رمضان كريم ** صفارة الثلج

الاخوة فى المنتدي *** رمضان كريم وتصوموا وتفضروا خير على اللهم اجعله شهرا مباراكا ومغفرة وكفارة للذنوب انشاء الله .......
السلام والتحيات العطرة لاي زول كان بمشي لمن صفارة الثلج تضرب الساعة 12 اشيل النشارة من النجاريين وبعداك يمشى الثلاجة ويستلم حصة الثلج بالكرت المحدد حسب عدد الاسرة
بالله اي زول كان بمشي استلم الثلج يرد لي مشكور بمداخلة لكي نستعيد تلك الايام المشرقة فى شكلها الاجتماعي الزاهي
وكل عام وانتم بخير
منعم سعيد ود الري

يحبيبنا اخي منعم الله اكرم وانشاالله من عتقاء هذا الشهر اخي وربنا يديكم الصحه والعافيه ويحفظكم ومن كل مكروه ,امين يارب العالمين انا كنت بمشي اجيب النشاره والثلج واتذكر كان عمك جباره وعم عربي موجودين في الثلاجه تتذكرم ربنا يكرم مثواه اينما كانوا ابانءنا واعمامنا وبعدين عارف الماسك صفاره الري منوا الان الحوري الكبير ود عمي يعني بقت تضرب متاخره دايما زايق هههههههههههه الله يديه والصحه والعافيه .

وكان ماسك الصفاره في ذلك الوقت الوالد المغور له بادن الله الشيخ علي الشيخ فريوه له الرحمه والمغفره وكانت تايعه لقسم التلاجه ومعهم الاب الروحي الف رحمه ونور علي قبره الوالد حسن علي صباحي عملاق الكره ونادي المريخ والي الن يذكر اسمه مع عملاقه المريخ له الرحمه والعم الشيخ فريوه كذلك في الهلال

سلام فخري رمضان كريم وتصوم وتفطر على خير
ياسلام عليك يافخري ذكرتني بي ناس الله يرحمهم
بس عاوز اقول ليك الصفارة كانت فى الورشة الجنب الثلاجة طوالى وهي بابور الكهرباء الكانت بتغذي الري المصري بالكهرباء وفعلا الناس الكانوا شغالين فيها وناس الثلاجة كانوا كلهم بقعدوا مع بعض من شدة صوت البابور العالي وبعدين هم بتبعوا لي قسم واحد او بمعنى اصح بكملوا بعض (موية + كهرباء )
الله يرحم الشيخ فريوة وذكره المرحوم الرئيس نميري فى حلقات اسماء فى حياتنا عندما تطرق للرياضة والكورة فى ذلك الوقت اضيف ليهم عمنا محمد مرسال والوالد سعيد بخيت كان فى الثلاجة قبل ما يمشي الهرباء وفى واحد برضو كان اسمه مصباح وفضل محمد نور.
اتذكر الصفارة مرة طربت بالليل وكل الناس جروا مهرولين للري وكانت كارثة غرق الباخرة الفويم وشاهدنا الباخرة وهي تغوص داخل المياه وكان يوما حزينا فى تاريخ الري المصري.
ونواصل *** كل سنة وانت طيب ورمضان مبارك
منعم سعيد

اخي منعم ربنا يديك العافيه كان ناس الكهرباء الريس بتاعهم عمك الرشيد وبعدين عمك محمد عبد النبي والمرحوم بابكر والوالد سعيد بخيت ومصباح ومحمد احمد ابو سوار وربيع كان وقتها ربيع اخو القلع صبي مع العملاقه بيتعلم ديل كانوا ناس الكهرباء البتذكرم واصل وبعدين الباخره الغرقت كانت مصر باخره الملك فاروق كان مسول منها جدي خضر الريح طيب الله ثراه لانه الفيوم كان ماسكه ابوي رحمه الله عليه ودارفور كان ماسخه المروحم الوالد نمر سعيد له الرحمه والمغفره .