آخر الانتاج ( بريد الشوق)

آخر الانتاج بعد ان اكتملت فى الصورة النهائية اتمنى ان تنال اعجابكم

***ستتظهر على اولى صفحات ديوانى الاول نزيف الغربة والذى ساحتفل بظهورة فى احتفالية راس السنة باذن اللة تعالى.

يابريد الشوق وصلتَ

عندى ليك لو جيتنى همسة

الوصية تكون امانة

شيلها ماتأزاها لمسة

كلمة من جوف البيريدو

من قليب طاريهو لسة

قول لى مهما يوم بعدتَ

أو قليبك قرر ينسى

نحن طارياك كل حواسنا

والسفن لابد بترسى

صافية موجاتنا الحنينة

الا موجك طبعو اقسى

جيبو موجك للمرافئ

وتانى اديو برضو فرصة

والشمس لو نورا اشرق

برضو كان الليل حيمسى

والعيون لو طال بكاها

لسة راجية البسمة لسة

والاهداء للجميييييييييع ثم اهداء خاص للاعضاء النشطين الاخوان الكرام اسماعيل---كريم مع احلى المنى

( اها كمان مايكون خلوة النفس مع النفس تكون حرام فى كتابة الشعر ؟) lol!

مافى زوووول يقول لى الشعراء يتبعهم الغاوون الم تر انهم فى كل وادى يهيمون ويقولون مالا يفعلون( او فيما معناه) هههههههههههه

مقبولة الهدية اخت نعمات والله يديك العافيه على الكلام المليان السمح ، والله يجمع البسمة والمرافي والموج وتكون كل حاجة في مكانها

1/ ما تنسينا من طبعة موقعة من الاصدار الاول

2/ اكيد خلوة ولا تكوني ما مقيمة نفسك ههههههههههههه

3/ واحد امتحن براهو طلع الثالث هههههههههه

اخ كريم اكيد ليك نسخة موقعة مع نيل الشرف بذلك.

كان من اهم مايزين الكتاب هو الاهداء فية للشجرة الحبيبة بمن فيها ومافيها .

الاخت نعمات

والله انتــــــــــي كــــــــدا

ذووووق بذوووق

الله يسعدك ويخليك ياالمبدعه

ومشـــــــكورة ياصاحبه الذوووق كله

تقبلي مروري

ومشكورة على الاهداء الرائع

يا طالع الشجرة جيب لى معاك نسخة . بالفصحة او بالاخرى

خنساء الشجرة

نحن منتظرين وربنا يوفقك

ابداع والله يااستاذة كلام رائع وقمة في الابداع

الاخ اسماعيل تسلم وتستاهلوا واللة وبعدين يعنى انا الزمن دة كلللللة اتكلم واتونس واعمل ليكم وجع

راس وانا مااعرف الا الليلة انت منو وود ناس منو واخو ناس منو معقوووووولة ؟ تلاقيك انت عارفنى

وساكت .

ياخى واللة زادنى شرف على شرف فانت ابن ناس عزاز واخوات عزيزات جداً لك التحية القلبية الغربية

الخاااااااااااااااصة الندية نداوة قلب الاحباب الطيبين نادية--نجاة - ناهد , وبرضو ماباوريك انا منو واجتهد

زى ماانا اجتهدت ولكل مجتهد نصيب .ههههههههه

تحياتى لكل الاهل وفيض من الامانى العذبة .

اخونا عبدالوهاب واللة لودرت من كل النجوم (جزلان) مبهرج وممتلئ

او درت من جوة القمر( ساعات خواتم) بالحُلى تستااااااااااااااااهل , ونترجمة بجميع لغات العالم

وبالسى دى وتصاحبة موسيقى حالمة ودندنة . تانى فى كلام.

ولدى مصطفى الرائق الخلوق تسلم انت ويسلم زوقك الرفيع وبرضو ليك نسخة من حدق العيون .

الاستاذة الرائعة كلماتها والتي تعبر بصدق عن حس شعري قمة في الجودة ...
فحقيقة كلمات هذه القصيدة تمس اوتار الدواخل وتعبر بقارئها الي فضاءات واسعة .
بعد التمعن في قراءاة ابيات القصيدة وقراءة عدد كبير من مساهمات الاعضاء تدافعت الي راسي روي وافكار تكاملت في شكل اقتراح ساكتبه هنا وانشره كمساهمة مستقلة..
مدينة بحجم وتاريخ الشجرة المعطاءة التي خرج من بين ثناياها مبدعون في كافة المجالات
وما زال رحم الشجرة يحمل كل يوم المزيد من ثمار الفكر والثقافة حرام الا يكون لمدينة بهذا الحجم منتدي ثقافي خاص بها يضم مبدعيها للتفاكر وتجويد ونثر الابداع وحرام ان تكون ابداعات هؤلا حبيسة الدواخل او بالكثير بين صفحات الاوراق...
اقترح قيام منتدي ثقافي شامل لهذه الشجرة العملاقة الثابتة جذورها والممتدة فروعها لتعانق السماء ... ولا يقتصر المنتدي علي الشعر فقط بل يجمع كل ضروب الثقافة من موسيقي وغناء وتلحين ورسم وكتابات في مجال القصة وغير ذلك...
تعالوا اخوتي لنغرس هذه البذرة حتي نحصد ما في الشجرة الولود نم ثمرات الابداع.

الاخت/ نعمات
اولا انت بنت الحاجة/ سعيدة جاويش
واخواتك فايزة وهدى وزينب المحامية
وجيران ناس خالتنا سعدية محمد صالح رحمها اللة
وكذلك جدنا الحاج محمد صالح محمد رحمة اللة
ومنزلكم غرب ناس الشيخ وجنوب ناس عيد حاج حسين
عايزة زيادة ولا كدة كفاية

الاخ العزيز اسماعيل ,,,وصلت تب بس لمن تقرب على البيت ادينى كول عشان افتح الباب هههههههههههههه

عشان مااقول كنا فرشنا السكة ورود لو كلمتنا كان بالجية , عاوزين فعلاً نفرشها ورود وخاصة لو جيتنا كندا ورود على ثلوج

منظر جميل .

تسلم وتحياتى ليك ومزيد من الاخبار عنك وعن الجميع ونحن اكييييييييييد اهل ,,,تحياتى وكل السعادة بالاكتشاف هههههههه .

الاخ محمد عوض الكريم لك التحية , واللة كتبت ليك كلام كتييير وسمح للاسف اتلفت لقيتة مافى حصل شنو ماباعرف هههههه

المهم اختصرة تانى فى كلمات شكراً كتير على كلامك واعجابك بالقصيدة ودة يسعدنى جداً وشهادة اعتز بيها من اخ شجرابى ومن ارض حبيبة.

الاقتراح فى منتهى الجمال وانا اثنى واشكرك كتير على اللفتة الرائعة .

عشان مااقول كنا فرشنا السكة ورود لو كلمتنا كان بالجية , عاوزين فعلاً نفرشها ورود وخاصة لو جيتنا كندا ورود على ثلوج

الاخت نعمات
صعب الوصول اليكم
لكن نحن موجودين انشاء اللة بالسعودية جدة
وجيتك هنا اسهل ساعتها تشوفى الورود

الاخ اسماعيل شكراً ليك .

الاستاذة نعمات لك التحية والاحترام واتمني لك المذيد من النجاح
شنو اخر الابدعاع الفني

تسلمى ام وئام ياحبيـــــــــــــــبة وتسال منك العافية وعشان سؤال واللة اهديك آخر الانتاج وان كان

لى مدة لظروف قاهرة الانتاج قل والعزم لان ماعارفة الحاصل وزى مابيقولوا اهلنا للاكل( تاكل النفس)

انا كمان باقول(تكتب النفس) ههههههههههه

لو قلت ليك اليوم بيطول

والدنيا غيرك دون طعم

أو قلت ليك الخطوة ليك

ضلت مشاوير العشم

امسح دموع بتنادى ليك

...نزلت عليك حسرة وندم

دايراك تقول بس لعينيك

شايلاها فى عز الالـــــــم

فى عيونى نامت فى الانين

محروسة بى اجمل حلـــــم

باكر تقوم من نومــــــــتا

تلقى البعاد اصبح مَلَــمْ

والفرحة زادت روعــــــتا

كان للغياب حاسباه كم

عزيزتى ام وئام اليك اهدى كلماتى ولكل الاهل والاحباب وامنياتى بمزيد من الاستمتاع

ا الأبداع أحيانا تكون ألوانه متداخلة ومختلطة وهى تشكل اللون الذى يراه معظم الناس ان لم يكونوا كلهم فأراك أستاذة نعمات
أحد تلك الألوان بل انت اللون الأساسى فأنت شاعرة بكل المعنى وهنيئا للمنتدى بالشاعرة الذوق وربنا يزيدك كمان وكمان .

تلقى البعاد اصبح مَلَــمْ

والفرحة زادت روعــــــتا

امين ويديك العافية استاذة نعمات
متلمين في الخير

والطبيخ نفس كمان ههههههههههههههههه

...
فى حضرة جلالك .. يطيب الجلوس .. مهذب امامك يكون الكلام

آخر الانتاج ( بريد الشوق) 051411010529qgtz191jw8a6fp2

أكتبي وكلنا عيونٌ وآذانٌ صاغية
...

nimat mohamed salih كتب:: تسلمى ام وئام ياحبيـــــــــــــــبة وتسال منك العافية وعشان سؤال واللة اهديك آخر الانتاج وان كان

لى مدة لظروف قاهرة الانتاج قل والعزم لان ماعارفة الحاصل وزى مابيقولوا اهلنا للاكل( تاكل النفس)

انا كمان باقول(تكتب النفس) ههههههههههه

لو قلت ليك اليوم بيطول

والدنيا غيرك دون طعم

أو قلت ليك الخطوة ليك

ضلت مشاوير العشم

امسح دموع بتنادى ليك

...نزلت عليك حسرة وندم

دايراك تقول بس لعينيك

شايلاها فى عز الالـــــــم

فى عيونى نامت فى الانين

محروسة بى اجمل حلـــــم

باكر تقوم من نومــــــــتا

تلقى البعاد اصبح مَلَــمْ

والفرحة زادت روعــــــتا

كان للغياب حاسباه كم

عزيزتى ام وئام اليك اهدى كلماتى ولكل الاهل والاحباب وامنياتى بمزيد من الاستمتاع

الغالية نعمات عندما يختلط الاحساس بالجمال فانك بالتاكيد تكوني حضور جميل اشكرك علي هذا الاهداء الرائعة واتمني لكي المزيد من النجاح

الاخ العزيز مجدى تحياتى واحتراماتى.

اشكرك كل الشكر على هذة الكلمات الجميلة فى حقى واتمنى ان اجد دوماً كلاماً وحروفاً تسعد قلوبكم

وتريحكم من عناء الغربة والبعد عن الوطن ففى الحروف دوماً المتكأ والهجعة بعد الترحال. شكراً مرة اخرى ودمت بخير وعافية.

الاخ العزيز كريم . مفتقدنك كتير. احوالك؟

انشاءاللة بكل الفرح

نتلمً بى حب فى العيون

والناس تكون الوان قزح

نمزج صلاتنا باحلى لون

والضحكة من زولاً سمح

زى نسمة لمن تملا كون

وشجرتنا فيها الحُبْ طرح

ياربى زيدو وليها صون

الاخ الفاضل ابراهيم العمدة , لك الود .

ساكتب لكم دوماً فانتم اهل المعنى والتذوق وكل جميل , اشكر لك اخى هذا التعبير الرائع

روعة وجودك فى هذة المساحات وانت تضيئها دوماً بمواضيعك الشيقة , لك كل الشكر ودامت الصلات الطيبة.

الغالية أم وئام

من روعتك صعب الكلام

والاختصار كبر المقام

فلك انتى حبى والسلام.

مشكورة الاستاذة نعمات
ومجمعين عند النبي انشاءالله

الاخت ام وئام اهديك نصف القصيدة المهداة لي عشان اعوضك
كلوا سلف ودين
هههههه

يااااااااااكريم يااخو ى دحين مش فى مثل بيقول الهدية لاتهدى ولاتباع

ام وئام تستاهل مليون قصيدة لكن خاصة بيها بس مالها بتشيل عقاب الناس ههههههههههه

وتانى قصيدة ليك ماكو .ههههههههههههههههه : Wink

استاذة نعمات
النفس كان مرضية القصيدة تكفي 100 الا ان الطمع شين هههههههه

عارفنك ما بتقدري ومنو بيقدر يمنع الشمس ان تمنح دفئها
بكرة تجينا ناطه بقصيدة ههههههههههههههههههههه