هل ندمت يوم على انك سودانى

بلادي أنا بلاد ناسا في أول شئ
مواريثهم كتاب الله ،
وخيل مشدود،
وسيف مسنون حداه درع،
وتقاقيبهم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرع وليها ضرع ،،،
وساقية تصحّي الليل مع الفجراوى..
يبكى الليل ويدلق في جداولو دمع
يخدر في بلادي سلام ..
خدرة شاربي موية النيل ..
تزرد في البوادي زرع
بلادي أنا بتشيل الناس وكل الناس
وساع بخيرها لينا يسع،
وتدفق مياه النيل علي الوديان
بياض الفضة في وهج الهجير بتشع،،،
بلادي سهول ،،بلادي حقول،،
بلادي الجنة للشـافوها ،أو للبرة بيها سمع ،،
بلادي أنا بلاد ناساً تكرم الضيف
وحتى الطير يجيها جيعان
ومن أطراف تقيها شبع ،،
بلادي الصفقة والطنبور ،،
وبنوتاً تحاكي الخيل
،يشابن زيي جدي الريل،
وشبالن مكنن في طريفو ودع ،،
بلادي أمان ،،بلادي حنان،،
وناسها حنان ،يكفكفوا دمعة المفجوع ،
يبدوا الغير علي ذاتهم ،
يقسموا اللقمة بيناتهم ،
ويدوا الزاد ،حتى إن كان مصيرهم جوع ،
يحبوا الدار ،
يموتوا عشان حقوق الجار ،
ويخوضوا النار عشان فد دمعة ،،
وكيف الحال كان شافوها
سايلة دموع ؟؟،،،،
ديل أهلى..
البقيف في الداره وسط الداره
وأتنبر وأقول للدنيا ديل أهلي
عرب ممزوجة بي دم الزنوج الحارة..
ديل أهلي
ديل قبيلتي لما أدور أفصل للبدور فصلي..
أسياد قلبي والإحساس
وسافر في بحار شوقم زمان عقلي
أقول بعضى..
ألاقيهم تسربوا فى مسارب الروح بقو كلي
محل قبلت ألقاهم معايا معايا زي ضلى
لو ما جيت من زي ديل..
كان أسفاي وأسفاي وآمأساتي وآذلي.

تصور كيف يكون الحال
لو ما كنت سوداني وأهل الحارة ما أهلي
تصور كيف؟


والله يا إسماعيل ياخوي ذي ما قالت أم أحمد لو ما كنت سوداني لا ودت أن أكون ســــــــــــــــــــــــــــــــــــــــــــــوداني


كل أجزاءه لنا وطن إذ نباهي به ونفتتن

نتغنى بحسنه أبدا دونه لا يروقنا حسن

حيث كنا حدت بنا ذكر ملؤها الشوق كلنا شجن


نتملى جماله لنرى هل لترفيه عيشه ثمن

خير هذي الدماء نبذلها كالفدائي حين يمتحن

بسخاء بجرأة بقوى لا يني جهدها ولا تهن

تستهين الخطوب عن جلد تلك تنهال وهي تتزن

أيها الناس نحن من نفر عمروا الأرض حيث ما قطنوا

يذكر المجد كلما ذكروا وهو يعتز حين يقترن

حكموا العدل في الورى زمنا أترى هل يعود ذا الزمن

ردد الدهر حسن سيرتهم ما بها حطة ولا درن

نزحوا لا ليظلموا أحدا لا ولا لا اضطهاد من امنوا

وكثيرون في صدورهم تتنزى الأحقاد والإحن

دوحة العرب أصلها كرم والى العرب تنسب الفطن

أيقظ الدهر بينهم فتنا ولكم أفنت الورى الفتن

يا بلادا حوت مآثرنا كالفراديس فيضها منن

فجر النيل في ابطحها يكفل العيش وهي تحتضن

رقصت تلكم الرياض له وتثنت غصونها اللدن

وتغنى هزارها فرحا كعشوق حدا به الشجن

حفل الشيب والشباب معا وبتقديسه القمين عنوا

نحن بالروح للسودان فدا فلتدم أنت أيها الوطن

وأنا ســـــــــــــــوداني أنا