حيرتونى جد

موضوع: حيرتونى جد الأربعاء 08 سبتمبر 2010, 10:16 am

المنتدى الجديد بجد منفر ومتعب - معليش ياجماعة لازم اقول الحقيقة دى

من يوم اتعمل وانا بحاول الدخول وحتى الانسان لو قعدت تتحايل علية عشان تاخد منة شئ بيمسخ ليك ويمرق من نفسك

دحين ياشوفوا لينا صرفة عشان الزول يختبر نفسة حيقدر يتاقلم علية ولا لا ولا كمان خلونا فى حقنا الظريف داك.

تانياً شنو حتى محل كتابة دخول العضو حتة كدى زى الشحتة تحرق الروح .انا عشان اعاين ليها تاخد زمنى كلة ( كان تراعوا العيون السوداالكحيلة)شنو كل شئ صغير اللة يوسعها عليكم يارب.

وبعدين جماعتى ديل كلللللللهم كان ماجو معاى بهناك وحاتكم مابجى ههههههههههههه

كدى اتفقوا السودان ولا كندا ؟عشان نتلم فى حتة واحدة. lol!

الاستاذة / نعمات
أنا أضم صوتي لي صوتك وأنا أري أن المنتدي القديم أحسن وأفضل ومن رأيي إنو الناس تعمل إستفتاء لكل أعضاء المنتدي القديم ويكون تحت إشراف أخوانا ياسر عدوي وفخري ودا رأيي وإقتراحي وتقبلي تحياتي

اختى نعمات واخى مصطفى
اضم صوتى لكم لا اعرف غير شئى واحد ان القديم بحس بحنان واخوة الناس فيه بحس فعلا ان كل اخت سطرت عرف هى مثل منى اختى بت امى وابوى وكل اخ هو اخ لى لم تلده امى الف رحمة ونور عليها
احبتى الراحة النغسية للمنتدى القديم لها اعتبارها ولكن انتم ايضا لكم اعتبار خاص لكل ما ترونه صح

الاخ العزيز / سامي نيابة عن استاذة نعمات انا بحيك علي رأيك الذي أنصفنا و لكي لاينظر البعض بأنا ننحاز للمنتدي القديم دونا عن الجديد وحقيقة لايخفي علي احد ان المنتدي القديم افضل وتجد فيه الحنية التي جمعت الناس عند بدايات المنتدي وفيهو كما ذكرت ريحة الحبايب لذلك لانريد سوي ان نكون قريبين من بعضنا البعض نحمل هموم بعضنا ونشارك بعضنا البعض الافراح والاتراح وان نكون كالبنيان المرصوص في تفاعلاتنا أيا كانت الوجهة المهم هو ان نكون قريبين من بعضنا وادام الله بيننا المودة

موضوع: رد: حيرتونى جد الخميس 16 سبتمبر 2010, 2:23 am

حسب علمى سمعت انو المنتدى القديم مجانى وممكن فى أى لحظة يقفل والمنتدى الجديد
بأشتراك سنوى وماممكن يقفل ...أرجو من الأخوة القائمين على الامر ايضاحلت اكثر وربنا يجمعنا
جميعا فى ظل واحد وبيت واحد هو الشجرة .

موضوع: رد: حيرتونى جد السبت 18 سبتمبر 2010, 6:11 am

الاستاذه نعمات

بعد القصيدة العصماء ديك والدعوة للوحدة تاني جات سيرة البحر والحيرة
قديم ولا جديد ما مشكلة بس لازم يكون واحد

الاخ مصطفى الحنية تولد من رحم المودة ومادام الناس يهم نفس الناس انشاءالله تكون الحنية موجودة
والاستفتاء لن يزيد الامر الا تعقيد كما اسستفتاء فصل جنوب السودان ، لان حق الاستفتاء لناس المنتدى القديم فقط كما ذكرت.

اسال الناس ان يبحثوا عنما يجمعهم بدل ما يبقوا في النهاية اربعة منديات.

نسال الله الوحدة للسودان والشجرة كمان

ايه رايكم في القافية دي ههههه

موضوع: رد: حيرتونى جد السبت 18 سبتمبر 2010, 1:52 pm

الاخ كريم تسلم علي المرور الرائع والذي اسعدني جدا اما الاستفتاء سيختصر اشياء كثيرة جدا فهو مجرد راي شخصي في النهاية ونحن في انتظار المقترحات الجديدة وبعدها تتم الدراسة من جانب الاخوة في الادارة والهدف في النهاية كما قلت ان نكون شيء واحد وانشاء الله مايحصل كل خير -تقبل تحياتي

مجدى ابوعبدة كتب:: حسب علمى سمعت انو المنتدى القديم مجانى وممكن فى أى لحظة يقفل والمنتدى الجديد
بأشتراك سنوى وماممكن يقفل ...أرجو من الأخوة القائمين على الامر ايضاحلت اكثر وربنا يجمعنا
جميعا فى ظل واحد وبيت واحد هو الشجرة .

حسب راي المتواضع القصه لوقصه قروش ممكن ندفع ويبقي المنتدي دا زي ما هو لانه غير صعوبه الدخول بالمنتدي الاخر انك تدخل موضوع جديد صعبه وفي حاجه اسمها الايقونات دي مافهماها وبعدين الاهم المواضيع القديمه الظريفه ما موجوده
يعني انا مرات تهف لي بدخل بس عشان اقرا الناس زمان كتبت شنو
قريت لي موضوع ظريف جدا لي حاكم بعنوان تعالو نضحك الما قراه يقراه وتحياتي للاخ حاكم وترجع لينا بالسلامه وكل سنه وكلكم طيبييين ومتحدين في شجرتنا وفي سودانا رد الله غربتنا

الأخت غادة كيف حالك وتحياتي من على البعد للأخت إيمان سعيد لو ما أخطأت... حقيقة الواحد أحيانأ برجع للكتابات القديمة في استراحة جميلة مع الزمن الجميل وناس المنتدى الجديد كان دايرين يجونا أهلاً ولو مادايرين برايهم ولن أترك هذا المنتدى ولو جلست فيه وحدي لأن هذا المنتدى كله حنية والناس الفيهو أكثر حنية ( حد يشعر بالسعادة .. يمشي يختار البعاد !!! حكمه .... )

لافض فوك أخوناود الحاج وكلامك عين العقل وسليم مية المية cheers

وماتخاف ماحتكون براك لاني التاني

اخونا الحبيب ود الحاج
ليك زمن ما بنت الحكاية شنو مشغولية ولا طغيان علينا
المهم البركة فى شفتك والله جبيت المفيد حد يشعر بى السعاده ويمشى يختار البعاد
نحن هنا حيث الاخوه الصادقه والمحبة النابعة من حب الشجرة
اذا كان المشكله ان منتدانا مجانى وممكن يقفل حلها ساهل الريس ياسر عدوى كما جمع كل الاحبة يقوم يشوف طريقة يكون خاص بنا وانا اول من يساهم ولو قدرت اتحمل المبلغ كله اقسم بى الله ما خسارة فى الخوة الجميلة الصادقة وهذا الجمع الكريم
الكورة فى ملعب ياسر
التحية ود الحاج وليك وحشة والسلام اخى مصطفى عباس ولى سعال هل عندك احد اخوانك لعب فى الدينمو

admin الجنس :

الاخوة في المنتدي

الاخ والريس سامي والريس ود الحاج هنالك مفاجأه خلال الايام القادمة بخصوص الموضوع

للمنتدي

ولكم كل الحب والتقدير اخواني في المنتدي علي هذا الشعور الذي ارتوة من مياء الشجرة والحماداب

وترعرع بها ونهل من تعليم مدارسها

ترقبو الموفاجأ

لو تفاجئ او توافى

انت من طبعك معافى

يا سبب قولة عوافى

زول بعزك زينا مافى

مافى ...مافى

انت فيك لمة شملنا

وانت غيرك جد كملنا

البعاد الكان حرمنا

بى جهودك كم سعدنا

كم سعدنا....كم سعدنا....

قول وافصح لوعودك

ماالوعود الفيك اصيلة

انت للشجرة وترابا

ولللبيرقد فيها نيلا

حاشا مازول لخرابا

انت زول بتعدلو ميلا

قولو قولك يلا قولو

يلا بالزين والعديلا

*****

وفى انتظااااااااااااار مفاجاءآآآآآآآآتك يا استاذ ياسر.

لافض فوك ياأستاذتنا وتسلمي علي الكلام الرائع والجميل والمنمق وخاصة انو لي أخونا وحبيبنا وريسنا ياسر تقبلي تحياتي