حاتم عبد القادر ..أبوشنب ..!!

الغربة.......... كلمة صغيرة لكن معناها كبييير
والمها اكبر
الغربة كلمة نقف على اعتابها في حيرة من امرنا من اين نبدأ
من اي الم واي جرح واي مصيبة
لكن الشيء الايجابي فيها هو علمتنا الصبر على المصائب
فلا مال ولا رواتب تساوي لحظة نعيشها بين احضان وطننا
وتواصل وصلة رحم مع الاقارب والاصدقاء والحبابيب
سنون غربتي علمتني الصبر وحسستني بقيمة الوطن
والغربة بقت غربتين غربة البعد عن الوطن وغربة التوهان وموت القلوب
لك العتبة حتى ترضاء اخونا باسطة صدقي

باسطة صدقي ديه حلوة
صدقى الله يرحمه ويغفر له و يسكنه مع الصديقين و الشهداء و يبارك له في ذريته كان معلم من معالم الشجرة قبل حلاوة باسطططه يقابلك بحلاوة لسانه و قلبه الكبير وتلك البشاشه كان شهم في كل المواقف وكل سكان حي البئير يعرفونه كيف كان ينزل على المقبرة عند وفاة أي شخص في الحي ويتقدم الآخرين تعرفت عليه من قرب صادق محب لأهله وجيرانه كل يمثل طيبة هذا الوطن الممتد
نخرم لموضوع الغربة والله ده بقى مصير لا فرار و لا فكاك منه حتى ينزل الله الرحمة بنا
نخرم لموضوع الاغتراب في بلاد الغربة بين المغتربين السودانيين أنفسهم وديه حكاية تانية و كبيرة ومتداخلة و متشابكة حتى انا شخصيا ما قادر اضع معادلة لحلها ولكن طبيعة الاغتراب وأهدافه الغير محددة تداخل و تتشربك مع مواضيع كثيرة و تخلق جفوه وتقصير ولوم وو .......
لكن أخي باسطة نحن هنا محكومين بواقع لم نتعود عليه دوام منتظم لا تقطعه العلاقات الاجتماعية أسرة لا تملك حق التصرف ألا داخل الشقة وخارج الشقة الحجل برجل خلف الأفندي مكان ما يمشي و تتوزع أوقات الفكاك من الدوام ما بين الأطفال والإغراض و من لديه متسع من الوقت بعد الدوام يجد نفسه براهـهـ ما يقدر يقوم بواجب اجتماعي لان البقية دوامها يختلف يعني ذي ما قلت عملية مشربكة وملخبطة 38 شهر ما نشوف رامز وخمس شهور ما نعرف انو فلان عموه او عزيز لديه متوفى وفلان كان عنده مناسبة يعني ديه نحلها كيف ما عارفين
وربنا يرد غربة الجميع ويملكنا الشجاعة وقرار نطلق الغربة ونرجع للبلد الوجعة أمين لكل السودانين

اخوانى الغربة سخنة شديد لكن العزاء اتكم مع بعض ...ربنا يخفف عليكم .

واللة اول مرة اسمع لى زول سودانى عندة اسم رامز غيرنا , ياجماعة يالعندكم رامز ادونا حق الاسم وعاوزنة بالدولار لانة مابنتعامل الا بالدولار , اها قلتو شنو ورونا

وانشاءاللة يكون عندكم معز ولا وضاح ولا امنية عشان ترسلوا نقدر نشترى هنا بيت باللة.........يلا ربنا يحفظة ويتربى فى عز الاهل.

باسطة العزيز
كل عام والجميع بالف خير

انا بتي الكبيرة بتعمل 15 سنة بعد شهرين والقعدتو منها في السودان كلها لوجمعناها ما بتعمل 6 شهور

يعني رامز يعتبر محظوظ لحدي هسة

اخر اثنين شهد 2.5 سنة سنتين ونص (ماتقوم تقراها خمسة وعشرين) دي ماشافت السودان نهائي
اوالاكبرمنها يزن 4.5 اريعة ونص (ماتقراها 45 سنة برضو ماشاف السودان
بالمناسبة المجموع الاجمالي عدد 6 (4 بنات وولدين)
روان - رزان - ساندريلا - ومحمد - يزن - شهد

الاستاذه نعمات كلنا عايزين نشتري بيوت وباي عملة مافي مشكلة

بالمناسبة اسم سندريلا براهو بيجيب فيلا هههههه