الفلاتية الصغيرة

يامصطفى واللة انا اغنى ليك واقول( آآآآآآى السمح ولدى)

يااخى شكراً على الابداع دة وبامانة اقول ليك شئ بس اولاً اقول ماشاءاللة تبارك اللة يعنى انت تماماً زى ماباقول ليك دائماً انت بالضبط قدر المعز ولدى لكن يعجبنى فيك اسلوبك السودانى المتاصل فيك ,يعنى الليلة لو قلت لمعز اشرح لى

( من دار الاذاعة برسل ليك تهانى اترقب سماعها ) حيقول لى يعنى شنو الكلام دة , شفت الفرق بينك وبين اولادنا والعملتة فيهم الغربة ؟ لذلك انا باكون فى قمة السعادة لما زول فى سنك ويهتم بالتراث الفنى السودانى .

دة ياجماعة الشئ العظيم الفقدناه بسبب الغربة او بمعنى اصح دى الضريبة, وتانى ياريت الناس ماتتمنى الاغتراب ولو اكلوا فيها كوم تراب.

ايمكن الناس تقول طيب مصطفى ماهو مغترب برضوا , لا مصطفى لو كان اغترب من الصغر لكان الامر اختلف وبالذات لما يكون فى دولة غير عربية الامر اكثر سوءاً .

كلامك سليم وعين العقل يااستاذة وتسلمي كتير علي المرور الذي يشرفني ويسعدني -فائق إحترامي