منتدى الشجرة والحماداب
منتدى مدينة الشجرة والحماداب



 
الرئيسيةالتسجيلدخول

شاطر | 
 

 تعريفات تهمك كمواطن سوداني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غاده
شجرابي مميز
شجرابي مميز
avatar

الجنس : انثى الاسم كامل : غاده سعيد

مُساهمةموضوع: تعريفات تهمك كمواطن سوداني   السبت 22 مايو 2010, 3:32 pm

[flash][flash][/flash][/flash]







١- الرطوبة : ليس لها اى علاقة بالجو أو المناخ وإنما هي احد الشيئين إما أن تكون منتميا إلى الحزب الحاكم ليوفر لك وظيفة محترمة بمرتب محترم جدا أو أن تولد وفى فمك كوريك دهب.

٢- حدائق السلام : مكان كل ما تذهب إليه تجده ملئ بالبشر وعادة مايكون عدد البائعين للمياه والسجائر والأشياء الأخرى أكثر من عدد الزوار.

٣- الدراما السودانية : وهنا نطلب أبيات للشاعر عاطف خيري ليقول

لا حبابك ولا حبابه ومرة شفت أنا في عيونك شافعا والدنه دابه شايل السكين يقطع في ضرع أمه البرضع ولما جاع لي لقمة طيبة قام أكل باليل حجابه.

٤- البت الحنكوشة : هي تلك الفتاة التي ترتدي اسكيرتى إلى نصف الساق وكدارة وشراب قصيرجدا لا يكاد يرى من فوق الكدراة مع حفظ كل الاغانى للمطرب تامر حسنى.

٥- الفضائية السودانية : هي الفضاء والفراغ وعدم الموضوع والنقة الما بتخلص.

٦- المغترب : هو ذلك الانسان الذي دفع الضريبة من عمره ليتزوج من فتاة راءها في شريط عرس وقام مصور الحفلة بالتركيز عليها.

٧- المستشفيات العامة : هي المكان الذي يجد فيه طلاب الطب ضالتهم لينظروا ويطبقوا كل مادروسه على ارض الواقع 'جسد المريض' مع التنويه لعدم وجود مشرف أو دكتور متخصص معهم.

٨- المواصلات : 3 مواطنين يتزاحمون والحافلة فارغة تماما وسائق يتلصص النظر

بالمرآة للفتاة التي تجلس خلفه مباشرة وكمساري ينقنق طوال الرحلة مع الطلبة.

9- الاغانى الهابطة : تتجسد في أبهى حللها مع المايسترو 'أيمن الربع' والرائعات جدا ( نجاة غرزه , عوضيه عزاب , سعاد جبرونا , تغريد جبره , هاجر كباشي , أمل الديم ,...) والقائمة تطول


١٠- بتاع الدكان : هو ذلك الرجل الذى يلم بكل شمارات وخفايا وأسرار أهل الحي وقد لا يدينك مثقال زره من باكنبودر ادا علم بأنك عاطل عن العمل
الرجوع الى أعلى الصفحة اذهب الى الأسفل
ام محمد معتز
شجرابي مميز
شجرابي مميز


الجنس : انثى الاسم كامل : نوارة محمد نور

مُساهمةموضوع: رد: تعريفات تهمك كمواطن سوداني   السبت 22 مايو 2010, 3:57 pm

موضوع حيوى جدا وجميل والمزيد منها
الرجوع الى أعلى الصفحة اذهب الى الأسفل
مجدى ابوعبدة
مشرف مشاهير الشجرة والحماداب
مشرف مشاهير الشجرة والحماداب
avatar

الجنس : ذكر الاسم كامل : مجدى عوض محمد احمد

الاوسمة
 :


مُساهمةموضوع: رد: تعريفات تهمك كمواطن سوداني   السبت 22 مايو 2010, 4:00 pm

المصطلحات متداولة وبصورة يومية ..وفعلا ده الحاصل بالظبط وربنا يكون فى عوننا .تقبلى
مرورى اختى غادة ..خالص تقديرى واحترامى لك .
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: تعريفات تهمك كمواطن سوداني   السبت 22 مايو 2010, 8:24 pm

مصطلحات ...
غمران ومعناه الزول الماجايب خبر شئ
ماشة معاك ومعناها الدنيا مريحاك
ايامك طحنية ومعناها انك مرتاح شديد
نفتْ ومعناها نتحدث ونتونس او بمعنى تاني ناكل
الجومة بضم الجيم وشد الميم ومعناها الاكل
مركب كرونة كلب ومعناها الزول الجراى شديد
خمس لي ومعناها بقي لي حاجة بسيطة
فلان كج وعارض ومعناها زول حظه سيء او مزهجنا في عيشتنا
البلنجات بمعنى بني او بنية
علامي ومعناها زول لسع بيتعلم
والقطع الناشف ومعناهاالرفض الشديد
الهرشة بمعنى الخوفة ومهروش بمعنى خواف
جضام ومعناها زول مفتح
رقد صوف ومعناها قام جاري
تم تم بمعنى حفلة
ادا كفتريا ومعناها ادى كف لمن خلى يلف
نجري بمعنى نمشي
جلكسات ومعناها زووول كضاب لمن بهناك
ختو قرض ومعناها احرج الزوول ده او دقه
حنكك سنين ومعناها وناس مع الجكس او بتقنع اي زووول
بيض ومعناها زووول ما منه فايدة
شهادة عربية ومعناها الناس الجايين من برة او زوول مرتاح
بعاتي ومعناها الزول الناقش اي حاجة
كداري ومعناها ماشين بكرعينا
عضمة ومعناها مفلس
قهران ومعناها زوول دمه حار او ما بخاف
حنكك بيش ومعناها كلامك فاضي
سراخات ومعناها كواريك
سحار ومعناها كضاب ((كضاب ليها اكتر من كلمة))
نتجارخ وبمعنى نتخارج
هطلة ومعناها زووول عوير جدا
سعران ومعناها زووول اعصابه مشدودة ممكن يشاكلك في اي كلمة

خوجلي عثمان يعني خجلان
عبد الواحد محمد نور ومعناها زووول قدم اعتزار
مختار شبشة للبت الشينة
جلال الصحافة ومعناها فاتح لينا

_________________
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: تعريفات تهمك كمواطن سوداني   السبت 22 مايو 2010, 8:28 pm

خوجلي عثمان : تعنى الخجل الشديد
عشه الفلاتية : تعني وجبة العشاء
فاطنة الحاج: تعني الفطور
الفاتح النقر: التجاهل
عبد العظيم حركة : عامل حركات
عمر إحساس : متحسس شوية
زيدان إبراهيم : تعني الوصلة : زيادة الأكل
صلاح مصطفي: الإصلاح بين شخصين
على السقيد : شخص يحب السهر
كمال ترباس : قفلت الموضوع
عقد الجلاد : عقد الزواج
صديق منزول : النزول
زيادة حمور : زيادة في السعر
أبو القاسم الشابي = قسمة الأشياء وبالتساوي
محمد مسكين= الشخص المسكين
جوزيف لأقو =مجازفة

_________________
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: تعريفات تهمك كمواطن سوداني   السبت 22 مايو 2010, 8:35 pm

ضفادع+نحل+دبايب +ضهب + مظلات = شخص يفرض نفسه ويتواجد فى كل مكان (زول ما معزوم )
مرطّب= مرتاح أو بحاله ممتازه.
ربه=حفله.
دكاكينيه= خاصه.
ياعمك= ياأخونا.

كهارب+حنه +فله + ضحاكات + قنزب + شرتيت= فلوس اونقود.
هكر+شجر= زول قديم.
قلب= أنسان عزيز.
شتت+تلاشى= ذهب أوغاب.

شاكوش او همر =عندما يقابل شخص بالصد والرفض خصوصا من فتاه.
شديد+دسيس+مكسب + زابط = أمرجميل رايع.
تفاتيح+شرامه= الشخص الذى يدعى معرفته بالامور.
هوى بارد= شى لاتحمد عقباه.
القسم+القرد+غرز + الفقس = أسماء لرقصات شبابيه.

قائد الاسطول= مسطول
سكروتا + مسنن = سكران .
ورل= اكبردرجه من(دبيب ونحل وضفادع) .
سحلية + حربويه = البنت التى تفرط من أستخدام مستحضرات تفتيح البشره.
نجرته + بيكمون + عقربه + غنمايه + الناموسة = البت الشينه
عشمانا+غدمبليه+سفاسف + جومة + عضة = اكل او طعام

مهوى= جائع.
كبكابه = أنسان يتوتر بتعامله مع الجنس اللطيف.
لغم= أنسان صاحب تخريب وتدمير. او انسان ما مرحب بيو في الحته
تبشه= شخص(عوير(
مسطح= شخص لم يفهم ال م وضوع.
فاره + فرندقس ساي = شخص لا يعرف شي

الجلكين = الوالد
الجلك = الشخص الكبير
الألفة = الأخ الكبير
حرس الصيد = الحبوبة
الطيارة =من لا حبيبه له

شرط للأرض =سمحة شديدة .
بيض = زول أي كلام .
حنااااك = يعني زول لسانو حلو
الحنك شنو = الموضوع شنو او الخبر شنو

بُقاقه = بنت سمحة
قرمبوزه = بنت عمر 18 عام
سنقنق = بنت في عمر الزهور
نار منقد + نجاضه + شديدة = يعني بت سمحة شديد
جيبب بحنة + حبكة = آلف جنيه
الحمرا =خمسة آلف
الزرقاء= عشرة آلف
هاجر كباشي= عشرين
نانسي عجرم= خمسين
متر= مائة

_________________


عدل سابقا من قبل حاكم في السبت 22 مايو 2010, 9:35 pm عدل 2 مرات
الرجوع الى أعلى الصفحة اذهب الى الأسفل
hakim
admin
admin
avatar

الجنس : ذكر الاسم كامل : حاكم عبد القادر محمود عبد القادر

الاوسمة
 :  

مُساهمةموضوع: رد: تعريفات تهمك كمواطن سوداني   السبت 22 مايو 2010, 8:37 pm

كدي النديكم نكت بي الرندوك علشان ما تزهجو
القاضي للشماسي : أنت الجابك شنو هنا ؟؟؟؟
الشماسي : والله يامولانا كنا بنلعب طره كجنق بالشرتيت ،، ، ،
فجأة الجمتي كبس... اثنين تفتيحة كبوا الزوغة
وواحد فارة ماثل أمامكم .....

واحدة عملت الحبيب بورقيبة لواحد ... قام الواحد عمل الضوء قدم الخير لأهلها.... وأهلها لما عرفوا ا نو ما عامل
كمال شغيل ... عملوا ليه الجزيرة أبا .... الاثنين قاموا عملوا الضوء الشارد... وعملوا عقد الجلاد... أم البت عرفت
الخبر عملت احمد الدوخي ... هههههههههههههههههههههههه
..........

تسلل :
مطلوب من الجميع مدنا بالجديد الثورة

_________________
الرجوع الى أعلى الصفحة اذهب الى الأسفل
مجدى ابوعبدة
مشرف مشاهير الشجرة والحماداب
مشرف مشاهير الشجرة والحماداب
avatar

الجنس : ذكر الاسم كامل : مجدى عوض محمد احمد

الاوسمة
 :


مُساهمةموضوع: رد: تعريفات تهمك كمواطن سوداني   الأحد 23 مايو 2010, 2:49 am

فار سايق بص واول محطة وقف فيها ركبت كديسة ..عاين ليها بالمرايا قام نادى الكمسارى
وقال ليه اسمع اب شنب الركب بى وراء ده ما تشيل منو ....
الرجوع الى أعلى الصفحة اذهب الى الأسفل
زائر
زائر



مُساهمةموضوع: رد: تعريفات تهمك كمواطن سوداني   الثلاثاء 01 يونيو 2010, 7:13 am

هههههههههههههه
تموتو من الضحك ياشباب الشجرة فرقتو لينى من الهماوم والمشاكل بتاعت الجماعة المعقدين ديلاك
الرجوع الى أعلى الصفحة اذهب الى الأسفل
ابراهيم العمده
الحضور المتميز
الحضور المتميز
avatar

الجنس : ذكر الاسم كامل : إبراهيم عثمان محمد عبد الحميد

الاوسمة
 :


مُساهمةموضوع: رد: تعريفات تهمك كمواطن سوداني   الخميس 19 أبريل 2012, 1:52 am



أها بثبتوا الجاحات يد : ثبتوا الحاجات دي
: حديدة
بقصد بها (العربة) أو السيارة أو الموتر أحيانا
عندك حديدة سنينة أي عربية ممتازة
وفي كلمة أخرى شبيهة في المعنى وهي كلمة (عفن) بكسر الفاء كلمة (عفن) مدح وخاصة في الميادين عندما يستعرض لاعب بالكرة أو يحســن التمرير .. أو عندما يقود أحد السائقين سيارته
بمهارةعالية محدثاً صوتاً قوياً:
(عفن يا معلم ياخ مالك ؟؟؟؟؟؟؟؟؟)
ياخ مَاَلك : بفتح اللام، هي ليس للتساؤل ولكن للتعجب.. وتدخل في أغلب الجمل لديهم...

الماسورة عبارة عن ورطة
يعني ركب ماسورة يعني اتورط
قِد يعني روح او امشي
عمك يعني مديرك في العمل او اكبر منك في الوظيفة
الجلابي يعني صاحب ملك
جوكي يعني سواق ركشة
رافع قزاز يعني عامل نفسك ماشايقنا
الرصة ويقصد بها البرنامج
ظابط ويقصد بها تمام او مية مية
نفاخ ويقصد بها بتاع بوبار
بطنو غريقة ويقصد بها غتيت
مرطب يقصد بها مرتاح
فنان ويقصد بها كذاب
الحاجة ويقصد بها البنت
الضحاكات ويقصد بها القروش
...


_________________


الرجوع الى أعلى الصفحة اذهب الى الأسفل
 
تعريفات تهمك كمواطن سوداني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الشجرة والحماداب :: شجرة الأخبار والقضايا-
انتقل الى: