أهلا بالشباب بعد غيبة

أحبابي وأخواني وأخواتي من أمنا الشجرة
مشتاقين كتير والله للجيران والحلة سلام كدة من بيت ناس القلع وهو اول بيت فى الركن الشمالي الغربي لحدي بيت ناس نصر الدين كدو فى الركن الجنوبي الشرقي ومن ناس عبد الباسط فى الشمال الشرقي لحدي بيت ناس رمبات فى الركن الشمالي الغربي وبي كدة يكون السلام شمل الشجرة فردا فردا الجو السودان والبرة.
وسلام خاص لكل الاهل والاحباب فى الحماداب من جامع نور الدائم لحدي الحماداب جنوب ومن السوق لحدي بيت ناس عصام عابدين جنب نادي الحماداب وقبله مباشرة تحية خاصة لآحسن واحدة بتعمل كوارع فى السودان على وجه الاطلاق.
والمعذرة لو فى ناس سكنوا فى الحي الجديد الاسمه يثرب والله انا ما بعرف فيه اي حاجة ويبقي فى زول واحد ما شمله السلام لانه ساكن جنب البحر فتحية خاصة للسني رجل كل المهن
فياشباب الغيبة طالت وكانت ظروف متعددة
تحياتي لكم جميعا وتحية خاصة على المشرف فخرى احمد عبد الله وانشاء الله نساهم مع بعضنا كلنا باسهامات لكي نحافظ على هذا الرباط الاجتماعي الفريد ونعكس وجه مشرق لشجرتنا الوارفة دائما باذن الله ...................... ولكم ودي وحبي الكبير
منعم سعيد - واشنطن

الف مرحبا بك وحبابك عشره الاخ منعم سعيد
وحللت اهلا ووطئت سهلا

اخي العزيز منعم سلام كتير وشوق اكتر لشخصك العزيز اخي البيت نور والحمد لله الذي يسر لنا هذا المنتدي ليلتقي الاخوان والاحباب في كل بقاع الارض والله بسال عنك يامنعم قالوا لي العمده في واشنطن اخي سلام لك وللاخوان الغالي بدر الدين ومحمد ويالله ورينه التاريخ عارفك اخطر من المرحوم صطفي شجاته في السرد للتاريخ اهلا حبيبنا معنم بين اهللك وعشيرتك

اهداء للعزيز منعم سعيد بخيت

أهلا بيك يامنعم في بيتك التاني ومنور طبعا ونحن في إنتظار جديدك لك التحية

ألف شكر يافخري ودائما هذا ديدنك كما عهدناك وأغنية البلابل جد طرقت وجدان وابكت مشاعر وجال بخاطري ذكري جميلة وعطرة الواحد كان يجي قدام المدرسة المصرية ويشوف فخري الحوري الانيق دائما وما حصل ولو بالغلط بتلغى فخري ما حاشى البنطلون ولا لابس ليه حاجة اي كلام فهو فخري الانيق اللبيس طيب المعشر ياتري لسة مازالت التسريحة الجميلة.
وسور المدرسة المصرية كان لامي وما داير ادخل فى تفاصيل اكثر لانه انا ذاتي ما عارف الناس البتصحي الذكرى المنسية ديل وين !!!!!! ؟؟؟؟ياسلام ايام جميلة وذكرى عطرة
فلك ودي وتحياتي يافخرى
[/b]

mustafa abbas كتب:: أهلا بيك يامنعم في بيتك التاني ومنور طبعا ونحن في إنتظار جديدك لك التحية

مصطفى الف شكر على هذه المشاعر الجميلة واتمنى اتعرف بيك اكثر
منعم سعيد ود الري

عزالعرب صالح كتب:: الف مرحبا بك وحبابك عشره الاخ منعم سعيد
وحللت اهلا ووطئت سهلا

عز العرب وعز الشجرة
وين ياعزو مشتاقين كتير خالص والحمد لله الواحد ما زال فى خاطره ووجدانه ذكرى جميلة وعطرة وكان منزلكم العامر محط ضيافة وكرم الواحد يكون قاعد فوق اللستك الفى ركن البيت وراجي ليه زول يا عزو عليك الله خش جيب لي موية !!!!!!!
تحياتي لك ولاهلك وسلام خاص ليسري ولو سمحت ظروفك رسل لي تلفونه على الاميل بتاعي
monimsaeed@yahoo.com
ولك ودي وشكرى
منعم سعيد ود الري

الأخ منعم اتشرفنا بيك كتير واسعدنا وجودك انا مصطفي عباس مصطفي من الحماداب جوار المدرعات ونحنا من أجيال اللابتوبات زي مابيقول أخونا فخري تحياتي

مرحب والف مرحب اخونا منعم وسط منتداك وبين اهلك وناسك ونتمنى تجد دائما ما يسرك في المنتدى

والله عجبتني تسريحة فخري دي ؟
ما تضايق يافخري ههههههههههههههههه

منعم سلامات وعشان ما تقول لي زي ما قلت لمصطفي عباس انا عثمان بشير وكده ما تقدر تعرف حاجه لكن اعرفك بالطريق التاني طريق جبل اولياء انا ولد بنت خلف الله فضل المولي اعرفك اكتر كمان انا ابن اخت سعد خلف الله وبعد كده لو ما عرفت اخونا فخري يعرفك

عثمان بشير كتب:: منعم سلامات وعشان ما تقول لي زي ما قلت لمصطفي عباس انا عثمان بشير وكده ما تقدر تعرف حاجه لكن اعرفك بالطريق التاني طريق جبل اولياء انا ولد بنت خلف الله فضل المولي اعرفك اكتر كمان انا ابن اخت سعد خلف الله وبعد كده لو ما عرفت اخونا فخري يعرفك

تشرفنا ما عاوز اقول ليك اخو واكون ظلمتك وما عاوز اقول ليك يا ابني تقوم تقول بستصغرك أنا دفعت خالك سعد بعد كدة انت قدر
طبعا محل الفول بتاع سعد كان محطة لقانا فى ايام جميلة وليالي موشحة بذكريات كبيرة وعظيمة وكنا نرتاد المحل انا وصديق عمرى ودفعة الدراسة فى كل المراحل الصادق جلال
طبعا جدك الله يرحمه كان يزين الري المصري باندر واجمل واعطر الزهور الموجودة فى الدنيا والتى كانت فى مشتل الري المصري ونحن طبعا استمتعنا بتلك المناظر الخلابة والفاكهة التى كانت بداخل جنة العم خلف الله وده كان كنز من كنوز الري المصري.
تحياتي لك ولاسرتك الكريمة وسلام لكل الاهل
ود الري