سافرتي لية ؟؟؟

موضوع: سافرتي لية ؟؟؟ السبت 28 أغسطس 2010, 11:06 am

...

قصيدة :سافرتي لية ؟؟؟
كلمات : إبراهيم عثمان محمد عبدالحميد ( ودالعمدة)
أحبتي كما أخبرتكم قبل اليوم بأني لستُ بشاعر ولكني أحياناً أحاول الشعر وأحياناً
تجبرني الحياة علي التحدث بكلماتٍ أشبة بالشعر وأخبرتكم قبل أيام بسفر زوجتي
الحبيبة إلي الخرطوم ثاني أيام هذا الشهر المبارك وهي التي كانت دوماً كلما هطلت
أمطار بالخرطوم تذكرني ببيتها وطفولتها وأهلها وكيف الخريف عندهم وكم حبها له
وتعيب لي موطنها الجديد بمروي بجفافة مما حدا بي دعوة الرحمن الرحيم بهطول
ولو مطرة واحدة تطفئ عطشها للأمطار وتسكت لسانها عن سيرة السفر وأستجاب
الله لي ولكن بأمطارٍ غزيرة لم يصمد أمامها منزلنا المتواضع ولم يسلم شئ من أساس
المنزل سواي وهذا علي لسان أخونا ساداتكو ورحلت ثانيها ومنذ ذلك الحين وفارقني
المنام وليلة أمس راودتني نفسي بهذة الخاطرة التي أتمني أن تنال إعجابكم وأخبركم بأن أول
يوم رأيت في زوجتي العزيزة كان في مناسبة تخص أهلها ولمحتها بالشباك مجرد لمحة
وأنتظر نقدكم ورأيكم الذي يهمني أكثر

فُتِّيني وحيد بقيت مأسور هواك
رحلتي بعيد وشلتي الريد معاك
خليتيني واقف على باب الهلاك
مشيتي لي بيتك وأهلك وصباك
***
حرمتيني قُربك وآه من بُعدك ياملاك
كتلتي الفرحة رغم الزهرِ بالاشواك
رحلتِّيني من بيتي قبُل ساعة الإمساك
أخدتي الود الكان عايش زمن جواك
***
حلفتيني بالخلقك أبداً مستحيل أنساك
رحلتي بعيد هناك وأنا الطول عمري بستناك
هجرتيني في شهر الصوم و السبحة والمسواك
شردتي من زولاً حنين بالخير دوام يطراك
***
سبتيني في مروي يا روعة ومشيتي براك
وإنتي القبيل بتقُولي أنا شن بساوي بلاك
تركتيني معلّق في الهواء ما بين برج وأسلاك
رجعتي تقولي تاني أنا المشتاقة كيف أنساك
***
خبَّرتيني حُبِّك دون نضم تحريك شفاك
شتّتي أفكاري قبل ألمس أوتار هواك
جبرتيني أناقشك بي سكينة بدون عراك
سلبتي عقلي أصبحت بعدك بدون إدراك
***
عومتيني في البر ما لاقي وين مرساك
عديتي لي ضفة حرمتني من رؤياك
غرّقتيني في داخلك كمان جوّاك
إتربعتي في داخلي بدون إشراك
***
آلمتيني ليه باعدت خطايا عن ممشاك
سافرتي بعيد وفكّرتَ أمشي على خُطاك
وصلتيني لي نفقاً مُظلم أكيد ما زي مداك
غادرتي مكاني وسبتي هواي حائر وراك
***
حّلمتيني بي شرق شمسك وبي بهاك
وغبتي قبُل أملا عيني بي نور ضياك
خليتيني أتأمل أسباب جمالك وسِر حلاك
مشيتي وسبتيني سارح ليلي في ذكراك
***
سهَّرتيني أحسب كم نجوم في سماك
نمتي وحرمتي النوم عيون كتير حاباك
عذَّبتيني وما إرتحتي ودة كلو ماهمَّاك
سافرتي ليه يا زينة بس شنو الخلاك
***
حدَّثتيني يوماتي بي زمناً قبُل ألقاك
شلتي اللوم رميتي علي بدون مسَّاك
ختَّيتيني في مطباً سببو الخريف الجاك
قلتي محرومة من أُمك ووالدك الربَّاك
***
علقتيني بالخريف والمطرة والشكشاك
رجعتي في أول مطرة جات بي هناك
ذكَّرتيني يومي الشفتك كُنتَ بالشباك
جيتي مارة وقلبي رادك من يومو داك

تحياتي وأشواقي ودالعمدة
أغسطس 2009م رمضان 1430ه

...

الاخ الفاضل او الابن حقيقة العمدة لك التحية.

اولاً اهنيك جداً على هذا الاسلوب الجرئ الشجاع فى المحاولة --- عمل جميل ولديك قدرة فائقة وممتازة---عينى باردة --على اختراق وتطويع القافية الواحدة

اما مااريد ذكرة وهذا للفائدة طبعاً ان القصيدة رغم جمالها وماحوتة من ظروف ومشاعر فياضة تجاه شريكتك والذى اعجبنى كثيراً الا انها تنتقص الموسيقى الشعرية

وهذا ربما ياتى مع الممارسة ان وجد الحس الشعرى لديك , عدا ذلك فالمحاولة جميلة جداً ولك مستقبل يرجى منه الكتير .

اسال اللة ان يجمع شملكم وجناح الود والحب دوماً مفرود يظللكم ,وماتحكى الكلام ده بيجيب العين ههههههههه, تحياتى وبالتوفيق.

nimat mohamed salih كتب:: الاخ الفاضل او الابن حقيقة العمدة لك التحية.

اولاً اهنيك جداً على هذا الاسلوب الجرئ الشجاع فى المحاولة --- عمل جميل ولديك قدرة فائقة وممتازة---عينى باردة --على اختراق وتطويع القافية الواحدة

اما مااريد ذكرة وهذا للفائدة طبعاً ان القصيدة رغم جمالها وماحوتة من ظروف ومشاعر فياضة تجاه شريكتك والذى اعجبنى كثيراً الا انها تنتقص الموسيقى الشعرية

وهذا ربما ياتى مع الممارسة ان وجد الحس الشعرى لديك , عدا ذلك فالمحاولة جميلة جداً ولك مستقبل يرجى منه الكتير .

اسال اللة ان يجمع شملكم وجناح الود والحب دوماً مفرود يظللكم ,وماتحكى الكلام ده بيجيب العين ههههههههه, تحياتى وبالتوفيق.

...
الأستاذة والوالدة نعمات
أولاً تعجز الأقلام عن الشكر والإمتنان لجميل تكرمكم بالمرور والنصح
ورفع الروح المعنوية و إنشاء الله منكم نستفيد دوماً وأبدا
تحياتي
...

الرااااائع (إبراهيم العمدة) ... أحييك ياااااا رااااائع على مشاعرك المرهفه والنبيلة ... وأكثر ما يميز حروووفك الراائعه ... انهااااا تحمل ما بين طياتهاااا ... رهافة الإحاسس ... فكم أعجبتني تلك الحروووف الرااائعه ... والتي لم تنقصهاااا سوى الإيقااااع الموسيقي .... كما نوهت عنهاااا الأستاااذة (نعمات محمد صالح) ... ولكنهااا لا تخصم من رووووووعة الأسلوب ورهاااافة الإحساس ... لك ودي ومحبتي ياااا رااااائع

أمير الشباب كتب:: الرااااائع (إبراهيم العمدة) ... أحييك ياااااا رااااائع على مشاعرك المرهفه والنبيلة ... وأكثر ما يميز حروووفك الراائعه ... انهااااا تحمل ما بين طياتهاااا ... رهافة الإحاسس ... فكم أعجبتني تلك الحروووف الرااائعه ... والتي لم تنقصهاااا سوى الإيقااااع الموسيقي .... كما نوهت عنهاااا الأستاااذة (نعمات محمد صالح) ... ولكنهااا لا تخصم من رووووووعة الأسلوب ورهاااافة الإحساس ... لك ودي ومحبتي ياااا رااااائع

الأخ عاطف كرم الله أمير الشباب المشاعر الجميلة تأتي عندما نكون بينكم
فأنتم الأهل والأصدقاء والجيران و الأخلاء فأنتم ذكرياتنا الجميلة وماضينا الأروع
قلت فيما سلف أني لستُ بشاعر ولكني أحاول الشعر ولكن صدقت في
الأحاسيس ويبقي تنويه الأستاذة المربية نعمات محل تقدير و تصحيح
ولك مني أروع وأسمي آيات الود والتقدير وكل سنة وإنت طيب

أهنيك أخى أبراهيم على هذه الأبيات الشعريةالرائعة ...فرغم خصوصية الأبيات الا انها انسابت
بسلاسة شعرية تبشر بميلاد شاعر جديد ..التقدير ليك أخونا أبراهيم ونتمنى لك المزيد مع التجويد .

مجدى ابوعبدة كتب:: أهنيك أخى أبراهيم على هذه الأبيات الشعريةالرائعة ...فرغم خصوصية الأبيات الا انها انسابت
بسلاسة شعرية تبشر بميلاد شاعر جديد ..التقدير ليك أخونا أبراهيم ونتمنى لك المزيد مع التجويد .

...
أخونا مجدي لك الشكر والتقدير
حقيقة الأبيات قيدتني بالخصوصية
ولكن الفكرة كانت من الواقع

كما أتمني وقفتكم الجميلة بالقرب مني دوماً وتوجيهي للأفضل
ربما يكون القادم أحلي إن أتي

مودتي
...

كلام رائع من شخص رائع تحيتنا ليك الاخ ابراهيم وانت تزين صفحات المنتدي بكل ماهو جميل فلك التحية

مصطفي عباس كتب:: كلام رائع من شخص رائع تحيتنا ليك الاخ ابراهيم وانت تزين صفحات المنتدي بكل ماهو جميل فلك التحية

...
الأخ مصطفي يديك العافية وإنت الأروع والمنتدي جميل بي ناسو وأهلي الحلوين
بس سؤالي وين أيامك
...

سلمت وسلم قلمك وربنا ما يبعدكم
لانو حار خلاص بعد المسافة علي الاحبة

سهَّرتيني أحسب كم نجوم في سماك
نمتي وحرمتي النوم عيون كتير حاباك
عذَّبتيني وما إرتحتي ودة كلو ماهمَّاك
سافرتي ليه يا زينة بس شنو الخلاك

كلام معبر جدا والله سلمت وكفي

ام وئام كتب:: سلمت وسلم قلمك وربنا ما يبعدكم
لانو حار خلاص بعد المسافة علي الاحبة

...
أم وئام الله يسلمك ووئام كمان
المشكلة بعدنا عن الأم والاب والأخوان والأخوات
والزملاء والجيران والأصحاب والرفاق ( والشجرة زاتا )
ودة كلو وصابرين أخيراً بقت الزوجة والأبن
وهنا إنكسر جدار الصمت
...

ام وئام كتب:: سهَّرتيني أحسب كم نجوم في سماك
نمتي وحرمتي النوم عيون كتير حاباك
عذَّبتيني وما إرتحتي ودة كلو ماهمَّاك
سافرتي ليه يا زينة بس شنو الخلاك

كلام معبر جدا والله سلمت وكفي

...
أم وئام
قالو أسأل مجرب ولا تسأل طبيب
ويقولون بأن المعاناة تولد الإبداع
وإن كان المخاضُ عسيراً فلا زلنا غيضٌ من فيض

شكراً جميلاً لمنحي هذا الكم من المعنويات
...

إزيكم أهلى العزاز وحُنان والشكر لى الاخ إبراهيم لشجاعته وإعطائه الإذن لنا لمشاركته منظومته الخاصة إن جاز التعبير
وانا من رأيي إن كل إنسان بداخله شاعر ولكن يحتاج الى شجاعة وثقة فى النفس وإحساس عالى حتى يستطيع ان يخرجه
فى أبهى صورة وهذا لا ينقصك أخى إبراهيم (ماشاء الله)وهناك مواقف معينة لشدة وقعها على نفسك تُخرج ذلك الشاعر
واحيانا دون قصد منك ’وهذا حصل لى عند بداية سفرى خارج الوطن العزيز ....وكأنى لم أستوعب ذلك الفراق عن الاهل
فبدأت يدى تكتب من غير إذن مني :
إخترت نأيي بيداى .........وبعُدتٌ عن أهل الوداد
وودتُ لو أنى أظلُ بقربهم.........لكنها حال الدنا تهوى العناد
فلهم منى التأسفُ والمقل تبكى.......على لحظاتهم حد الحداد
لكن عزائى فى وجوه كالدرر.......خلُدت تُلألئ ذاكرتى رغم البُعاد

**وهذه أول مرة أكتب فيها نظما غير أنى كنت أكتب بعض الخواطر
وبما أن الاستاذة قد أجازتك شاعرا فأنت الآن أستاذى فما هو نقدُك لهذه التجربة
فرُبما أستطيع اللحاق بركبكم .

ام احمد كتب:: إزيكم أهلى العزاز وحُنان والشكر لى الاخ إبراهيم لشجاعته وإعطائه الإذن لنا لمشاركته منظومته الخاصة إن جاز التعبير
وانا من رأيي إن كل إنسان بداخله شاعر ولكن يحتاج الى شجاعة وثقة فى النفس وإحساس عالى حتى يستطيع ان يخرجه
فى أبهى صورة وهذا لا ينقصك أخى إبراهيم (ماشاء الله)وهناك مواقف معينة لشدة وقعها على نفسك تُخرج ذلك الشاعر
واحيانا دون قصد منك ’وهذا حصل لى عند بداية سفرى خارج الوطن العزيز ....وكأنى لم أستوعب ذلك الفراق عن الاهل
فبدأت يدى تكتب من غير إذن مني :
إخترت نأيي بيداى .........وبعُدتٌ عن أهل الوداد
وودتُ لو أنى أظلُ بقربهم.........لكنها حال الدنا تهوى العناد
فلهم منى التأسفُ والمقل تبكى.......على لحظاتهم حد الحداد
لكن عزائى فى وجوه كالدرر.......خلُدت تُلألئ ذاكرتى رغم البُعاد

**وهذه أول مرة أكتب فيها نظما غير أنى كنت أكتب بعض الخواطر
وبما أن الاستاذة قد أجازتك شاعرا فأنت الآن أستاذى فما هو نقدُك لهذه التجربة
فرُبما أستطيع اللحاق بركبكم .

...
أم أحمد حيلك علي شوية
يادوب أنا أزح ليك شوية من الكنبة وأفضي ليك مكان تقعدي جنبي
ونربع يدينا ونقول للأستاذة في حضرة جلالك يطيب الجلوس
مهذبين أمامك يكون الكلام

لكن كرأي من طالب دفعتك ما شاء الله وعيني باردة
وخاشة توش بالفُصحي كمان

مشاعر والله أنا شاكر ليك شديد مشاركتك لي المنظومة كا أسميتيها
وكلامك عن الشجرة في بوست آخر خلاني أفتخر بيها زيادة وقلوبنا كلها بتدق الشجرة الشجرة
...