخوان والاخوات يمتلكون حساً ادبياً لاباس بة سوى شعراً او نثراً فانا اقترح ات تظل هذة الصفحة لابراز هذة الموهبة

وتنمية هذا الحس وان كانت مجرد محاولة ولكن شريطة ان لاتزيد الابيات عن اربعة ابيات او 8 شطرات والسبب هو اننا نريد ان يكون هنالك تشجيع لكتابة الادب وتنميتة لدى

الجميع ---هذا يعنى ان هذا المجال (فقط) للاعمال الشخصية من شعر ونثر قصير جداً (غير مطول) اى لامجال للنقل من اى مكان .فما رايكم.

سوف ابدا انا ببعض القطرات.

فينى كلامك بيفضل آثر

بنقدر نعمل منة بيــــــــوت

وتبقى الكلمة الحلوة سقالة

عظمة عيشة واجمل قوووت

...
الأستاذة نعمات صباحك زين ومرحبتين
وشكراً للأفكار التطويرية وأسجل حضوري كأول التلاميذ وأتمني أن أكون من النُجباء

من محبتك إنتِ يا زاتي محال في يوم أقيف
ما حبي ليك ديمة جاري زي مطر الخريف
من مودتك إنتِ يا روعة يا ضُلي الوريف
ما إنتِ سحابة رحمة وجاتني في عز الصيف

...

هلا بالتلميذ المجتهد الحضور دائماً يلا وين باقى التلاميذ النجباء؟

ودى برضو قطرات اخرى:-

كلما القاها صورتك

يبدا لى ميلاد جديد

لما يبدو الناس فى سيرتك

ببقى اكتر زول سعيد

لو بتعرف كيف كلامك ***كيف لجرحى الفينى صحا

وكيف حلف قلبى البيعزك***لمل اكتب لومك يمحى

اصلها الايام مسارح ***فيها شينة وفيها سمحـــة

والفرح الكان شراكة *** فضً زى البرق لمحـــــة

ست نعمات

يعطيكم العافية

اقعدي قطرو لينا ونحن نشرب

غايتو دي مقدرتنا
ههههههههه

الاخ العزيز كريم,,,هنياً مرياً مطرح مايسرى يمرى ولو مارويتوا كلمونا ههههههههههههه

وينو ذنبى الاقترفتو*****ومنى ليك الاحتــــــــــــــرام

ليك شايلة الود حفظتو***فت شايل لى مـــــــــــــلام

شلت جواى سر كتمتة***وشلت من عينى مــــــنام

والكلام الكنت قلتو***اصلو مابيمنع ســــــــــــــــلام

زيدنى فى جرجى الفتحتو***بالقى فى ألمى الوئام

ما إنت زي روعة
غروب ..
في طلتك تأسر
قلوب ..
ويبقى العذاب بين
الدروب ..
أهوالو ما بتعرف
وصول ..
وريني بس يا أغلى
زول ..
الدنيا صعبة ولي
تحول ..

صاااحبة المشاعر المرهفه والمبدعه .. أستاذه (نعمات محمد صالح) ... أحببت أن أسطر حروووفي المتوااااضعه ... لأعلن العوده من جديد ... في رحاااااب منتديااات (الشجرة والحمادآب) ... ودي ومحبتي ياااا راااااائعهِِ

الاخ المبدع وصاحب القلم الجميل امير الشباب اعلانك عن حضورك بعد كل هذا الغياب رائع
افتقدنا قلمك طويلا لك التحية والاحترام اهلا بيك اتمني ان لا تغيب تاني

الاخ والابن الغالى امير الشباب:-

فى رجوعك دنيا باسمة

فتحت كل الورود

والكتابات تبقى حالمة

اصلو كان راجياك تعود

تبقى كل الدنيا غنوة

زى كمانات واحلى عود

وترسل الكلمات تزغرد

ولينا تسعدنا وتجود

والحروف فى الدارة ترقص

والقوافى بدون حدود

هلا ومرحب بيك وبطلتك الجميلة واتمنى ان تتحفنا بكل ماهو جميل وان يدوم البقاء بيننا وانت تتزين بثوب الصحة والعافية. امييييييييين.

الغالية ابدا نعمات ... طبعا نحن برة ناس الشعر ديل وما بنلحقكم ... لكن تخريمة صغيرة كدا :

ما أظنك...
تنسي ما بين أمنياتك
إني لا زال ليك ومنك
وإني مستني الخواطر
في الغمامات يوعدنك
المواني تدور فنارك
والفنارات يشتهنك