هام الي القائمين علي امر المنتدي

نشر الاخ بابكر الفكي صوره لبعض النساء المنتقبات واطلق عليها عنواناساخرا مستهزئا وهذا كلام غير مقبول وانارددت عليه وعلقت مشاركتي بالمنتدي الي اجل غير مسمي وارجو من الاخوه القائمين علي امر المنتدي ان يراجعو الموضوع ويضعو حدا لهذه المهاترات الغير مؤدبه وانا اعلم ان الاخوه المسؤولين عن المنتدي علي قدر عالي من الوعي والخلق فهل يا تري يرضيهم مافعله بابكر من استهزاء واستهتار باعراض المسلمين ونسائهم وما كتبته احدي الاخوات في تعليقها حيث وصفتهم بانهم اكياس زباله وهل نرضي بان نضحك ونمرح علي حساب اعراض الناس وهل هذا هو المقصود من انشاء المنتدي

الأخ عثمان تحية و احترام
اخي معك حقك في أنفعاك في هذا الموضوع المنشور من قبل ود الفكي والأخ شعبان رد و علق علية بعض الأخوان كل من وجهة نظره
نعم معك حق يجب التزام الموضوعية في المنشور في المنتدى ولكن أخي عثمان سبق للعضو ان خرج من النص في أكثر من موضوع بل قد أساء لبعض الإخوة ومنهم ياسر عدوي و تم إيقافه من المنتدى من قبل و اعتذر مراراً وتكراراً ولكن الواضح انو الحال في ذات الحال وليس كل ما ينشر مرضياً عليه وهناك حرية في النشر لكنها يجب ان تكون حرية لا تأذي الغير تقبلها كما هي أخي عثمان لمن نعرف ليه اتجاه او فهم ود الفكي ده واصل ورد عليه بالموضوعية لعله 00000

الاخ عثمان بشير لك تحياتي ... لقد تابعت مواضيعك كثير جدا وهي في غاية الادب والاحترام وتعليق بسيط بعد ماذكر الاخ عصام كنجو .... وهو يجب ان نرد علي من يخرج عن المألوف بأدب ونعرفه باصول المنتدي وليس كل من يخرج من عبأءة اهل المنتدي يجب ان نتركه له أو ان نسيئ اليه فالواجب الرد عليه ونحاول اصلاح الخطأ وليس بخطأ اكبر مثل ان تنسحب من المنتدي وتخبر المقربين اليك فالمنتدي محتاج الي الاقلام النابضة لكي يذدهر ويتألق وكل مشارك عضو فعال في المنتدي وله الحق في طرح رايه علي ما ينشر وفي النهاية الاخ بابكر الفكي من الشجرة وله الحق في المشاركة واذا خرج من المألوف سيفقد التواصل مع الناس وهذا شئ يرجع لشخصه ... وأعرفك بأن الاخوة في الادارة حذفوا البوست سبب المشكلة وانشاءالله سوف يعالج الموضوع[i][i]

السلام عليك اخوى عثمان بشير واشكرك على المرور وانا اتاسف منك ومن جميع الاخوه فى المنتدى على ما بدر منى من كلمه ما حلوه وتقبل اعتزارى وانا بحمد الله ان فى المنتدى ناس مثلك ومثل الاخوان ابو وجيده وعزالدين شعبان لكى يوجهونا للصح وشكرى واعتزارى مره تانيه

الاخت الفاضلة ناريمان اشكرك علي مرورك الكريم واعتذارك وان دل هذا انما يدل علي تحضرك وصدق نواياك وانا عندما رفضت الموضوع الذي نشر وسبب هذا النقاش الدائر هو للحفاظ علي المنتدي والموجودون في المنتدي دون خدش لمشاعر الاخرين ولكي يكون المنتدي في مستوي رقي اهل الشجرة واكرر شكري لاعتذارك وهذه هي اخلاق اهل الشجرة ودمتي في صحة وعافية وربنا يحفظ اذاد واخواتها. .

بسم اللة الرحمن الرحيم
السلام عيكم ورحمة اللة تعالى وبركاتو
اخوانى فى المنتدى وجيرانى فى الشجرة واخى وحبيبى فى اللة عثمان بشير بابكر انا ماقاصد الاساءةلاعراض المسلمين انا قاصد ان تاخد المرة شوية من الحرية وان لاتعامل معاملة الحيوان من تكميم للوجة كاملا حتى تعرف مين دى ومين ديك والدين الاسلامى دين تعامل ودين محبة واخاء وانما الدين المعاملة صلى اللة عليك يارسول اللة
وفى تعليقى لموضوع ياسر عدوى كان موضوعو علمى بحت ومافى واحد قدر يفهم المقصود منة الا القليل الزين يفهمون فى برمجيات الكمبيوتر والمنتديات وكان تعليقى ساخر جدا وانا اعتزرت لة وهو سامحنى وانا بحب الهزار والضحك والفرفشة بى طريقة جادة وغريبة وردودى كانت لمواضيع الاعضاء اكثرهى سخرية وتهجم والقصد من زالك الونسة والضحك ليس الا وانا اعتزرت وقبلتم اعتزارى
وغيرت طريقتى فى الردود حتى تنال رضاكم وتشرف المنتدى وناس الشجرة الطيبين
وبعدين ازا كان انا اخطات فعليك ان تقومنىوتدلنى على الخطى فيجزيك اللة حسن السواب وانا غير معصوم من الخطى
وبعدين انا ماقيلك انصار سنة قوى بالطريقة دى وازا كان الخمار عاجبك جيب مواضيع تحببنى فى الخمار يمكن نقطى حريمنى ونلبسن زى حريم السعودين ونلقى التوب السودانى والبالطو السورى ونبقى سعودين
وبعدين الموضوع المزعلك مسحو وازا ماكن مسحو انا بمسحو ليك فورا حتى اسال الشباب انا مسحت اكتر من موضوع وصور قالو لى دى خطى فورا وبدون تردد مسحتهى حتى فى اغانى للفنان الهادى حامد مافيهى شى قالو لى دى حرام امسحة مسحت اكتر من عشرين اقنية من الاقانى كنت بحمل فيهى لي يوم كامل للمنتدى لانو نص شباب الشجرة جنوب بحبو الهادى حامد ود الجبل
وفى الختام
انا بعتزر لكل المسلمين والدول العربية عن الصورة النزلتهى فى منتدى الشجرة والحماداب
ونشاء اللة يقبلو اعتزارى

كلمي يئن واحرفي تتلعثم والجرح يفتك بالاسي ويحطم اه من الكلمات حين اصوغها صوغا فتنكرني الحروف وتحجم والله لقد تاذيت مما حصل اذي بالغا ولكن كان كلام الاخوه الكبار ابو وجيده وعزالدين بلسما شافيا وهانا ذا اعاود الكتابه نزولا علي حكمهم فحق علي مثلي ان لا يتعدي كلام وحكم احد بقامتهم فلهم تحية اكبار واحترام وهم يعملون دائماعلي لم الشمل واشكرالاخوه في ادارةالمنتدي علي حذف هذا البوست الغيرلائق وشكرا اختي نارمان علي هذا الاعتذار الذي يدل علي حسن خلقك ونواياك والتحيه لك ام شهد علي المرور الايجابي الهادف تخريمه يابابكر انت بتغلط ولمن تجي تصلح غلطك بتصلحو بغلط اكبرمنو يعني انت كلامك الان بعدما ثبت ليك انك غلطان وغلط كبير ماصغير ابتديت تبرر في موقفك وبرضو بسخريه اولا ياسيد انا ما انصار سنه زي ماسيادتك استنتجت ومابنتمي لاي حزب ولاجماعه ثانياكونو ادافع عن اعراض الناس او عن شئ انا شايفو من الدين ما معني كده انك تصنفني علي مزاجك ثالثا انت ماقاضي ولا وصي علي ولا عندك اي شغله بانتماءاتي رابعا الخمار انا ما كتبت عنو عشان اقنعك بيهو انت استهزءت وانارديت عليك خامسا منو القال انو النسوان المغطين جسمهم بالكامل ماماخدين حريتهم سادساشنو دخل الحريه في اللبس سابعامنو منهم اشتكت ليك ثامناكيف تسمح لنفسك تقول انو تكميم الوجه كاملا دي معامله للمراه زي الحيوان تاسعا انت داير تعرف مين دي ومين ديك لشنو عاشراشنو الدخل المعامله في اللبس هو كشف الوجه جزء من المعامله ولا انت مابتعرف تعريف المعامله واخيرا يابابكر لاتهرف بما لاتعرف واعلم ان الكلمه اذا كانت في داخلك فانت تملكها ولكن اذا خرجت من فمك فهي التي تملكك واعلم ان النبي صلي الله عليه وسلم قال ان الرجل يتفوه بالكلمه لا يلقي لها بالا تهوي به في النار ابعد من ما بين المشرق والمغرب فالحذر الحذراخي بابكر

اخوانى الكرام لكم التحية والاحترام
اخوانى نحن هنا جميعا بكل اعمارنا وثقافتنا نحمل فى قلوبنا حب الشجرة وما فيها ونسعى ان يكون هذا المنتدى اطهر واشرف من اى منتدى اخر لسبب واحد ان الكل يحمل حب الشجرة فى داخله
اعتقد ان لا احد منا يقبل المساس او الاستهزاء بى الدين نحن فى الشجرة ضربنا اروع مثال للتاخى لا تعرف المسيحى من المسلم الكل سواسيا وتجد المسيحى فى خيمة العزاء عادى جدا لذالك ارجو من الجميع البعد عن ما يسبب خدش فى العلاقات سواء الدين او السياسة
يمكن طرح الموضوع للنقاش مع احترام الاخرين واحترام ارائهم

كما يجب علينا قبول اعتذار الاخرين

الاخ عثمان لك الشكر والاخ بابكر معلش تقبلها من اخ اكبر اعتذارك يجب ان يكون بدون سخرية يمكن قلبك ابيض لكن طريقة الاعتذار خليها عادية تكون مقبوله وليس عيب ان نعتذر عن غلط ابدا سيدنا عمر ابن الخطاب اغتذز قال اصابة امراءه واخطئ عمر وهو الفاروق
شكرا ناريمان وشكرا للجميع