مرتضى منصور جديد

موضوع: مرتضى منصور جديد السبت 29 مايو 2010, 11:56 am

قبل خمسة او سته مواسم من الان كان الهلال قد بدا في النضوج الكروي في ايام مجلس (الفقراء) عبد الرحمن سر الختم وميرغني ادريس والخطيب ومالك جعفر الى اسامة فيروز وعاطف النور في الادارة اما الجهاز الفي فتوالى عليه مصطفى يونس الذي بدا العمل وله الفضل الاكبر في صناعة فريق قوي الى الان ثم اعقبة برانكو الذي فاز بالدوري بفارق 18 نقطة من الوصيف ثم سفيان الحيدوسي في تلك المواسم صعد الهلال لاول مرة الي مجموعات البطولة الكونفدرالية ثم اتى بعد ذلك عهد جديد ليته لم يأتي انه عهد المال انه عهد البلدوزر صلاح ادريس (البلدوزر الذي يقتلع اي شي يقف في طريقه حتى ولو كان في مصلحة الهلال)
صلاح ادريس افشل رئيس يمر على تاريخ الهلال كما يقول الاخ حسن فاروق
واصل الهلال نضوجه الكروي لانه في بداية عهده (كان فرحان بالهلال) ويعتمد على ابناء الهلال
ثم بدات المجزرة ناطح طه علي البشير اطاح بفوزي المرضي والامين البرير صارع خالد عز الدين وقاتل ... وصرع .... ووووو
كلتشي ،،، يوسف محمد ،،، قودوين ،،، كرنقو ،،، علاء جبريل ،،، علاء بابكر،،، صالح عبد الله،،، ريتشارد ،،،
ذهبوا بجهللة افشل رئيس مر على تاريخ الهلال
وشوفوا جاب منو ؟ خليفة اصبح (يشخط وينطر ) ويوجه والله ايام يازمن
منير امبدة لاحول ولاقوة الا بالله
صدام - التاج - الخ...
الاخطر من هذا وذاك عملية التطبيع مع المريخ وعلاقته مع عديله (إتلم المتعوس على خايب الرجا)
كلنا عارفين الرجع سفاري منو لما كان داير الهلال
والخلا كلتشي ساهل للمريخ
والودا طمبل للمريخ بكرعينو
عامل لينا فيها مثالي وما بزايد
الكورة ما فيها كدا ياصلاح (الكورة اقوان) وجيب من جوة
مثاليات نهي اكسب باي طريقة
مجلس الهلال الحالي اكبر مصيبة من لا يملك قوته لايملك قراره
والله نحنا غير الطاش وعماد مابنعرف زول
والطاش وعماد زااااااااااااااااااااتم اخير عدمهم
القادم زمان كان احلى لكن القادم افظع
كفاية ياصلاح كفاية عذاب
الاستاد منتهي
اللاعبين اي زول جبتو انت ماعيزنو
الادارة هو في اداري غيرك
الجمهور جزء زعلان وجزء حردان وجزء مامصدق
انت المسئول الاول عن احتراق الهلال
تاني دايرين لينا كم سنة عشان الهلال يرجع زي زمان
استقيل ياثقيل

هذا ابتلاء اخى الحبيب خاكم ...عليكم بالصبر وعليكم بالاجتهاد حتى ينقشع ذاك الكابوس
الذى ظل ملازما لكم كل تلك الفترة الطويلة ..ربنا يعينكم .

والله يا حاكم لو قعدنا نتكلم عن الراجل دا والبلبلة والمشاكل العملة من يوم استلم رئاسة نادي الهلال ما أظن نخلص للسنة الجاية..

لكن يا حاكم لا يغير الله ما بقوم حتى يغيرو ما بأنفسهم...

لك كل الود

شكرا ابوعبده
شكرا الطيب كرور
لكن انا شامي ريحة شماته
انبهكم انو قوة المريخ من قوة الهلال وتاني ما عندي ليكم اي حاجه