تتدخين الفتيات هل هو حرية شخصية ام دليل انحراف

موضوع ألتزم بطرحه لرؤيتي بنو جنسي و هم يقتلون معاني الانوثة و تنطفى و تتلون باللون الاسود الداكن و هو لون الدخان الباثق من مخارج السيجــــارة و الشيشــــــة ظاهره اصبحت علنية او سرية و انتشرت بين الفتيات بشكل ملحوظ و عرضها لمناقشتها واجب يتحتم علينا لنقف عند اسبابها و كيفية محاربة مثل هذه الظواهر الدخلية على مجتمعاتنا الاسلامية و التي تستهدف شريحة مهمه في مجتمعاتنا .

*************
,,**هل آلتدخين يعتبر حضآرة آم تحضر كمآيعتقد آلبعض..
,,**آم هو حرية شخصية آم دليل للانحرآف..
,,**آمآ هى ظآهرة تقليد آلشعوور بآلتمرد على آلقيم وآلعآدآت..
,,**آم هى ظآهرة دليل آلآثبآت آلوجود.
,,**آم آنة حرية من آلآهل آو من صديقآت آلسوء..
,,**آو مشآكل عآئلية آو آلفرآغ آو تآثير آلفضآئيآت.

...
الأخ إسماعيل موضوعك والله جميل
اوعشان نخش فيهو نسأل نفسنا أول ليه بندخن وحرمتو من عدما
ورأي الدين في الموضوع شنو في ناس بحرموة بالدليل لا ضرر ولا ضرار
ولو هو حرام الدولة لية ما تمنعو زي العرقي والبنقو ووين مجلس الإفتاء من دة كلو
وطبعاً هو أكيد دخيل علي عاداتنا وتقاليدنا وزمان كان عيب حتي للرجال

وعن موضوعك تدخين البنات أو النساء فإذا كان الرجال بدخنوا لإثبات الرجولة فالتدخين عيب للسيدات
وإذا كان الرجال بدخنو للمزاج والكيف والزهج والمشاكل الأسرية والفلس والحاجات دي فمن رأيي ما في مشكلة في تدخين السيدات
.والموضوع في رأيي ما موضوع راجل أو مرا الموضوع أكبر من كدة
وتقبل تحياتي ومروري
..

اولا ياأخ إسماعيل نقول عافانا الله مما ابتلى به كثير من الناس
لانو حقيقة دا مرض وليس مرض جسدى أو نفسى ....دا مرض يصيب القلوب
اسبابه:البعد عن الله -وهجر القرآن -والتقصير فى العبادات
لان الواحد لو كان وقتو مليان بالانشغال بالطاعات تلقائيا حياته حاتكون
مستقيمة وما فاضى للحاجات الفارغة دى
وبالتالى حتى اصدقائه بيكونو اخيار وليس اصدقاء السوء والذين هم السبب التانى
فى توريطه بهذه الاشياء الغريبة
الشئ التالت وين ولى الامر معقولة فى بت بتغلب ليها راجل!!
دور الاب المربى للأسف الشديد تلاشى وبقى همو بس الاكل والشراب
وتوفيرالطلبات التى لا تنتهى وغالبا ما تكون حاجات تكميلية عشان مواكبة العصر
وينسى دورو الرئيسى وهو التربية ومراقبة أبنائه بيعملو شنو-بيمشو مع منو-يقرب
منهم يشوف تفكيرهم كيف -يطمئن على صلواتهم وصلتهم بربهم.
ولو سمحت لى اخى ابراهيم اختلف معك فى بعض النقاط:
الخمر حرام وحرمتها منزلة فى القرآن -ماحرموها العلماء وبالرغم من كدا الناس ماخلوها(البسكرو طبعا)
ايعنى الدولة ماعندها دور كبير فى الموضوع دا حتى لو منعتو وسائل التهريب كتيرة والعصابات مالية البلاد
الشئ التانى الزهج والمشاكل الاسرية والضغوط اليومية ما مبرر اصلا للرجل عشان يتعاطى الاشياء دى ..فكيف
اذا كانت بنت.والبت حاتبقى أم (والام مدرسة).
واذا كنت المسألة كيف ومزاج....الصلاة دى مالها....مش راحة للنفس
وكما كان يقول صلى الله عليه وسلم( ارحنا بها يابلال).
اللهم اهد بناتنا وشبابنا وعافهم من البلايا.

ام احمد كتب:: ولو سمحت لى اخى ابراهيم اختلف معك فى بعض النقاط:
الخمر حرام وحرمتها منزلة فى القرآن -ماحرموها العلماء وبالرغم من كدا الناس ماخلوها(البسكرو طبعا)
ايعنى الدولة ماعندها دور كبير فى الموضوع دا حتى لو منعتو وسائل التهريب كتيرة والعصابات مالية البلاد
الشئ التانى الزهج والمشاكل الاسرية والضغوط اليومية ما مبرر اصلا للرجل عشان يتعاطى الاشياء دى ..فكيف
اذا كانت بنت.والبت حاتبقى أم (والام مدرسة).
واذا كنت المسألة كيف ومزاج....الصلاة دى مالها....مش راحة للنفس
وكما كان يقول صلى الله عليه وسلم( ارحنا بها يابلال).
اللهم اهد بناتنا وشبابنا وعافهم من البلايا.

...
أم أحمد شكراً علي المداخلة الجميلة
منو القال العلماء يحرمو يا أم أحمد أنا قلت العلماء يفتوا فتوة واحدة وصحيحة عشان الناس المتشككة تتيقن
والقلاآن الحرم الحاجات مثل الخمر وغيرها واضحة لكنو حرم حاجات العابد العادي لا يستطيع فهمها
لذلك يأتي دور العلماء في الإفصاح والتوضيح والتفسير والناس البسكرو وعارفنو حرام ديل حسابهم مع ربهم
لكن الناس البتسجر ومفتكرة إنو ما حرام أو إنو مكروة وشايفين إنو مافي سبب منطقي يمنعهم من التدخين ما بقيفو
وأنا لمن ذكرت ليك بعض الأسباب الممكنة للتدخين ما أجزمت ليك بإنو الناس بتدخن عشان الأسباب دي
وأنا لمن قلت إذا كان مباح للراجل إنو يدخن وما عيب فما المشكلة في إنو المراة الأم المدرسة تدخن
بما إنو إفترضنا إنو لاحرام لاعيب بمبدأ المساواة وفي حاجات كتيرة المراة والراجل واحد
هسي بكرة يجيك زول يقول ليك رأيك شنو في سكر النسوان حتقولي ليهو شنو معقولة في بت بتغلب ليها راجل
هسي أسالك سؤال لية الرجال بسكروا والنسوان ما بسكرن وهل تتوقعي يجي يوم زي ما النساء الآن بقن يدخنن يجي يوم يسكرن
الموضوع أكبر من منو البدخن ومنو الما بدخن الموضوع مفروض يكون لية الناس بتدخن
ودي للجميع
...

انا بشكرك يااخ ابراهيم على الرد الراقى والشرح الوافى
وانا فهمت وجهة نظرك شنو
واقول ليك بتوقع انو فى يوم يكون فى سكرانات وبالكوم -اذا كان دا حال البنات -واذا كان دا حال
الآباء
وزد على ذلك الافلام الاجنبية معظم مشاهدا سكر نسوان او رجال -وللاسف حتى الاطفال بقو يشوفو الحاجات دى
والطفل بتعلم من الشئ القدامو.........عشان كدا بقول ولى أمر مافى ...معناتو البيت ضايع
ونسأل الله السلامة والعافية.......وربنا يحفظ ابنائنا وابنائكم

...
أم أحمد يديك العافية وتسلمي من كل بلاء إنشاء الله ويسلمن نسوانا يارب وبناتنا
...

الاحباء ابراهيم وام احمد اولا اشكركم على المرور
وكنت اتمنى ان تتسع المساحة بان تكون المشاركة
لعدد كبير من اعضاء المنتدى الاحباء وين هم

ياجماعة الخير
الله سبحانه وتعالى عندما حرم الخمر لم يقصر الامر على الرجال او النساء بل حرمه على المؤمنين جميعا

عندما نتحدث عن اية افة اجتماعية فنحن في البداية والنهاية نتحدث عن مضارها وهنا لا يختلف الذكر من الانثى
زمان كان حبوباتنا بيسفو
هسع الشباب بيدس كيس الصعوت من (الجكس) وبيسف تحت اللسان وكده

الخلاصة هل التدخين حرية شخصية ام دليل انحراف
يعني هل الشاب او طالب الثانوي لما يدخن بيكون ده دليل انحراف ولا لا

التدخين أكيد - حرية أدت للإنحراف - سواء للذكر أو الانثى

karim كتب:: ياجماعة الخير
الله سبحانه وتعالى عندما حرم الخمر لم يقصر الامر على الرجال او النساء بل حرمه على المؤمنين جميعا

عندما نتحدث عن اية افة اجتماعية فنحن في البداية والنهاية نتحدث عن مضارها وهنا لا يختلف الذكر من الانثى
زمان كان حبوباتنا بيسفو
هسع الشباب بيدس كيس الصعوت من (الجكس) وبيسف تحت اللسان وكده

الخلاصة هل التدخين حرية شخصية ام دليل انحراف
يعني هل الشاب او طالب الثانوي لما يدخن بيكون ده دليل انحراف ولا لا

...
أخونا كريم
يديك العافية وهنا مربط الفرس الشينة منكورة سواء للنساء أو للرجال
والعيب عيب للجميع وكذلك الجرام حرام للكل

وفي رأيي التدخين خاصة للناس الشباب الصغار دليل إنحراف
أما للناس الكبار فما بقدر أفتي ليك فيها إمكن إحتراما ليهم وإمكن لأني ما حصلت مرحلتهم عشان
أعرف السبب الحقيقي مقنع ولا إنحراف برضو
...