الله ليك يابلد ويا مغترب

اصدر مجلس الوزراء قرارا يكافئ به المغترب لكل ما قدمه خدمة لوطنه واهله ولكل عمره الذى افناه بعيدا فى المنافى وظنى ان السادة الوزراء الذين وقعوا على القرار يتصورون ان هذا المغترب لابد ان يكون لديه سيارة جديدة ( موديل السنة )
كيف لا واصغر موظف يعرفونه فى بلدنا الحبيب يغير سيارته كل شهرين تلاتة ( طبعا الموظف المعنى معلوم بالضرورة ) ...
ايها المغترب الجيعان الهلفوت كيف تتجرا وتنزل الى السودان بسيارة مستعملة ؟
ثكلتك امك !!!
ويحك يارجل !!!
لا اعرف ماذا اقول ....
هذا نص القرار .....

قرار رقم ج ب أ/ م م ج د/1 المؤرخ بتاريخ 18/9/2010م موجه إلى كل من السادة : توكيلات با عبود التجارية .. شركة سوباط للملاحة .. شركة سونا للملاحة .. شركة الثريا للملاحة .. شركة وأدى النيل للملاحة .. شركة عز الدين للملاحة .. يحمل القرار بين سطوره الاتى :

الموضوع : إيقاف إستيراد العربات المستعملة
قرار مجلس الوزراء الموقر بتاريخ 16/9/2010م قرر الأتى

(1) منع استيراد العربات المستعملة للسودان عدا الجديدة موديل العام فقط .
(2) عدم السماح بدخول أي عربات مستعملة للسودان .
(3) لا يسمح بإنزال أي عربات مستعملة مشحونة عبر المؤانى والمطارات والطرق البرية .
(4) يسرى هذا القرار فورا من تاريخ 16/9/2010م دون أى إستثناءات .
(5) تتخذ الإجراءات القانونية ضد أي شركة أو وكيل نقل بالمخالفة لهذا القرار .. للتكرم بالعلم والإجراء

بلادى وان جارت على ( ............)
واهلى وان ضنوا على كرام ...

طبعا اول رد فعل لهذا القرار هو سوف ترتفع اسعار السيارات المستعملة في السودان 300% ويقوم السادة الكرام ببيع عرباتهم القديمة باسعار خرافية ويمشو يشترو هم السيارات الجديدة ويدخلوها البلد.

بلد منهوب من ساسو لراسو

ليكم يوم ياولاد الهرمة 00000 والله مهازل

وين حكومة السجم الشوم

karim كتب:: طبعا اول رد فعل لهذا القرار هو سوف ترتفع اسعار السيارات المستعملة في السودان 300% ويقوم السادة الكرام ببيع عرباتهم القديمة باسعار خرافية ويمشو يشترو هم السيارات الجديدة ويدخلوها البلد.

بلد منهوب من ساسو لراسو

ليكم يوم ياولاد الهرمة 00000 والله مهازل

وين حكومة السجم الشوم

دا قرار صادر من مجلس الوزراء ياكريم دى بلد ماعندها وجييييييييييييييييييع

77 وزير
25 والي
الاف النواب في البرلمانات (وطني -ولائي -محلي)

وكل واحد من ديل عندو استاف من دشليون واحد.

لازم تطلع القرارات الزي دي عشان تغطية التكاليف ال000000 دي.

زولك دى يحير وقت الجد كان ادى ينقنق وقت الفارغة يشيل ويبعزق

karim كتب:: طبعا اول رد فعل لهذا القرار هو سوف ترتفع اسعار السيارات المستعملة في السودان 300% ويقوم السادة الكرام ببيع عرباتهم القديمة باسعار خرافية ويمشو يشترو هم السيارات الجديدة ويدخلوها البلد.

بلد منهوب من ساسو لراسو

ليكم يوم ياولاد الهرمة 00000 والله مهازل

وين حكومة السجم الشوم

يعنى يا كريم برضو فى فائدة للشعب الغلبان ....
يبيع العربية بتاعتو القديمة .....
ويشترى بيها 3 كيلو طماطم !!!!!!

انشاءالله تجيب الثلاثة كيلو
اذا ما صرفوها في علاج ومصائب تانية وبعد داك يحوموا كداري ساكت

زي ما قلتي يا ايناس بلد ما عندو وجيع

رد الله غربتك يا وطن

وجعي عليك ياوطني..
فكلما سرك زمن أبكتك أزمان..............

والله يا ايناس ازمان السرور دي يعمينا ويطرشنا اصلو ما سمعنا بيها زاتو.

اذا كان الحلوين ديل ليهم هسع 22 سنه!!!!!!!
الا ق. م

واللة حوار يخوف ويحبط جداً لازالت فى ذهنى الصورة التى تركتها سنة 97 اعتقد الى حد ما جميلة , آآآآخ ياسودان

والعمل ياناس؟؟؟؟؟؟؟؟؟؟؟؟؟؟؟

الواحد نفسو مايسمع فية يوم شين .

استاذة نعمات هو شنو الما بيحبط في السودان عشان تكون السيارات استثناء .

قرارات ارتجالية لتحقيق مصالح لفئة معينة.
غبن
ظلم
اكل اموال الناس بالباطل واستخفاف بعقول البشر
التوظيف بالولاءات وليس بالكفاءات

سلوك عام متدهور يوم بعد يوم بسبب الفقر والفاقه اصبح الناس والعياذ بالله لا تفرق بين الحلال والحرام والرشوة اصبح اسمها حق (عندما تكون لديك معاملة يقول ليك (حقي بره قبل كل شي)

شارع لا يعلم بيهو الا الله

جوع - مرض - حروب- انفصال ( لي كم دولة ما معروف؟)

سعر المتر من الارض في الخرطوم اغلى من لندن ومنهاتن

و
و
و

اقول ليك شنو ولا شنو

خليها على الله وبس

وليكم يوم ياولاد الهرمة.

خليها على الله
ساكت